Banvæn þögn Alexander Halldórsson Ephrussi skrifar 17. febrúar 2024 19:00 Þótt siðferðisleg hnignun vestrænna ríkisstjórna sé ekki ný af nálinni hafa síðustu mánuðir á Gaza dregið hana óþægilega fram í dagsljósið. Varla hefur sú árás á óbreytta borgara verið gerð, sem hefur verið jafn mikið sjónvarpað og nákvæmlega skrásett af þeim sem fyrir verða þrátt fyrir tilraunir stríðsvélar Ísraels til að þagga málið niður. Við horfum full hryllings á heilu fjölskyldurnar þurrkaðar út, leyniskyttur skjóta börn og blaðamenn drepna einn á eftir öðrum og enginn háskóli eða spítali hefur fengið grið á þeim 130 dögum sem liðnir eru frá Hamas-árásunum þann 7. október. Það sem stendur uppúr í miðju atburða er þó hræsnin, Það er kaldhæðnislegt að ísraelskir stjórnmálamenn, með forsætisráðherrann fremstan í flokki, gera ríkisstjórnum um allan heim erfitt að standa með þeim þegar þeir ræða blygðunarlaust og sýna jafnvel í beinni útsendingu það sem Mannréttindadómstóllinn hefur skilgreint sem þjóðarmorð af ásetningi. Frá því varnarmálaráðherra Ísraels lýsti íbúum Gaza sem mennskum dýrum, að áformum um landnemabyggðir á norðanverðu Gaza-svæðinu sem eiga að spretta upp úr berangrinum, á rústum palestínskra heimila, hefur verið erfitt að líta á aðgerðir og miskunarlausa afstöðu ísraelskra stjórnvalda sem lögmæta sjálfsvörn, jafnvel fyrir þeirra tryggustu og elstu bandamenn. Þrátt fyrir þetta styðja vestræn stjórnvöld aðfarir Ísraelsstjórnar í orði og á borði eða líta undan í stað þess að mótmæla stöðugum sprengjuárásum á Gaza og Ísland er þar engin undantekning. Að stærstum hluta hafa Ísraelar náð að þagga niður fjöldamorð tuga þúsunda óbreyttra borgara Í Palestínu , meðan þeir þylja í sífellu harmatölur vegna rúmlega þúsund Ísraela sem hafa týnt lífi.Þetta sýnir okkur eins og svo oft áður að sum mannslif eru dýrari en önnur í vestrænum stjórnmálum. Við sjáum því hvernig molnar undan siðferðinu í þessari afstöðu eða afstöðuleysi vestrænna stjórnmálamenna, ef að það var þá eitthvað siðferði, afganskir eða íraskir vinir okkar gætu kannski hresst upp á minnið og margir aðrir. Hræsni vestrænna stjórnvalda kristallast ekki síst í því að síðan 7. október, hafa 2,2 milljónir íbúa á Gaza hrakist á flótta undan árásum Ísraela sem vestrænir stjórnmálamenn telja lögmætar. Á sama tíma ræða stjórnmálamennirnir um fólk á flótta sem tækifærissinna í besta falli, ef ekki bara hættulegt fólk. Þetta er hin siðferðislega skekkja Evrópu þegar kemur að hælisleitendum og innflytjendum, þessi stefna rekst illa saman með vangetunni til að standa gegn þjóðarmorði. Ísland tekur þátt í því með öðrum Evrópulöndum að halda flóttafólki frá, með stundum banvænum afleiðingum, en tekur lika þátt í því að styðja aðgerðir sem bæta þúsundum við flóttamannastrauminn. Það verður að minna á í þessu sambandi að flótti íbúa frá Gaza er ekki þyrnir í auga hinnar hægri sinnuðu ríkisstjórnar Ísraels, sem hefur uppi áform um frekari útþenslu. Frá árinu 1948, hafa Palestínumenn þurft að yfirgefa heimili sín með lykil um hálsinn að dyrum sem aldrei opnast aftur. Sem íslenskur Gyðingur, fylgist ég með íslenskum stjórnvöldum styðja þjóðernishreinsanir og leggja steina í götu fórnarlambanna þegar þau leita hér hælis. Það vekur upp hugrenningatengsl við syndir fortíðarinnar, þar sem fólk sem hingað leitaði var sent aftur í opinn dauðann. Nú eins og þá er það ekki svo flókið að veita fólki á flótta skjól, það sýndu nýlega þrjár konur, þær Bergþóra Snæbjörnsdóttir, María Lilja Þrastardóttir og Kristín Eiríksdóttir þegar þær tóku málin í sínar hendur og björguðu nokkrum þeirra 120 einstaklinga sem bíða á Gaza eftir fjölskyldusameiningu. Þær sýndu með aðgerðum sínum að það sem vantaði var einungis vilji og fjármagn af hálfu ríkisstjórnarinnar. Baráttan hér er háð á tvennum vígstöðvum. Við þurfum að standa vörð um rétt fólks til að leita hér hælis og styðja samtök eins og Solaris, og við þurfum að styðja við bakið á félagi eins og Íslandi/Palestína sem þrýstir á stjórnvöld að krefjast þess að hætt verði árásum og eyðileggingu á Gaza Franski gyðingurinn og heimspekingurinn, Edgar Morin, sem tók þátt í andspyrnu gegn nasistum og lifði af helförina, segir þögn Evrópu sem þykist standa vörð um mennsku og mannréttindi, hræðilegan harmleik. „Það er siðferðisleg skylda okkar að tala máli Palestínu og það verður að vera í dag, það getur ekki beðið til morguns.” Eins og Morin segir blátt áfram, „Við megum ekki láta blekkjast, við verðum að hafa hugrekki til að horfast í augu við hlutina eins og þeir eru og bera um þá stöðugt vitni.” Viltu birta grein á Vísi? Sendu okkur póst. Senda grein Palestína Átök í Ísrael og Palestínu Ísrael Mest lesið Hve lengi tekur sjórinn við? Björn Brynjúlfur Björnsson Skoðun Drögum úr fordómum í garð Breiðholts Alex Vor Ólafs,Jörundur Þór Hákonarson,Theodóra Líf Reykdal Skoðun Hliðarveruleiki hræðsluáróðurs og „pólitískur forarpyttur“ Þórður Snær Júlíusson Skoðun Fyrir hverja er Sjúkratryggingar Íslands? Hrefna Sif Jónsdóttir Skoðun Líffræðilega ómögulegt Björn Ólafsson Skoðun Þekkir þú áhrifavaldana í lífi barnsins þíns? Daðey Albertsdóttir,Silja Björk Egilsdóttir,Skúli Bragi Geirdal Skoðun Að bregðast ungu fólki í viðkvæmri stöðu Ingibjörg Isaksen Skoðun Nauðsynlegar breytingar á Menntasjóði námsmanna Ragna Sigurðardóttir Skoðun Minn gamli góði flokkur Hólmgeir Baldursson Skoðun Vindmyllufyrirtæki í áskrift hjá íslenskum almenningi Linda Jónsdóttir Skoðun Skoðun Skoðun Sérstök staða orkusveitarfélaga! Guðmundur Haukur Jakobsson skrifar Skoðun Miklar endurbætur á lánum menntasjóðs námsmanna Elín Íris Fanndal skrifar Skoðun Drögum úr fordómum í garð Breiðholts Alex Vor Ólafs,Jörundur Þór Hákonarson,Theodóra Líf Reykdal skrifar Skoðun Er almenningur rusl? Sigurður Ingi Friðleifsson skrifar Skoðun Líffræðilega ómögulegt Björn Ólafsson skrifar Skoðun Veiðigjaldið stendur undir kostnaði Heiðrún Lind Marteinsdóttir skrifar Skoðun Minn gamli góði flokkur Hólmgeir Baldursson skrifar Skoðun Hve lengi tekur sjórinn við? Björn Brynjúlfur Björnsson skrifar Skoðun Orkan okkar, börnin og barnabörnin Jóna Bjarnadóttir skrifar Skoðun Að fjárfesta í sjálfbærri verðmætasköpun Ingibjörg Ösp Stefánsdóttir skrifar Skoðun Að bregðast ungu fólki í viðkvæmri stöðu Ingibjörg Isaksen skrifar Skoðun Þekkir þú áhrifavaldana í lífi barnsins þíns? Daðey Albertsdóttir,Silja Björk Egilsdóttir,Skúli Bragi Geirdal skrifar Skoðun Hliðarveruleiki hræðsluáróðurs og „pólitískur forarpyttur“ Þórður Snær Júlíusson skrifar Skoðun Fyrir hverja er Sjúkratryggingar Íslands? Hrefna Sif Jónsdóttir skrifar Skoðun Nauðsynlegar breytingar á Menntasjóði námsmanna Ragna Sigurðardóttir skrifar Skoðun Skipta ekki öll börn jafn miklu máli? Greiðslur Reykjavíkurborgar fyrir nám barna utan sveitarfélags Hrönn Stefánsdóttir skrifar Skoðun Er sjálfbærni bara fyrir raungreinafólk? Saga Helgason skrifar Skoðun Börn í skjóli Kvennaathvarfsins Auður Magnúsdóttir skrifar Skoðun Börn, foreldrar og skólar í vanda: Hvernig eigum við að nálgast verkefnið? Margrét Sigmarsdóttir,Bergljót Gyða Guðmundsdóttir,Arndís Þorsteinsdóttir,Edda Vikar Guðmundsdóttir skrifar Skoðun Nýr vettvangur samskipta? Guðrún Hrefna Guðmundsdóttir skrifar Skoðun Nokkur atriði sem almennum borgara finnst að helst megi ekki ræða – eða mjög sjaldan Hjalti Þórðarson skrifar Skoðun Vilja Ísland í sambandsríki Hjörtur J. Guðmundsson skrifar Skoðun Blikkandi viðvörunarljós Ingveldur Anna Sigurðardóttir skrifar Skoðun „Evrópa er í hnignun“ – Er það samt? Lítum aðeins á söguna Guðni Freyr Öfjörð skrifar Skoðun Vindmyllufyrirtæki í áskrift hjá íslenskum almenningi Linda Jónsdóttir skrifar Skoðun Metnaðarfull markmið og stórir sigrar Halla Helgadóttir skrifar Skoðun Hvers virði er vara ef hún er ekki seld? Jón Jósafat Björnsson skrifar Skoðun Aulatal um að Evrópa sé veik og getulaus Ole Anton Bieltvedt skrifar Skoðun Ár vondra vinnubragða í Stúdentaráði HÍ Katla Ólafsdóttir,Mathias Bragi Ölvisson skrifar Skoðun Mannúð og hugrekki - gegn stríðsglæpum og þjóðarmorði Ólafur Ingólfsson skrifar Sjá meira
Þótt siðferðisleg hnignun vestrænna ríkisstjórna sé ekki ný af nálinni hafa síðustu mánuðir á Gaza dregið hana óþægilega fram í dagsljósið. Varla hefur sú árás á óbreytta borgara verið gerð, sem hefur verið jafn mikið sjónvarpað og nákvæmlega skrásett af þeim sem fyrir verða þrátt fyrir tilraunir stríðsvélar Ísraels til að þagga málið niður. Við horfum full hryllings á heilu fjölskyldurnar þurrkaðar út, leyniskyttur skjóta börn og blaðamenn drepna einn á eftir öðrum og enginn háskóli eða spítali hefur fengið grið á þeim 130 dögum sem liðnir eru frá Hamas-árásunum þann 7. október. Það sem stendur uppúr í miðju atburða er þó hræsnin, Það er kaldhæðnislegt að ísraelskir stjórnmálamenn, með forsætisráðherrann fremstan í flokki, gera ríkisstjórnum um allan heim erfitt að standa með þeim þegar þeir ræða blygðunarlaust og sýna jafnvel í beinni útsendingu það sem Mannréttindadómstóllinn hefur skilgreint sem þjóðarmorð af ásetningi. Frá því varnarmálaráðherra Ísraels lýsti íbúum Gaza sem mennskum dýrum, að áformum um landnemabyggðir á norðanverðu Gaza-svæðinu sem eiga að spretta upp úr berangrinum, á rústum palestínskra heimila, hefur verið erfitt að líta á aðgerðir og miskunarlausa afstöðu ísraelskra stjórnvalda sem lögmæta sjálfsvörn, jafnvel fyrir þeirra tryggustu og elstu bandamenn. Þrátt fyrir þetta styðja vestræn stjórnvöld aðfarir Ísraelsstjórnar í orði og á borði eða líta undan í stað þess að mótmæla stöðugum sprengjuárásum á Gaza og Ísland er þar engin undantekning. Að stærstum hluta hafa Ísraelar náð að þagga niður fjöldamorð tuga þúsunda óbreyttra borgara Í Palestínu , meðan þeir þylja í sífellu harmatölur vegna rúmlega þúsund Ísraela sem hafa týnt lífi.Þetta sýnir okkur eins og svo oft áður að sum mannslif eru dýrari en önnur í vestrænum stjórnmálum. Við sjáum því hvernig molnar undan siðferðinu í þessari afstöðu eða afstöðuleysi vestrænna stjórnmálamenna, ef að það var þá eitthvað siðferði, afganskir eða íraskir vinir okkar gætu kannski hresst upp á minnið og margir aðrir. Hræsni vestrænna stjórnvalda kristallast ekki síst í því að síðan 7. október, hafa 2,2 milljónir íbúa á Gaza hrakist á flótta undan árásum Ísraela sem vestrænir stjórnmálamenn telja lögmætar. Á sama tíma ræða stjórnmálamennirnir um fólk á flótta sem tækifærissinna í besta falli, ef ekki bara hættulegt fólk. Þetta er hin siðferðislega skekkja Evrópu þegar kemur að hælisleitendum og innflytjendum, þessi stefna rekst illa saman með vangetunni til að standa gegn þjóðarmorði. Ísland tekur þátt í því með öðrum Evrópulöndum að halda flóttafólki frá, með stundum banvænum afleiðingum, en tekur lika þátt í því að styðja aðgerðir sem bæta þúsundum við flóttamannastrauminn. Það verður að minna á í þessu sambandi að flótti íbúa frá Gaza er ekki þyrnir í auga hinnar hægri sinnuðu ríkisstjórnar Ísraels, sem hefur uppi áform um frekari útþenslu. Frá árinu 1948, hafa Palestínumenn þurft að yfirgefa heimili sín með lykil um hálsinn að dyrum sem aldrei opnast aftur. Sem íslenskur Gyðingur, fylgist ég með íslenskum stjórnvöldum styðja þjóðernishreinsanir og leggja steina í götu fórnarlambanna þegar þau leita hér hælis. Það vekur upp hugrenningatengsl við syndir fortíðarinnar, þar sem fólk sem hingað leitaði var sent aftur í opinn dauðann. Nú eins og þá er það ekki svo flókið að veita fólki á flótta skjól, það sýndu nýlega þrjár konur, þær Bergþóra Snæbjörnsdóttir, María Lilja Þrastardóttir og Kristín Eiríksdóttir þegar þær tóku málin í sínar hendur og björguðu nokkrum þeirra 120 einstaklinga sem bíða á Gaza eftir fjölskyldusameiningu. Þær sýndu með aðgerðum sínum að það sem vantaði var einungis vilji og fjármagn af hálfu ríkisstjórnarinnar. Baráttan hér er háð á tvennum vígstöðvum. Við þurfum að standa vörð um rétt fólks til að leita hér hælis og styðja samtök eins og Solaris, og við þurfum að styðja við bakið á félagi eins og Íslandi/Palestína sem þrýstir á stjórnvöld að krefjast þess að hætt verði árásum og eyðileggingu á Gaza Franski gyðingurinn og heimspekingurinn, Edgar Morin, sem tók þátt í andspyrnu gegn nasistum og lifði af helförina, segir þögn Evrópu sem þykist standa vörð um mennsku og mannréttindi, hræðilegan harmleik. „Það er siðferðisleg skylda okkar að tala máli Palestínu og það verður að vera í dag, það getur ekki beðið til morguns.” Eins og Morin segir blátt áfram, „Við megum ekki láta blekkjast, við verðum að hafa hugrekki til að horfast í augu við hlutina eins og þeir eru og bera um þá stöðugt vitni.”
Drögum úr fordómum í garð Breiðholts Alex Vor Ólafs,Jörundur Þór Hákonarson,Theodóra Líf Reykdal Skoðun
Þekkir þú áhrifavaldana í lífi barnsins þíns? Daðey Albertsdóttir,Silja Björk Egilsdóttir,Skúli Bragi Geirdal Skoðun
Skoðun Drögum úr fordómum í garð Breiðholts Alex Vor Ólafs,Jörundur Þór Hákonarson,Theodóra Líf Reykdal skrifar
Skoðun Þekkir þú áhrifavaldana í lífi barnsins þíns? Daðey Albertsdóttir,Silja Björk Egilsdóttir,Skúli Bragi Geirdal skrifar
Skoðun Skipta ekki öll börn jafn miklu máli? Greiðslur Reykjavíkurborgar fyrir nám barna utan sveitarfélags Hrönn Stefánsdóttir skrifar
Skoðun Börn, foreldrar og skólar í vanda: Hvernig eigum við að nálgast verkefnið? Margrét Sigmarsdóttir,Bergljót Gyða Guðmundsdóttir,Arndís Þorsteinsdóttir,Edda Vikar Guðmundsdóttir skrifar
Skoðun Nokkur atriði sem almennum borgara finnst að helst megi ekki ræða – eða mjög sjaldan Hjalti Þórðarson skrifar
Drögum úr fordómum í garð Breiðholts Alex Vor Ólafs,Jörundur Þór Hákonarson,Theodóra Líf Reykdal Skoðun
Þekkir þú áhrifavaldana í lífi barnsins þíns? Daðey Albertsdóttir,Silja Björk Egilsdóttir,Skúli Bragi Geirdal Skoðun