Innherji
Afkoman yfir væntingum en horfur „ekki góðar“ vegna hærri eldsneytiskostnaðar
Afkoma Icelandair á fyrsta fjórðungi var nokkuð yfir væntingum greinenda, meðal annars vegna eignasölu og lægri eldsneytiskostnaður en óttast var, og batamerki er að sjá í rekstri félagsins. Áframhaldandi hátt raungengi og vaxandi kostnaður vegna olíuverðshækkana setur hins vegar mark sitt á horfurnar inn í árið og útlit er fyrir lakari afkomu á öðrum fjórðungi en á sama tíma í fyrra þótt einingatekjur muni enn aukast.
Fréttir í tímaröð
Guðjón leiðir hóp fjárfesta sem kaupa allt hlutafé í Svens
Breiður hópur einkafjárfesta, leiddur af Guðjóni Kjartanssyni, hefur nýlega gengið frá samkomulagi um kaup á öllu hlutafé í Svens, stærstu nikótínpúðaverslun landsins. Félagið hefur vaxið ört á undanförnum árum og skilaði nærri 400 milljóna rekstrarhagnaði í fyrra.
Fjárfestar halda áfram að minnka stöðu sína í hlutabréfasjóðum
Fjárfestar héldu áfram að selja sig út úr hlutabréfasjóðum í nokkuð stórum stíl í liðnum mánuði á sama tíma og markaðir lækkuðu skarpt eftir stríðsátökin við Persaflóa. Eignir innlendra hlutabréfasjóða hafa ekki verið minni að umfangi frá því á haustmánuðum ársins 2024.
Sjóður Visku minnkaði um helming samtímis gengislækkun og innlausnum
Gengistap samhliða erfiðum aðstæðum á rafmyntamörkuðum og innlausnir meðal fjárfesta þýddi að eignir í stýringu rafmyntasjóðs hjá Visku lækkuðu um liðlega helming í fyrra. Yfir tuttugu fjárfestar lögðu nýjum sjóði Visku, sem beinir meðal annars sjónum sínum að fjárfestingum tengdum gervigreind, til um milljarð króna á seinni árshelmingi.
Eru ekki að sjá „þessa holskeflu“ verðhækkana eins og fyrir fjórum árum
Þótt tilkynningar um verðhækkanir séu farnar að berast í auknum mæli frá birgjum þá er ástandið enn sem komið er ekkert í líkingu við það sem var vegna hækkunar á orku- og hrávöruverði eftir innrás Rússa í Úkraínu fyrir fjórum árum, að sögn forstjóra Haga. Nýtt samstarf við danskan smásölurisa mun í senn lækka verð í verslunum Haga og ætti jafnframt að bæta framlegðina.
Kallar eftir umræðu um hvort stjórnarformenn verði kosnir beint af hluthöfum
Stjórnarformaður eins stærsta lífeyrissjóðs landsins telur rétt að taka umræðu um hvort það eigi að hverfa frá því fyrirkomulagi að stjórnarmenn skráðra félaga ákveði það sjálfur hver gegnir formennsku og þess í stað að fara þá leið að kjósa um stjórnarformann í beinni kosningu á aðalfundum. Þá furðar hann sig á sjónarmiðum sem hafa komið nýlega frá Þorsteini Pálssyni, sem gagnrýndi greinaskrif forstjóra Icelandair og Heima, og segir þau fela í sér ákall um að „afnema mannréttindi stjórnenda“ skráðra félaga til að tjá sig um samfélagsmál.
Mest lesið
Myntbreyta
Mynt
Miðgengi
Upphæð
ISK1
GBP0
SEK0
USD0
EUR0
NOK0
DKK0
JPY0
First Water að klára um sex milljarða fjármögnun frá innlendum fjárfestum
First Water, sem vinnur að risavaxinni uppbyggingu á landeldi í Þorlákshöfn, er núna að loka stórri fjármögnun frá innlendum fjárfestum í formi útgáfu breytanlegra skuldabréfa, ásamt því að tryggja sér frekara lánsfé frá fjármálastofnunum.
Landsbankinn með langmest undir í lánum til byggingageirans
Eftir verulegan lánavöxt á liðnu ári til byggingageirans er Landsbankinn núna með um helminginn af öllum útistandandi lánum stóru bankanna til verktakafyrirtækja. Greinendur hafa varað við því að fyrirséð er að útlánasafn bankanna til geirans eigi eftir að „súrna“ núna þegar meðalsölutími nýrra íbúða hefur aldrei mælst lengri og þrengt hefur að aðgengi að lánsfé.
Agnar kemur nýr inn í stjórn Ísfélagsins
Á aðalfundi Ísfélagsins síðar í vikunni verður gerð ein breyting á stjórn félagsins og þá er jafnframt lagt til að greiða arð til hluthafa sem nemur um 76 prósent af hagnaði síðasta árs, nokkuð lægra hlutfall en í fyrra.
Fjártæknifyrirtæki búast við enn meiri tekjuvexti og innreið á nýja markaði
Samtals 76 fjártæknifyrirtæki starfa hér á landi, 930 manns vinna í geiranum og 55 prósent tekna koma frá erlendum mörkuðum. Ný samantekt Northstack sýnir jafnframt að mikill meirihluti forsvarsmanna fyrirtækjanna væntir tekjuvaxtar, aukins vöruframboðs og innreiðar á nýja markaði á næstu tólf mánuðum.
Alls staðar verið að minnka áhættusækni og dirfsku hjá stjórnendum félaga
Einn stærsti einkafjárfestirinn í Sjóvá sagði afstöðu Gildis gegn tillögu að kaupréttaráætlun fyrir lykilstjórnendur félagsins, sem tekist var á um á nýlegum aðalfundi, vera „óskiljanlega“ og gagnrýndi að alls staðar sé verið að „minnka áhættusækni og dirfsku og draga tennurnar úr“ þegar reynt er að umbuna stjórnendum. Að sögn framkvæmdastjóra Gildis snýr gagnrýninn að skorti á skýrleika en sjóðurinn var eini hluthafinn sem greiddi atkvæði á móti kaupréttaráætluninni eftir breytingartillögu sem barst frá LSR.
Telur Alvotech verulega undirverðlagt á markaði þrátt fyrir lækkun á verðmati
Þótt bandaríski stórbankinn Morgan Stanley hafi lækkað lítillega verðmat sitt á Alvotech þá ráðleggur hann fjárfestum að vera yfirvigtaðir í félaginu og telur það verulega undirverðlagt á markaði.
Boða aðgerðir til að auðvelda almenningi að fjárfesta með skilvirkum hætti
Stjórnvöld vinna nú að undirbúningi frumvarps, sem áformað er að verði orðið að lögum snemma árs 2027, sem miðar að því að bæta miðlun innlends sparnaðar til fjárfestinga og meðal annars auðvelda einstaklingum að fjárfesta með skilvirkari hætti. Fjármála- og efnahagsráðherra hefur áður sagt að verið sé að skoða leiðir til að auka þátttöku almennings á hlutabréfamarkaði.
Felur í sér „verulega áhættu“ fyrir efnahagsstöðugleika og magnar hagsveiflur
Fjármálaráð fer hörðum orðum um ákvörðun stjórnvalda að vísitölutengja bætur almannatrygginga, þar sem verið sé að bregðast við „ofmetnum“ vanda, og segir afleiðingarnar vera „veruleg áhætta“ fyrir stöðugleika í efnahagslífinu með því auka sjálfvirkni í útgjaldaþróun, magna hagsveiflur og minnka getu ríkisins til að beita mótvægisaðgerðum. Í ljósi reynslu annarra þjóða þá „sætir það furðu“, að mati ráðsins, að slíkt kerfi sé tekið upp, einkum þegar litið er til þess að tekjur öryrkja hafa vaxið hraðar en vinnandi fólks undanfarin áratug.
Vara við lausafjárvanda verktaka þegar bankarnir setja þeim stólinn fyrir dyrnar
Vegna fordæmalausrar sölutregðu á nýbyggingum þá er einungis tímaspursmál hvenær bankarnir fara að setja fjármagnsþörf áframhaldandi birgðasöfnunar á nýjum íbúðum „stólinn fyrir dyrnar,“ samkvæmt nýrri greiningu um fasteignamarkaðinn, sem mun þá birtast í lausafjárvanda byggingarverktaka. Sögulega mikið ójafnvægi á milli fasteignaverðs og getu heimila til íbúðakaupa, ásamt horfum á aðhaldssamri peningastefnu, ætti að styðja við að verðið gefi enn eftir á komandi mánuðum og spurningin er aðeins hversu hröð sú aðlögun verður.
Nova „heppilegur eigandi“ að Ofar og samlegðaráhrifin sögð varlega metin
Þrátt fyrir að nýleg kaup Nova á upplýsingatæknifyrirtækinu Ofar hafi komið nokkuð á óvart, að mati hlutabréfagreinanda, þá líta þau vel út en yfirlýst samlegðaráhrif eru sögð vera fremur varlega metin. Verðmat Nova helst nánast óbreytt milli fjórðunga og er félagið talið verulega undirverðlagt á markaði.
Bandaríski risinn Oracle kaupir réttindi til að nýta sér tækni Lucinity
Íslenska gervigreindarfyrirtækið Lucinity, sem veitir þjónustu á sviði varna gegn peningaþvætti og öðrum fjármálaglæpum, hefur gengið frá samkomulagi við Oracle en bandaríski tæknirisinn hefur með því tryggt sér réttindi til að nota tækni Lucinity.
Snörp aukning verðbólgu að undanförnu lítur sumpart verr út en raunin er
Mikill meirihluti aukinnar verðbólgu á undanförnum fjórum mánuðum má rekja til þátta, einkum opinberra gjaldabreytinga og hækkun flugfargjalda, sem gefa takmarkaða vísbendingu um verðbólguþrýsting í hagkerfinu og eru utan áhrifasviðs peningastefnunefndar.
Kláraði 25 milljarða samstarfssamning við systurfélagið Alvogen í lok árs
Nýr samstarfssamningur sem Alvotech gerði við systurfélag sitt, Alvogen, rétt undir lok síðasta árs sem nær til markaðssetningar í Bandaríkjunum á þremur líftæknilyfjahliðstæðum í þróun getur skilað íslenska félaginu yfir 200 milljónum dala í leyfis- og áfangatekjur. Hluti þeirra tekna var bókfærður á fjórða ársfjórðungi en hlutabréfaverð Alvotech hefur rétt aðeins úr kútnum að undanförnu.
Ekki að vænta niðurstöðu um framhald samrunaviðræðna fyrr en eftir mánuð
Eftir að hafa átt í margra mánaða forviðræðum við Samkeppniseftirlitið voru væntingar um það myndi draga til tíðinda í samrunaferli Arion banka og Kviku á komandi dögum. Enn verður hins vegar einhver bið á því en stjórnendur bankanna búast núna við að myndin skýrist um hvort haldið verði áfram með samrunann um miðjan næsta mánuð.
Sjóðurinn Seigla stækkar um milljarða með innflæði og tugprósenta ávöxtun
Vogunarsjóðurinn Seigla hefur stækkað ört á undanförnum misserum samhliða tugprósenta ávöxtun, langt umfram markaðinn í heild sinni, og auknu innflæði frá fjárfestum. Hlutabréfastaða sjóðsins í Íslandsbanka átti hvað stærstan þátt í velgengni sjóðsins á liðnu ári.
Ríkissjóður gerði ráð fyrir milljarða arðgreiðslu frá Isavia en fær ekkert
Enn eru nokkur ár í að Isavia muni geta farið að greiða út arð til ríkissjóðs en í fjárlögum ársins 2026 hafði verið gert ráð fyrir milljarða arðgreiðslu frá hinu opinbera hlutafélagi. Ekkert verður hins vegar af því og stjórnarformaður félagsins segir ekki að vænta mikillar arðsemi á komandi árum.
Sala fjárfesta í hlutabréfasjóðum reyndist mun minni eftir leiðréttar tölur
Umfang innlausna úr innlendum hlutabréfasjóðum í febrúar var ofmetið um marga milljarða en í stað þess að hreint útflæði hafi verið hið mesta í nærri níu ár þá nam það rúmlega milljarði, samkvæmt leiðréttum tölum.
Hækka verðmatið á JBTM vegna væntinga um meiri vöxt og betri afkomu
Stjórnendur JBT-Marel sjá fram að skila talsvert meiri tekjuvexti á komandi árum heldur en markaðurinn í heild sinni, meðal annars á grunni samkeppnisforskots með breiðari vörulínu en keppinautar, og hlutabréfagreinendur hafa hækkað lítillega verðmat sitt á félaginu sem er langt yfir núverandi markaðsgengi. Hlutabréfaverð félagsins hefur lækkað skarpt eftir stríðsátökin við Persaflóa.