Viðskipti innlent

Samgöngustofa fundaði ný­lega með Play og fékk gögn frá KPMG

Kolbeinn Tumi Daðason skrifar
Eyjólfur Ármannsson er innviðaráðherra.
Eyjólfur Ármannsson er innviðaráðherra. Vísir/Vilhelm

Eyjólfur Ármannsson innviðaráðherra segir Samgöngustofu hafa fengið upplýsingar frá endurskoðendafyrirtækinu KPMG í byrjun september að staða flugfélagsins Play væri í lagi og ekki tilefni til aðgerða gagnvart félaginu.

Play hætti starfsemi í morgun og er á leið í gjaldþrot. Flugrekstrarleyfi félagsins verður skilað inn. Vélar félagsins flugu utan í morgun og bætast þeir farþegar við fjölda annarra sem þurfa að leita annað til að komast aftur til landsins.

Þá eru ótaldir allir þeir ferðamenn hér á landi sem eiga ekki lengur vísa ferð til síns heima.

„Þetta er áfall fyrir flugrekstur í landinu að annað stærsta flugfélag landsins skyldi fara á hausinn,“ segir Eyjólfur Ármannsson innviðaráðherra.

„Samgöngustofa hefur haft eftirlit með flugfélaginu og var síðast á fundi í ágúst vegna stöðu flugfélagsins og fékk upplýsingar 2. september um stöðu flugfélagsins og taldi ekki ástæðu til aðgerða,“ segir Eyjólfur.

„Samkvæmt mínum upplýsingum fékk Samgöngustofa upplýsingar frá KMPG sem sér um þetta eftirlit fyrir Samgöngustofu um að það ætti meðal annars að auka hlutafé til félasgins sem átti að duga til áramóta.“

Hann hafi séð tíðindin í morgun.

„Þetta er töluvert högg og sérstaklega fyrir þá farþega sem eru erlendis og þurfa að koma sér heim aftur. Það voru flug í morgun sem fóru, sex til sjö hundruð manns, og nú munu þessir farþegar ekki fljúga til baka,“ segir Eyjólfur.

Í samanburði við fall WOW air á sínum tíma þá sé um miklu minna félag að ræða og gjaldþrotið eftir því minna.

Play Gjaldþrot Play

Tengdar fréttir

Ekki erfitt að vera föst í 25 gráðum en ástæðan sorg­leg

Tæplega áttatíu starfsmenn rekstrarfélags Kringlunnar og Reita í árshátíðarferð eru fastir í Sitges á Spáni eftir að flugi Play var aflýst vegna yfirvofandi gjaldþrots félagsins. Markaðsstjóri Kringlunnar segir það ekki amalegt að vera strandaglópur í 25 gráðum en tildrögin séu þó ansi sorglegar fréttir.

„Óvænt og líka mjög leiðinlegt“

„Þetta er óvænt og líka mjög leiðinlegt. Ekki bara fyrir hönd okkar og ég verð að segja fyrir hönd Play og fyrir hönd Íslendinga,“ segir Elma Dís Árnadóttir starfsmaður Play, eftir tíðindi morgunsins um að flugfélagið væri hætt starfsemi.

„Við erum ekki með öll eggin í sömu körfu“

Fjármálaráðherra segir tíðindi af gjaldþroti Play í morgun ekki góð. Aftur á móti fljúgi fjöldi flugfélaga til og frá Íslandi og því séu ekki öll eggin í sömu körfu hvað það varðar. Þá segir hann ríkið vel í stakk búið til að takast á við áfallið.

Föst í Portúgal: „Siðlaust“ að fljúga vélunum út í morgun

Hópur tuttugu Íslendinga í Lissabon í Portúgal var búinn að tékka sig inn í flug Play til Íslands þegar tíðindi bárust af falli félagsins. Einn þeirra segir aðstæðurnar einkar sérkennilegar. Henni þyki siðlaust af forsvarsmönnum félagsins að hafa sent flugvélar út í morgun rétt fyrir tilkynningu um fall félagsins.



Mest lesið


Fleiri fréttir

Sjá meira


×

Mest lesið