Asensio hetja Real Madríd

Real Madríd jók forskot sitt á toppi La Liga, spænsku úrvalsdeildarinnar, með naumum 1-0 sigri á Granada í síðasta leik dagsins. Marco Asensio var hetja heimamanna en hann skoraði eina mark leiksins.

Eftir markalausan fyrri hálfleik gerði Carlo Ancelotti þrjár skiptingar í leit að lausnum. á endanum var það þó leikmaður sem byrjaði leikinn sem tryggði Real stigin þrjú.

Það voru aðeins sextán mínútur til leiksloka þegar fékk sendingu frá Éder Militão, Asensio tók vel á móti boltanum og smurði hann svo í netið. Asensio fagnaði með viðeigandi hætti, reif sig úr að ofan og fékk gult spjald að launum.

Mark Asensio reyndist eina mark leiksins og Real er komið með sex stiga forystu á Sevilla sem er í 2 sæti La Liga.