Kastaði eggjum í bíl

Nokkur erill var hjá lögreglunni á höfuðborgarsvæðinu í nótt og gærkvöldi. Snemma í morgun gistu tólf í fangageymslu lögreglunnar.

Nokkrir ökumenn voru stöðvaðir fyrir að vera með filmur í hliðarrúðum og eiga þeir von á sekt.

Á lögreglustöð 2 voru þrír handteknir vegna gruns um nytjastuld vélknúinna farartækja. Þeir voru allir vistaðir í klefa í þágu rannsóknar. Umdæmi stöðvarinnar er Hafnarfjörður, Garðabær og Álftanes.

Þá voru nokkrir handteknir grunaðir um akstur undir áhrifum fíkniefna eða áfengis og aðrir sektaðir fyrir of hraðan akstur.