Innlent

Mætti með heima­til­búið skot­vopn í skólann

Kolbeinn Tumi Daðason skrifar
Málið er á borði lögreglu og barnaverndar.
Málið er á borði lögreglu og barnaverndar. Lundarskóli

Nemandi á unglingastigi Lundarskóla á Akureyri mætti með heimatilbúið skotvopn í skólann fyrir helgi og sýndi ógnandi hegðun gagnvart kennara. Lögregla var kölluð til vegna málsins.

Þetta kemur fram í tölvupósti frá Maríönnu Ragnarsdóttur skólastjóra Lundarskóla til foreldra og forráðamanna í skólanum í gær. Þar kemur fram að nemandinn sé alla jafna ljúfur einstaklingur en áhyggjur hafi sprottið vegna hegðunar hans. Lögregla hafi tekið málið að sér ásamt barnavernd.

Skólastjóri segist líta málið alvarlegum augum. Um sé að ræða viðkvæmt og persónulegt atvik sem skólayfirvöld geti ekki tjáð sig um opinberlega.

Á fimmta hundrað nemenda eru við Lundarskóla í 1. til 10. bekk.

Akureyri Grunnskólar Barnavernd Lögreglumál Skotvopn Skóla - og menntamál

Mest lesið


Fleiri fréttir

Sjá meira


×

Mest lesið