Á­höfnum tveggja báta brugðið eftir að þeir strönduðu

Bátur og skúta sem var í eftirtogi strönduðu í Njarðvík í dag en viðbragðsaðilum tókst að koma í veg fyrir slys á fólki. Þetta kemur fram í Facebook-færslu Lögreglunnar á Suðurnesjum.

Skútan var í drætti þegar dráttartóg slitnaði og tók skútuna í kjölfarið að reka þar til hún strandaði. Svo óheppilega varð að dráttartógið fór í skrúfuna á bátnum sem hafði dregið skútuna og tók hann að reka upp í stórgrýtta sjóvarnargarða.

Viðbragðsaðilar og aðrir unnu hratt á standstað þar sem mönnum var komið frá borði og unnu lögregla, slökkvilið, björgunarsveit og starfsmenn Reykjaneshafna að því að koma í veg fyrir frekara tjón. Björgunarsveitin dróg skútuna til hafnar og hafnsögubáturinn Auðunn dró bátinn frá varnargarðinum að höfninni.