Aron Pálmars með bæði sirkusmark og sirkusstoðsendingu í Meistaradeildinni í gær

Aron Pálmarsson átti mjög flottan leik í Meistaradeildinni í handbolta í gær þegar Barcelona vann sjö marka útisigur á Þýskalandsmeisturum Flensburg.

Barcelona hefur unnið 5 af 6 leikjum sínum í Meistaradeildinni og er á toppnum í A-riðlinum. Guðjón Valur Sigurðsson og félagar í Paris Saint-Germain geta náð þeim að stigum vinni þeir leikinn sem þeir eiga inni.

Aron Pálmarsson skoraði fimm mörk í leiknum sem er það mesta sem hann hefur gert í einum leik í Meistaradeildinni í vetur.

Barcelona hefur tekið saman flottustu tilþrif sinna manna í leiknum í gær og þar kemur Aron Pálmarsson svo sannarlega við sögu eins og sjá má hér fyrir neðan.

El resum de la gran victòria d’ahir al Flens Arena // El resum del triunfo de ayer ante el @SGFleHa (27-34) en la @ehfcl

#ForçaBarçapic.twitter.com/UEvBMYRD02

— Barça Handbol (@FCBhandbol) October 31, 2019

Í samantektinni má sjá tvö glæsileg mörk og eina glæsilega stoðsendingu hjá íslenska landsliðsmanninum.

Aron sést þar bæði skora sirkusmark og og gefa sirkusstoðsendingu. Sirkusmarkið hans kemur eftir 50 sekúndur en sirkusstoðsendingin eftir 1:04 mín. Það má einnig sjá frábært langskot Arons eftir 32 sekúndur.

Aron Pálmarsson hefur sýnt styrk sinn í síðustu tveimur sigurleikjum Barcelona í Meistaradeildinni sem hafa verið á móti stórliðunum Paris Saint-Germain og Flensburg en þetta eru þeir leikir sem íslenski landsliðsmaðurinn hefur skorað flest mörk í Meistaradeildinni til þessa í vetur.