Dæmdur í ævilangt bann fyrir að rota dómara | Myndband

Franski rúgbýleikmaðurinn Hedi Ouedjdi hefur verið dæmdur í ævilangt bann fyrir að rota dómara í leik á dögunum.

Myndband af atvikinu fór sem eldur í sinu um netheima. Þar sést Ouedjdi kýla dómarann Benjamin Casty eftir að hann rak hann út af.

Dómarinn rotaðist en Ouedjdi virtist ekki kippa sér mikið upp við það og hélt áfram að slá frá sér þegar mótherjarnir reyndu að stöðva hann. Ouedjdi var á endanum yfirbugaður og leikurinn flautaður af.

Franska rúgbýsambandið hefur nú dæmt Ouedjdi í ævilangt bann. Í úrskurði þess segir að leikmaðurinn hafi svert ímynd íþróttarinnar og það verði ekki liðið.

This makes @gazhock12 look like a saint! Wonder what grade the RFL would give this one @drmarwanK the alphabet probably not long enough!pic.twitter.com/4Fj61nAmf2

— Derek john beaumont (@derek_beaumont) April 27, 2017