Valur nálgast toppinn | Anna Katrín með 16 mörk

Tveir leikir fóru fram í Olísdeild kvenna í kvöld en að þeim loknum skilja aðeins tvö stig efstu fimm liðin að á toppi deildarinnar.

Valur vann Hauka, 27-24, en Hafnfirðingar misstu þar með af tækifæri til að jafna ÍBV að stigum á topppnum.

Staðan í hálfleik var 13-12, Val í vil, en liðin eru jöfn að stigum með átján hvort í 4.-5. sæti deildarinnar eftir leikinn í kvöld.

Kristín Guðmundsdóttir fór mikinn fyrir Val í kvöld og skoraði þrettán mörk. Markahæst hjá Haukum var Maria De Silfe með sex mörk.

Grótta er með nítján stig, rétt eins og Fram, sem eru í 2.-3. sætinu, stigi á eftir toppliði ÍBV. Grótta vann ótrúlegan 30 marka sigur á Fjölni, 41-11.

Fjölnir skoraði aðeins þrjú mörk allan fyrri hálfleikinn og því snemma ljóst í hvað stefndi. Anna Katrín Stefánsdóttir skoraði sextán mörk - fimm mörkum meira en allir leikmenn Fjölnis til saman.

Fjölnir er í áttunda sætinu með átta stig.

Grótta - Fjölnir 41-11

Mörk Gróttu: Anna Katrín Stefánsdóttir 16, Unnur ÓMarsdóttir 7, Laufey Ásta Guðmundsdóttir 5, Sunna María Einarsdóttir 3, Arndís María Erlingsdóttir 3, Þórey Anna Ásgeirsdóttir 3, Eva Margrét Kristinsdóttir 1, Anna Úrsúla Guðmundsdóttir 1, Edda Þórunn Þórarinsdóttir 1, Lovísa Thompson 1.

Mörk Fjölnis: Berglind Benediktsdóttir 4, Andrea Jacobsen 2, Ólöf Ásta Arnþórsdóttir 2, Sara Dögg Hjaltadóttir 1, Karen Þorsteinsdóttir 1, Díana Ágústsdóttir 1.

Valur - Haukar 27-24 (13-12)

Mörk Vals: Kristín Guðmundsdóttir 13, Vigdís Birna Þorsteinsdóttir 5, Morgan Marie Þorláksdóttir 3, Íris Pétursdóttir Viborg 3, Bryndís Elín Wohler 2, Eva Björk Hlöðversdóttir 1.

Mörk Hauka: Maria Ines De Silve Pereira 6, Ragnheiður Ragnarsdóttir 5, María Karlsdóttir 3, Ramune Pekarskyte 3, Vilborg Pétursdóttir 2, Jóna Sigríður Halldórsdóttir 2, Ragnheiður Sveinsdóttir 1, Karen Helga Díönudóttir 1, Anna Lillian Þrastardóttir 1.