Umfjöllun, viðtöl og myndir: Fram - Grótta 19-31 | Grótta slátraði toppslagnum Kristinn Páll Teitsson skrifar 18. nóvember 2015 22:00 Grótta rassskellti Fram í toppslag kvöldsins í Olís-deild kvenna en leiknum lauk með tólf marka sigri Íslandsmeistaranna. Ekki er hægt að segja annað en að sigurinn hafi verið verðskuldaður en Grótta leiddi með sjö mörkum í hálfleik. Það var vitað fyrir daginn að sigurlið kvöldsins myndi tylla sér á topp Olís-deildarinnar að tólf umferðum loknum en liðin voru í 3-4. sæti, einu stigi á eftir ÍBV og Val. Fram lék Evrópuleik í Rúmeníu á laugardaginn og virtist einhver ferðaþreyta vera í liðinu í fyrri hálfleik sem var algerlega í eigu Gróttu. Fyrir utan stuttan kafla þegar Fram minnkaði muninn í eitt mark á tíundu mínútu áttu þær ekki mikla möguleika gegn fersku Gróttuliði. Í markinu átti Guðrún Ósk Maríasdóttir sem glímdi við meiðsli fyrir leik erfitt en hún varði aðeins eitt skot fyrstu 25 mínútur leiksins. Á sama tíma gekk sóknarleikur liðsins erfiðlega og náði Grótta mest átta marka forystu í fyrri hálfleik. Tóku Seltirningar sjö marka forskot inn í hálfleikinn í stöðunni 14-7 og gerðu út um leikinn strax á fyrstu tíu mínútum seinni hálfleiks þegar þær náðu þegar mest var ellefu marka forskoti. Framkonum tókst aðeins að minnka bilið næstu mínútum en ógnuðu aldrei forskoti Gróttukvenna sem settu aftur í gír og unnu að lokum öruggan 31-19 sigur. Með sigrinum skaust Grótta í toppsætið upp fyrir ÍBV og Val en spilamennska liðsins í kvöld var einfaldlega frábær. Sóknarleikur liðsins var góður þrátt fyrir nokkuð mikið af töpuðum boltum og náði Kári Garðarsson, þjálfari liðsins, að dreifa álaginu vel í leiknum. Það er áhyggjuefni fyrir Stefán Arnarson, þjálfara Fram, hversu mikill gæðamunur var á liðunum í kvöld en Fram átti einfaldlega engin svör við góðri spilamennsku Gróttu í leiknum.Kári ræðir hér við leikmenn sína í kvöld.Vísir/VilhelmKári: Væri hart af mér að ætla að vera með leiðindi eftir þessa frammistöðu „Það væri hart af mér ef ég ætlaði að fara inn í klefa og vera með leiðindi. Maður er nógu oft með leiðindi við þessar stelpur þegar ekki gengur vel og þetta var frábær frammistaða,“ sagði Kári Garðarsson, þjálfari Gróttu, með bros á vör er blaðamaður bar undir hann hvort hann gæti kvartað undan einhverju eftir leikinn í kvöld. „Sama hvar er litið á þetta þá spiluðum við blússandi handbolta og hreint út sagt frábærlega. Sóknarleikurinn okkar sem hefur verið vandamál var frábær og þetta var eiginlega bara leikur þar sem allt gekk upp.“ Kári átti von á erfiðari leik en vitað var að sigurliðið myndi ná toppsætinu í Olís-deildinni. „Ég átti von á því að þetta yrði eins og alltaf þegar þessi lið mætast. Jafnt og að þetta myndi ráðast á síðustu sekúndunum en við náðum yfirhöndinni strax á fyrstu sekúndunum.“ Kári var afar ánægður með sóknarleik Gróttu í kvöld. „Þetta var mjög heildsteypt frammistaða. Við spiluðum þéttan varnarleik og fengum hraðaupphlaup úr því en það var einkar kærkomið að sjá sóknarleikinn. Við vorum að spila á móti frábæru varnarliði með góðan markmann en við fundum lausn á því og getum vonandi byggt á því,“ sagði Kári sem dreifði álaginu vel í kvöld: „Það fengu allir að spila eitthvað og við náðum að halda hraða út allan leikinn. Mér fannst engin þreytumerki á liðinu og við lékum á 10-12 leikmönnum allan leikinn. Það er mjög jákvætt fyrir þjálfara að geta dreift þessu svona.“Leikmenn Stefáns áttu engin svör í kvöld.Vísir/VilhelmStefán: Ætlum ekki að kenna ferðaþreytu um þetta tap „Viðbrögðin eru eiginlega bara gríðarleg vonbrigði. Þetta er að ég held stærsta tap mitt síðustu 10-15 ár sem þjálfari,“ sagði Stefán Arnarson, þjálfari Fram, svekktur að leikslokum. Stefán vildi ekki kenna ferðaþreytu um spilamennskuna í kvöld en Fram spilaði erfiðan Evrópuleik í Rúmeníu á laugardaginn. „Við ætlum ekkert að afsaka okkur með því. Við stóðum okkur vel úti og við viljum vera í Evrópukeppni og að spila marga leiki en því miður áttum við slakan leik í dag.“ Stefán kunni ekki skýringu á því hvað hefði farið úrskeiðis. „Hver sem skýringin er þá mættum við einfaldlega ekki til leiks í dag og Gróttuliðið mætti til leiks og vinna okkur sannfærandi. Við erum með svipaða breidd í leikmannahópnum en þær voru bara helmingi betri í dag.“ Stefán hrósaði Guðrúnu Ósk í marki Fram fyrir að spila í dag eftir að hafa meiðst í Rúmeníu. „Hún finnur fyrir því eftir að hafa meiðst illa en hún sýndi karakter með því að spila þennan leik. Hún er ekki heil heilsu og það kom niður á frammistöðu hennar í dag,“ sagði Stefán sem missti þrjá leikmenn í meiðsli í kvöld. „Það verður að koma í ljós hver verður með á laugardaginn. Við misstum tvo leikmenn í meiðsli úti og þrjá í kvöld og ég veit ekki hversu mikið þær geta æft fram að leiknum.“Anna Úrsúla var öflug í vörn sem sókn í kvöld.Vísir/VilhelmAnna Úrsúla: Margir leikmenn sem þurftu að sýna sitt rétta andlit „Þetta var sannfærandi og það er mikil gleði eftir að hafa uppskerið það sem við sáðum,“ sagði Anna Úrsúla Guðmundsdóttir, leikmaður Gróttu, kampakát að leikslokum. „Við náðum loksins að nýta sóknina okkar og fá þessi hraðaupphlaup sem við höfum ekki verið að fá í síðustu leikjum.“ Anna talaði um, líkt og þjálfari hennar, að hún hefði verið sátt með sóknarleik Gróttu í kvöld. „Við höfum ekki verið að fá á okkur mörg mörk á okkur undanfarið og markvarslan hefur verið frábær. Við vildum mæta og sýna hvað við gætum í þessum leik,“ sagði Anna og bætti við: „Við vorum ákveðnar í því að koma og berjast allan leikinn, strax frá fyrstu mínútu, sama hver staðan væri. Það voru margir leikmenn sem þurftu að sýna sitt rétta andlit og bera ábyrgð á sjálfum sér og það gerðu það allir í dag.“ Allir leikmenn Gróttu nema þrír komust á blað í dag og telur Anna að þessi reynsla geti nýst liðinu í leikjunum sem eru framundan. „Það er gott fyrir alla leikmenn liðsins að fá að spila reglulega til að fá reynsluna og að komast í takt við spilamennsku liðsins. Það er ómetanlegt að geta gefið öllum leikmönnum liðsins mínútur því það er barátta framundan í deildinni og við verðum að vera á tánnum.“Anna Úrsula skýtur að marki í kvöld.Vísir/Vilhelm Olís-deild kvenna Mest lesið „Hún reif í mig og hraunaði yfir mig, á Marilegan hátt“ Sport Stöðvuðu bardaga Valgerðar Sport Ferguson saknar fótboltans Enski boltinn Iðrast gjörða sinna: „Var klárlega rangt af mér“ Íslenski boltinn Heimsmeistaranum refsað fyrir notkun blótsyrðis Formúla 1 Þjálfarinn í byrjunarliðinu: „Mér fannst þörf á smá aga í leikinn“ Handbolti Gróðursetja tvö hundruð tré fyrir hvert skorað mark Fótbolti Sjö mörk Jóhönnu hjálpuðu til við að landa fyrsta sigrinum Handbolti Dagskráin í dag: Íslendingaslagur af bestu gerð Sport Veðmál systkina til lykta leitt: „Veit að ég mun aldrei tapa fyrir honum“ Sport Fleiri fréttir Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Sjá meira
Grótta rassskellti Fram í toppslag kvöldsins í Olís-deild kvenna en leiknum lauk með tólf marka sigri Íslandsmeistaranna. Ekki er hægt að segja annað en að sigurinn hafi verið verðskuldaður en Grótta leiddi með sjö mörkum í hálfleik. Það var vitað fyrir daginn að sigurlið kvöldsins myndi tylla sér á topp Olís-deildarinnar að tólf umferðum loknum en liðin voru í 3-4. sæti, einu stigi á eftir ÍBV og Val. Fram lék Evrópuleik í Rúmeníu á laugardaginn og virtist einhver ferðaþreyta vera í liðinu í fyrri hálfleik sem var algerlega í eigu Gróttu. Fyrir utan stuttan kafla þegar Fram minnkaði muninn í eitt mark á tíundu mínútu áttu þær ekki mikla möguleika gegn fersku Gróttuliði. Í markinu átti Guðrún Ósk Maríasdóttir sem glímdi við meiðsli fyrir leik erfitt en hún varði aðeins eitt skot fyrstu 25 mínútur leiksins. Á sama tíma gekk sóknarleikur liðsins erfiðlega og náði Grótta mest átta marka forystu í fyrri hálfleik. Tóku Seltirningar sjö marka forskot inn í hálfleikinn í stöðunni 14-7 og gerðu út um leikinn strax á fyrstu tíu mínútum seinni hálfleiks þegar þær náðu þegar mest var ellefu marka forskoti. Framkonum tókst aðeins að minnka bilið næstu mínútum en ógnuðu aldrei forskoti Gróttukvenna sem settu aftur í gír og unnu að lokum öruggan 31-19 sigur. Með sigrinum skaust Grótta í toppsætið upp fyrir ÍBV og Val en spilamennska liðsins í kvöld var einfaldlega frábær. Sóknarleikur liðsins var góður þrátt fyrir nokkuð mikið af töpuðum boltum og náði Kári Garðarsson, þjálfari liðsins, að dreifa álaginu vel í leiknum. Það er áhyggjuefni fyrir Stefán Arnarson, þjálfara Fram, hversu mikill gæðamunur var á liðunum í kvöld en Fram átti einfaldlega engin svör við góðri spilamennsku Gróttu í leiknum.Kári ræðir hér við leikmenn sína í kvöld.Vísir/VilhelmKári: Væri hart af mér að ætla að vera með leiðindi eftir þessa frammistöðu „Það væri hart af mér ef ég ætlaði að fara inn í klefa og vera með leiðindi. Maður er nógu oft með leiðindi við þessar stelpur þegar ekki gengur vel og þetta var frábær frammistaða,“ sagði Kári Garðarsson, þjálfari Gróttu, með bros á vör er blaðamaður bar undir hann hvort hann gæti kvartað undan einhverju eftir leikinn í kvöld. „Sama hvar er litið á þetta þá spiluðum við blússandi handbolta og hreint út sagt frábærlega. Sóknarleikurinn okkar sem hefur verið vandamál var frábær og þetta var eiginlega bara leikur þar sem allt gekk upp.“ Kári átti von á erfiðari leik en vitað var að sigurliðið myndi ná toppsætinu í Olís-deildinni. „Ég átti von á því að þetta yrði eins og alltaf þegar þessi lið mætast. Jafnt og að þetta myndi ráðast á síðustu sekúndunum en við náðum yfirhöndinni strax á fyrstu sekúndunum.“ Kári var afar ánægður með sóknarleik Gróttu í kvöld. „Þetta var mjög heildsteypt frammistaða. Við spiluðum þéttan varnarleik og fengum hraðaupphlaup úr því en það var einkar kærkomið að sjá sóknarleikinn. Við vorum að spila á móti frábæru varnarliði með góðan markmann en við fundum lausn á því og getum vonandi byggt á því,“ sagði Kári sem dreifði álaginu vel í kvöld: „Það fengu allir að spila eitthvað og við náðum að halda hraða út allan leikinn. Mér fannst engin þreytumerki á liðinu og við lékum á 10-12 leikmönnum allan leikinn. Það er mjög jákvætt fyrir þjálfara að geta dreift þessu svona.“Leikmenn Stefáns áttu engin svör í kvöld.Vísir/VilhelmStefán: Ætlum ekki að kenna ferðaþreytu um þetta tap „Viðbrögðin eru eiginlega bara gríðarleg vonbrigði. Þetta er að ég held stærsta tap mitt síðustu 10-15 ár sem þjálfari,“ sagði Stefán Arnarson, þjálfari Fram, svekktur að leikslokum. Stefán vildi ekki kenna ferðaþreytu um spilamennskuna í kvöld en Fram spilaði erfiðan Evrópuleik í Rúmeníu á laugardaginn. „Við ætlum ekkert að afsaka okkur með því. Við stóðum okkur vel úti og við viljum vera í Evrópukeppni og að spila marga leiki en því miður áttum við slakan leik í dag.“ Stefán kunni ekki skýringu á því hvað hefði farið úrskeiðis. „Hver sem skýringin er þá mættum við einfaldlega ekki til leiks í dag og Gróttuliðið mætti til leiks og vinna okkur sannfærandi. Við erum með svipaða breidd í leikmannahópnum en þær voru bara helmingi betri í dag.“ Stefán hrósaði Guðrúnu Ósk í marki Fram fyrir að spila í dag eftir að hafa meiðst í Rúmeníu. „Hún finnur fyrir því eftir að hafa meiðst illa en hún sýndi karakter með því að spila þennan leik. Hún er ekki heil heilsu og það kom niður á frammistöðu hennar í dag,“ sagði Stefán sem missti þrjá leikmenn í meiðsli í kvöld. „Það verður að koma í ljós hver verður með á laugardaginn. Við misstum tvo leikmenn í meiðsli úti og þrjá í kvöld og ég veit ekki hversu mikið þær geta æft fram að leiknum.“Anna Úrsúla var öflug í vörn sem sókn í kvöld.Vísir/VilhelmAnna Úrsúla: Margir leikmenn sem þurftu að sýna sitt rétta andlit „Þetta var sannfærandi og það er mikil gleði eftir að hafa uppskerið það sem við sáðum,“ sagði Anna Úrsúla Guðmundsdóttir, leikmaður Gróttu, kampakát að leikslokum. „Við náðum loksins að nýta sóknina okkar og fá þessi hraðaupphlaup sem við höfum ekki verið að fá í síðustu leikjum.“ Anna talaði um, líkt og þjálfari hennar, að hún hefði verið sátt með sóknarleik Gróttu í kvöld. „Við höfum ekki verið að fá á okkur mörg mörk á okkur undanfarið og markvarslan hefur verið frábær. Við vildum mæta og sýna hvað við gætum í þessum leik,“ sagði Anna og bætti við: „Við vorum ákveðnar í því að koma og berjast allan leikinn, strax frá fyrstu mínútu, sama hver staðan væri. Það voru margir leikmenn sem þurftu að sýna sitt rétta andlit og bera ábyrgð á sjálfum sér og það gerðu það allir í dag.“ Allir leikmenn Gróttu nema þrír komust á blað í dag og telur Anna að þessi reynsla geti nýst liðinu í leikjunum sem eru framundan. „Það er gott fyrir alla leikmenn liðsins að fá að spila reglulega til að fá reynsluna og að komast í takt við spilamennsku liðsins. Það er ómetanlegt að geta gefið öllum leikmönnum liðsins mínútur því það er barátta framundan í deildinni og við verðum að vera á tánnum.“Anna Úrsula skýtur að marki í kvöld.Vísir/Vilhelm
Olís-deild kvenna Mest lesið „Hún reif í mig og hraunaði yfir mig, á Marilegan hátt“ Sport Stöðvuðu bardaga Valgerðar Sport Ferguson saknar fótboltans Enski boltinn Iðrast gjörða sinna: „Var klárlega rangt af mér“ Íslenski boltinn Heimsmeistaranum refsað fyrir notkun blótsyrðis Formúla 1 Þjálfarinn í byrjunarliðinu: „Mér fannst þörf á smá aga í leikinn“ Handbolti Gróðursetja tvö hundruð tré fyrir hvert skorað mark Fótbolti Sjö mörk Jóhönnu hjálpuðu til við að landa fyrsta sigrinum Handbolti Dagskráin í dag: Íslendingaslagur af bestu gerð Sport Veðmál systkina til lykta leitt: „Veit að ég mun aldrei tapa fyrir honum“ Sport Fleiri fréttir Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Sjá meira