Fór grátandi af velli

Draper spilaði í fyrsta sinn frá því að hann dró sig úr keppni á Wimbledon-mótinu fyrr í sumar. En hann tapaði 6-3, 2-6 og 6-2 í Toronto í gærkvöld.

Sjá mátti í þriðja setti leiksins að 24 ára gamli Bretinn var í öngum sér. Hraðinn á uppgjöfum hans hafði hrunið á meðan leiknum stóð og hann fann bersýnilega til í vinstri höndinni.

Hann er með keppnisrétt á Cincinnati Open næstu helgi og einnig á risamótinu US Open en alls er óvíst um þátttöku Bretans. Hann dró sig úr leik á DC Open í Washington síðustu helgi eins og hann gerði á Wimbledon.

Draper var á miklu flugi síðasta sumar og komst upp í fjórða sæti heimslistans. Hann hefur glímt við stanslaus meiðsli síðan og verið meira og minna frá síðustu tólf mánuðina eða svo.