Kastaðist af hjólinu þegar ekið var á hann

Er þetta meðal þess helsta sem var skráð í dagbók lögreglu frá því klukkan fimm í morgun en að minnsta kosti þrír gistu í fangageymslu lögreglunnar í dag.

Mest var um að vera í umdæmi lögreglustöðvar eitt sem sinnir verkefnum í Austurbæ, Vesturbæ, á Seltjarnarnesi og í miðbæ Reykjavíkur en ekkert fréttnæmt var skráð í umdæmum stöðva tvö og þrjú.

Við venjubundið eftirlit voru höfð afskipti af ökumanni sem reyndist aka undir áhrifum fíkniefna og án ökuréttinda. Þá var tilkynnt um aðila í annarlegu ástandi sem sýndi af sér ógnandi hegðun, barði frá sér og öskraði, fyrir utan húsnæði í Vesturbæ Reykjavíkur. Var hann á bak og burt er lögreglu bar að garði.

Á stöð fjögur sem sinnir verkefnum í Grafarvogi, Mosfellsbæ og Árbæ barst tilkynning um þjófnað í verslun. Ekki liggur fyrir hverju var reynt að stela eða hvort meintir þjófar hafi komist á brott með þýfið.