Á­fram í gæslu­varð­haldi vegna líkams­á­rásar í Túnunum

Frá þessu er greint í tilkynningu frá lögreglu, þar sem segir að hann hafi verið úrskurðaður í áframhaldandi gæsluvarðhald á grundvelli almannahagsmuna. 

„Rannsókn málsins er í fullum gangi og er í algjörum forgangi hjá embættinu. Hún er mjög viðamikil og tímafrek eftir því,“ segir í tilkynningunni. 

Einn til viðbótar situr í gæsluvarðhaldi í þágu rannsóknarinnar. Gæsluvarðhaldið yfir honum rennur út á föstudag.

Samkvæmt lögum um meðferð sakamála má úrskurða sakborning í gæsluvarðhald ef sterkur grunur leikur á að hann hafi framið afbrot sem að lögum getur varðað 10 ára fangelsi, enda sé brotið þess eðlis að ætla megi varðhald nauðsynlegt með tilliti til almannahagsmuna.