Viðskipti innlent

Banda­rískt flug­fé­lag í vetrarflug í fyrsta skipti eftir far­aldur

Kjartan Kjartansson skrifar
United Airlines ætlar að fljúga Boeing 737 Max 8-vélum á milli Keflavíkur og Chicago í sumar og fram á vetur.
United Airlines ætlar að fljúga Boeing 737 Max 8-vélum á milli Keflavíkur og Chicago í sumar og fram á vetur. Kevin Carter/Getty Images

Beint áætlanaflug á milli Keflavíkur og Chicago á vegum United Airlines heldur áfram í vetur. Þetta er í fyrsta skipti sem bandarískt flugfélag hefur áætlanaflug á vetraráætlun frá því fyrir heimsfaraldur kórónuveirunnar.

Áður hefði verið tilkynnt um áform United Airlines um að fljúga til og frá Íslandi daglega í sumar. Fyrsta vél bandaríska félagins er væntanleg til Keflavíkurflugvallar 13. maí.

Nú er Keflavík komin inn í vetraráætlun United Airlines. Flugfélagið ætlar að fljúga þrisvar í viku á milli Chicago og Keflavíkur fram í byrjun janúar, að því er kemur fram í tilkynningu frá Keflavíkurflugvelli. Miðasala hefst á föstudag.

Vélarnar sem verða notaðar í Íslandsfluginu eru af gerðinni Boeing 737 Max-8.

United Airlines hefur flogið milli Keflavíkur og New York í gegnum Newark-flugvöll í New Jersey frá 2018. Chicago bættist við sem áfangastaður sumarið 2021. Þá stefnir félagið að því að fljúga á milli Keflavíkur og Washington-borgar í sumar.

Keflavíkurflugvöllur Fréttir af flugi Bandaríkin Ferðaþjónusta Ferðalög


Mest lesið


Fleiri fréttir

Sjá meira


×

Mest lesið