Tölurnar á móti Dönum: Danir náðu fjöru­tíu stoppum og fjögur vítaklúður

Íslenska liðið spilaði heilt yfir góðan leik í kvöld, sóknin gekk lengstum vel þrátt fyrir að Danir hafi spilað grimma vörn.  

Dönum tókst þó að stoppa íslensku strákana fjörutíu sinnum með löglegum stöðvunum og á móti tókst Dönum að vinna sig betur út úr slíkum stöðum hinum megin. Íslenska liðið náði sextán færri löglegum stöðvunum. 

Danir fengu fimm fleiri mörk úr hornunum, markverðir þeirra vörðu næstum því tvöfalt fleiri skot og fjögur vítaköst fóru forgörðum hjá íslenska liðinu.

Íslenska liðið tapaði líka sex fleiri boltum og það voru því mörg atriði sem hjálpuðu Dönum að ná yfirhöndinni og landa sigrinum.

Ómar Ingi Magnússon byrjaði leikinn frábærlega og var með fjögur mörk og tvær stoðsendingar á fyrstu mínútunum sem skilaði íslenska liðinu 8-6 forystu. Þá fór allt í baklás í sókninni og íslenska liðið skoraði ekki í átta og hálfa mínútu og á meðan náðu Danirnir frumkvæðinu.

Viggó Kristjánsson og Ómar Ingi klikkuðu báðir á vítum en Orri Freyr Þorkelsson kom síðan sterkur inn og nýtti þrjú í röð fram að hálfleik. Tvö fleiri víti fóru forgörðum í seinni og það munaði miklu um þau.

Danir spiluðu 5:1 á móti Gísla og það tók mikið frá honum. Gísli var með eitt mark og þrjár stoðsendingar í fyrri hálfleik en hafði ekki nærri sömu áhrif á sóknarleikinn og í leikjunum á undan.

Janus Daði Smárason tók á móti mikið af skarið og skoraði átta góð mörk úr aðeins níu skotum. Elliði Snær Viðarsson nýtti skotin sín vel og fiskaði þrjú víti.

Vísir fylgist vel með tölfræði íslenska liðsins á mótinu og hefur nú tekið saman þá leikmenn sem sköruðu fram úr í tölunum í þessum fyrsta leik Íslands á mótinu.

Hér fyrir neðan má sjá toppa íslenska liðsins í tölfræðinni.