Dag­skráin í dag: Enski boltinn í tíu klukku­tíma

Enski boltinn

Boltinn fer að rúlla í ensku úrvalsdeildinni í hádeginu. Klukkan 12:30 mætast Newcastle og Chelsea í áhugaverðum slag á St. James' Park og sá leikur í beinni á Sýn Sport frá klukkan 12:10.

Fjórir leikir eru á dagskrá klukkan 15:00. Manchester City mætir West Ham United í beinni á Sýn Sport 2 frá klukkan 14:40.

Lánlausir Úlfar mæta Brentford á sama tíma og útsending hefst klukkan 14:40 á Sýn Sport 3.

Bournemouth tekur á móti Burnley einnig, sá leikur er á Sýn Sport 4 klukkan 14:40.

Fjórði leikurinn er milli Brighton og Sunderland á suðurströndinni á Sýn Sport 5 klukkan 14:50.

Öllum þessum leikjum, auk leikja í ítalska og spænska boltanum, verður að sjálfsögðu fylgt eftir í Doc Zone á Sýn Sport frá klukkan 14:40.

Seinni partinn er stórleikur í Lundúnum. Tottenham mætir Liverpool og hefst útsending klukkan 17:20 á Sýn Sport.

Deginum lýkur ekki þar. Tveir kvöldleikir eru þennan laugardaginn. Everton mætir Arsenal á Sýn Sport klukkan 19:50 og Leeds United tekur á móti Crystal Palace á Sýn Sport 2 á sama tíma.

Farið verður yfir öll mörk dagsins í Laugardagsmörkunum að leik Arsenal og Everton loknum, klukkan 22:10 á Sýn Sport.

HM í pílukasti

Að venju kasta menn á HM í pílukasti snemmdags og í kvöld. Sú breyting verður á í dag að önnur umferð hefst, eftir að sú fyrsta kláraðist í gærkvöld.

Ryan Searle er fyrstur á svið í fyrri hlutanum þar sem skemmtikrafturinn frá Japan, Motomu Sakai, mætir einnig til leiks auk Dave Chisnall. Sá hefst klukkan 12:25 á Sýn Sport Viaplay.

Michael Smith og Stephen Bunting stíga á stokk í kvöld auk fleiri en sá hluti hefst klukkan 18:55 á Sýn Sport Viaplay.