Bein út­sending: Upphitunarbardagar ICEBOX 9 í Kapla­krika

Viðburðurinn hefur stækkað hvert sinn og það má búast við veislu í kvöld eins og áður. Fróðir menn sem þekkja til segja líklegt að ICEBOX sé orðinn stærsti staki viðburður í áhugamannahnefaleikum í Evrópu.

Fjórir Norðmenn eru mættir til landsins til að keppa við íslenska toppboxara og slík keppni milli landa gerir ekkert nema gott fyrir alvöru stemningu eins og alltaf.

Húsið opnar klukkan 18:20 og fyrsti bardagi hefst um kl. 19:00 en aðalhluti bardaga kvöldsins hefst 20:30 og er í beinni útsendingu á Sýn sport.

Fyrstu þrír bardagar kvöldsins verða hins vegar sýndir beint á Vísi og má sjá þá hér fyrir neðan. Myndbandið birtist upp úr 18.50 eða þegar styttist í það að fyrsti bardaginn hefjist.

Bardagi 1: Seyam Omar á móti Arnari Jaka Smárasyni