Sport

Trump fær blóðugan bar­daga í Hvíta húsinu í af­mælis­gjöf

Óskar Ófeigur Jónsson skrifar
Donald Trump fær blóðugan bardaga í Hvíta húsinu í afmælisgjöf.
Donald Trump fær blóðugan bardaga í Hvíta húsinu í afmælisgjöf. EPA/GRAEME SLOAN / POOL

Donald Trump Bandaríkjaforseti verður áttræður á næsta ári og það verður boðið upp á sögulegan bardaga á afmælisdegi hans.

Trump staðfesti það á ferð sinni um herstöð í Virginíufylki í gær að fyrirhugaður UFC-bardagi í Hvíta húsinu fari einmitt fram á afmælisdaginn hans.

„14. júní á næsta ári þá verðum við með risastóran UFC bardaga í Hvíta húsinu,“ sagði Donald Trump.

Hann var þó ekkert að taka það fram að forsetinn heldur upp á áttræðisafmælið sitt þennan sama dag. Trump fæddist í New York 14. júní 1936.

Lengi hefur staðið til að halda UFC-bardaga fyrir utan Hvíta húsið, heimili og skrifstofu Bandaríkjaforseta.

Áður var samt búist við því að bardaginn færi fram á Þjóðhátíðardegi Bandaríkjanna, 4. júlí 2026, en það væri þá í tengslum við 250 ára afmæli Bandaríkjanna.

Nú hefur hann tekið þá ákvörðun að færa bardagann fram um tuttugu daga.

Trump er mikill áhugamaður um blandaðar bardagaíþróttir og hefur mætt á marga bardaga á þessu ári. Hann er líka mikill vinur Dana White, forseta UFC.




Fleiri fréttir

Sjá meira


×