Innlent

Leitin ekki enn borið árangur

Atli Ísleifsson og Berghildur Erla Bernharðsdóttir skrifa
Útkallið barst á tíunda tímanum í gærkvöldi.
Útkallið barst á tíunda tímanum í gærkvöldi. Vísir/Vilhelm

Leit björgunarsveita á höfuðborgarsvæðinu að göngumanni í Esjunni hefur enn ekki borið árangur. Leitað var í alla nótt og verður leit fram haldið klukkan hálf níu.

Þetta staðfestir Hinrik Wöhler, staðgengill upplýsingafulltrúa Slysavarnafélagsins Landsbjargar, í samtali við fréttastofu. 

Útkall björgunarsveita barst á tíunda tímanum í gærkvöldi eftir að tilkynning barst um að göngumaðurinn hefði ekki skilað sér niður.

Hinrik segir að aðstæður á svæðinu séu þokkalega góðar og að björgunarsveitarmenn séu með upplýsingar um göngumanninn sem hjálpi til við leitina.

„Það var leitað í alla nótt og hafa fleiri hópar verið kallaðir út núna. Leitin hefst að nýju klukkan hálf níu,“ segir Hinrik.

Esjan Björgunarsveitir Reykjavík

Tengdar fréttir

Leita týnds göngumanns

Björgunarsveitir höfuðborgarsvæðisins hafa verið kallaðar út til að leita týnds göngumanns við Esju. 

Mest lesið


Fleiri fréttir

Sjá meira


×

Mest lesið