Keypti hús við Sól­eyjar­götu af borginni á 310 milljónir

Borgarráð Reykjavíkur samþykkti í vikunni kaupsamning þessa efnis í vikunni, en kaupandinn er félagið R. Guðmundsson sem er í eigu Ragnars Guðmundssonar. Húsið stendur á horni Sóleyjargötu og Njarðargötu.

Borgarráð hafði áður samþykkt söluferli á eigninni á fundi í mars þar sem ásett verð var 310 milljónir króna. Eitt tilboð barst sem náði ásettu verði.

Í greinargerð segir að Reykjavíkurborg hafi keypt húsnæðið árið 2017 sem tímabundna lausn til að auka framboð á félagslegu húsnæði í borginni.

Húsnæðið er skráð sem gistiheimili og var í notkun á vegum Velferðarsviðs Reykjavíkurborgar en hefur staðið ónotað. Var orðið ljóst að eignin þarfnist endurbóta og taldi borgin heppilegra að selja húsið í stað þess að ráðast í viðamiklar endurbætur.

Fram kemur um sé er að ræða sex stúdíóíbúðir, tvær tveggja herbergja íbúðir og eina stóra íbúð á tveimur hæõum með þrennum svölum.

Tuttugu og fjögurra fermetra bílskúr er við húsið ásamt rúmlega níu fermetra geymsluskúr. Þá eru bílastæði fyrir allt að þrjá til fjóra bíla við húseignina, auk garðs með sólpall til suðurs.