Fótbolti

Kol­beinn skoraði tvö í góðum sigri Gauta­borgar

Runólfur Trausti Þórhallsson skrifar
Kolbeinn hefur spilað vel að undanförnu.
Kolbeinn hefur spilað vel að undanförnu. Instagram

Kolbeinn Þórðarson var frábær þegar Gautaborg vann 3-1 útisigur á Brommapojkarna í efstu deild sænska fótboltans. Daníel Tristan Guðjohnsen lagði þá upp í sigri Malmö

Kolbeinn var í byrjunarliði Gautaborgar og reyndist nokkuð óvænt þeirra hættulegasti maður í dag. Hann skoraði fyrra markið á 24. mínútu eftir undirbúning Tobias Heintz. Aðeins þremur mínútum síðar nældi Kolbeinn sér í gult spjald.

Á 43. mínútu tvöfaldaði Kolbeinn forystu gestanna eftir undirbúning Eman Markovic. Staðan 0-2 í hálfleik.

Bæði lið skoruðu eitt mark í síðari hálfleik og vann Gautaborg góðan útisigur. Hlynur Freyr Karlsson sat allan tímann á varamannabekk Brommapojkarna.

Daníel Tristan var í byrjunarliði Malmö og lagði með smá heppni upp annað mark liðsins í öruggum 3-0 sigri á BK Häcken. Daníel Tristan var tekinn af velli á 67. mínútu. Arnór Sigurðsson lék ekki með Malmö vegna meiðsla.

Gísli Eyjólfsson spilaði þá 76 mínútur í 1-0 sigri Halmstad á Djurgården. Birnir Snær Ingason lék ekki með Halmstad í dag.

Eftir leiki dagsins er Malmö í 5. sæti með 22 stig, Gautaborg er sæti neðar með 19 stig og Brommapojkarna er í 14. sæti með 10 stig.




Fleiri fréttir

Sjá meira


×