Að sofna yfir sjón­varpinu á kvöldin telst ekki með

Í kaffispjalli um helgar er rætt við fólk í ólíkum störfum. Við spyrjum alltaf um það hvenær fólk vaknar á morgnana, hvað er það fyrsta sem það gerir þá og hvenær fer fólk að sofa. Við spyrjum líka um skipulagið og helstu verkefnin í vinnunni.

Hvenær vaknar þú á morgnana?

„Ég er algjör B týpa þegar kemur að svefni og elska að kúra frameftir. En eftir að litla Embla mín fæddist – hún er núna þriggja ára – hafa morgnarnir tekið á sig nýja mynd. Hún vaknar yfirleitt einhvers staðar í kringum sjöleytið og þá hefst dagurinn hjá okkur á heimilinu.“

Hvað er það fyrsta sem þú gerir á morgnana?

„Það fyrsta sem ég geri á morgnana, sérstaklega þegar þeir byrja snemma, er annaðhvort að hella mér uppá kaffibolla heima eða heyra í stelpunum í vinnunni hvort við ætlum ekki örugglega að byrja daginn á að tríta okkur á góðum kaffihúsabolla. Kaffibollarnir gera ekkert eðlilega mikið fyrir mig.“

Nefndu dæmi um eitthvað sem þú hefur fengið „æði“ fyrir?

Eftir að ég bjó erlendis í sex ár þá var ég með mjög mikið æði fyrir svona strangheiðarlegum karamellu bakaríssnúðum. 

Þetta var svona hlutur sem mér hefði ekki dottið í hug að ég myndi sakna.

Annars erum við stelpurnar í vinnunni líka komnar með æði fyrir Pilates. Förum alltaf í hádeginu á þriðjudögum og fimmtudögum, svakalega gott/vont fyrir líkama en alltaf gott fyrir sálina, komum endurnærðar til baka.“

Í hvaða verkefni ertu að vinna helst í þessa dagana?

„Síðustu vikur og mánuðir hafa verið stútfullir af alls konar verkefnum tengdum Iceland Innovation Week. Ég fæ að takast á við allt frá því að teikna upp floorplan og velja sviðsskraut, yfir í að ákveða hvernig dagskráin eigi að flæða – enginn dagur er eins, en allir eru jafn skemmtilegir! Þetta er nýsköpunarhátíð sem fer fram ár hvert í maí og lauk núna 16. maí, svo nú er ég aðeins að sigla inn í rólegri tíma yfir sumarið.

En í haust förum við aftur á fullt – undirbúningur fyrir næstu hátíð, sem verður haldin 18-22. maí 2026, fer þá í gang af krafti. Hátíðin dregur að sér alls kyns þátttakendur, allt frá litlum sprotafyrirtækjum til stórfyrirtækja og fjárfesta – þetta er fullkominn vettvangur fyrir alla þá sem hafa áhuga á nýsköpun!

En ég rek einnig brúðkaupsþjónustufyrirtækið Stikkfrí með vinkonu minni Denise Margrét Yaghi og þar er sumarið okkar tími. Það eru nokkur skemmtileg brúðkaup framundan hjá okkur sem er mjög spennandi. Við aðstoðum brúðhjón að njóta dagsins betur með því að vera alveg stikkfrí í undirbúningnum og þurfa ekki að hafa áhyggjur af bæði stóru og litlu hlutunum.“

Hvernig skipuleggur þú þig í vinnu?

Ég myndi segja að ég sé mjög skipulögð enda mikilvægur hluti af mínu starfi. Mér finnst mjög gott að skipuleggja mig vel með listum, ég er „visual learner” þannig alltaf gott að skrifa allt niður. 

Við notum mikið kerfið Notion til að skipuleggja okkur og svo auðvitað calendarið góða, ef það er ekki í calendar þá er það ekki að gerast.“

Hvenær ferðu að sofa á kvöldin?

„Það er svolítill púki í mér, þó að ég viti að dagurinn byrji oftast snemma þá tými ég samt ekki að fórna kvöldinu. Kvöldið býður uppá smá me time sem mér finnst erfitt að sleppa þannig kvöldið teygir sig oftast nálægt miðnætti.

Maðurinn minn myndi hins vegar segja aðra sögu, að ég sofni oftast yfir sjónvarpinu, en þá er