Flestir ánægðir með Kristrúnu en mest óánægja með Bjarna Vésteinn Örn Pétursson skrifar 30. desember 2024 20:32 Bjarni afhenti Kristrúnu lyklana að Stjórnarráðinu fyrir rúmri viku. Við afhendingu lyklanna sagðist Bjarni vona að Kristrún næði góðum árangri í störfum sínum Vísir/Viktor Nýr forsætisráðherra er sá formaður sem flestir telja að hafi staðið sig vel en formaður Sjálfstæðisflokksins mælist afar óvinsæll í nýrri könnun Maskínu. Prófessor í stjórnmálafræði segir hann í erfiðri stöðu og að veiting hvalveiðileyfis kunni að hafa áhrif á það. Ánægja með nýja ríkisstjórn mælist meiri en kjörfylgi stjórnarflokkanna. Samkvæmt könnuninni telja flestir að Kristrún Frostadóttir, forsætisráðherra og formaður Samfylkingarinnar, hafi staðið sig vel. Þar á eftir koma samstarfskonur hennar í ríkisstjórn, en yfir 34 prósent telja þær hafa staðið sig vel. Af formönnum stjórnarandstöðuflokkanna telja flestir að formaður Framsóknar hafi staðið sig vel, eða 28 prósent. Kristrún Frostadóttir er sá formaður sem flestum þykir hafa staðið sig vel á kjörtímabilinu.Grafík/Sara Tæp 65 prósent telja Bjarna Benediktsson hafa staðið sig illa, 59 prósent nefna Sigmund Davíð, en aðrir formenn eru mun síður nefndir í því samhengi. Stjórnmálafræðiprófessorinn Eiríkur Bergmann segir Kristrúnu njóta þess að vera nýtekin við forsætisráðuneytinu. Nánast allt Samfylkingarfólk virðist ánægt með hana. „Og fólk úr öðrum flokkum sem hrífst af henni líka. Þannig að hún er í verulegum meðbyr,“ segir Eiríkur. Bjarni hafi hins vegar stöðugt mælst óvinsæll um langt skeið. Eiríkur Bergmann er prófessor í stjórnmálafræði við háskólann á Bifröst.Vísir/Einar „Það að formaður Sjálfstæðisflokksins mælist svona neðarlega, að svona margir séu óanægðir með hann, það er auðvitað mjög erfið staða fyrir formann þess flokks.“ Mögulegt sé að ákvörðun Bjarna um að veita hvalveiðileyfi, eftir að úrslit kosninganna lágu fyrir, spili þar inn í. Rúmur helmingur kvaðst óánægður með ákvörðunina samkvæmt könnuninni. Fjórum prósentustigum fleiri en sögðust andvíg hvalveiðum. Fleiri sögðust óánægðir með ákvörðun um veitingu hvalveiðileyfis heldur en sögðust andvíg hvalveiðum.Grafík/Sara „Og það eru augljóslega margir úr röðum Sjálfstæðismanna líka, sem telja þetta hafa verið óheppilegt.“ Stjórnin njóti nú hveitibrauðsdaganna Um 55 prósent segjast bjartsýn fyrir komandi ári, sambærilegt hlutfall fólks sem segist ánægt með nýtt ríkisstjórnarsamstarf, en kjörfylgi stjórnarflokkanna var rétt rúm 50 prósent. „Við sjáum það mjög gjarnan að fylgi við ríkisstjórn fer upp, og jafnvel upp fyrir kjörfylgi flokkanna, svona framan af. Svo dalar það nú fljótt aftur. Núna eru hveitibrauðsdagarnir, þannig að ríkisstjórnin nýtur þess,“ segir Eiríkur. Meira en helmingur sagðist ánægður með samstarfið, sem er til marks um nýhafna hveitibrauðsdaga ríkisstjórnarinnar að sögn Eiríks.Grafík/Sara Stuðningsfólk flokka sem ekki náðu inn á þing, Sósíalista, Pírata og VG, er ánægt með samstarfið í 63 til 70 prósent tilfella. Eiríkur segir líkur á að stjórnarflokkarnir sópi til sín fylgi þessara flokka. „Kjósendur þessara flokka fara að öllum líkindum að máta sig við aðra flokka. Það gerir stöðuna enn erfiðari fyrir þá flokka sem duttu út.“ Flestir bjartsýnir á heilbrigðiskerfið Í könnuninni var einnig spurt um einstaka málaflokka, og hvort fólk teldi að niðurstöður alþingiskosninganna hefðu góð eða slæm áhrif á þá. Sá málaflokkur sem flestir töldu að niðurstöðurnar hefðu góð áhrif á var heilbrigðiskerfið, en tæp 62 prósent taldi svo vera, á meðan 13,5 prósent töldu að áhrifin yrðu slæm. Aðrir töldu að niðurstöðurnar hefðu engin áhrif. Hér má sjá hugmyndi svarenda um áhrif kosningaúrslitanna á mismunandi málaflokka.Grafík/Sara Þar á eftir komu efnahagsmál, þar sem um 57 prósent töldu niðurstöðurnar koma til með að hafa góð áhrif, en rúm 24 prósent slæm. Þá töldu tæp 53 prósent að áhrifin á menntamál yrðu góð, en 12 prósent slæm. Samgöngumálin koma næst, þar sem 44 prósent töldu að niðurstöðurnar hefðu góð áhrif á málaflokkinn, en 25 prósent slæm. Fjárhagsstaða svarendanna sjálfra rak svo lestin. Rúm 32 prósent töldu að niðurstöðurnar myndu hafa góð áhrif á hana, en 25 prósent töldu hag sinn myndu versna vegna þeirra. Þar töldu 43 prósent að niðurstöðurnar breyttu engu um fjárhagsstöðu þeirra. Ríkisstjórn Kristrúnar Frostadóttur Ríkisstjórn Bjarna Benediktssonar (2024) Alþingi Alþingiskosningar 2024 Skoðanakannanir Samfylkingin Viðreisn Flokkur fólksins Sjálfstæðisflokkurinn Miðflokkurinn Framsóknarflokkurinn Píratar Sósíalistaflokkurinn Vinstri græn Mest lesið Níu sviptir leyfi meðan á annað hundrað kvartana hafa borist Innlent Ferðamaður neitaði að borga reikninginn og lét öllum illum látum Innlent Stungumanni í Bankastrætismálinu aftur stungið í steininn Innlent Eigandi Sante segir málið gjörunnið: „Frelsið sigrar alltaf að lokum” Innlent „Forsetinn var aldrei óviðeigandi við neinn“ Erlent Lést við tökur á Emily in Paris Erlent Farþegar látnir sofa á gólfinu á hóteli í Keflavík Innlent „Beint frá býli dagurinn“ býður landsmönnum í heimsókn Innlent Útihátíð fyrir ungmenni gekk eins og í sögu Innlent Serena Williams opnar sig um notkun þyngdarstjórnunarlyfja Lífið Fleiri fréttir Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Líta málið „mjög alvarlegum augum“ Hella áfenginu niður og hringja í foreldra Tuttugu milljónir í bankanum og kona í gæsluvarðhaldi Rigning og rok í methlaupi Sleppt úr gæsluvarðhaldi en málið enn til rannsóknar Hlaup hafið úr Hafrafellslóni Hungursneyð lýst yfir og forsætisráðherra segir alþjóðasamfélagið ráðalaust Aðstoðar allt að fimmtán ára gömul börn að hætta með bleyju Sjá meira
Samkvæmt könnuninni telja flestir að Kristrún Frostadóttir, forsætisráðherra og formaður Samfylkingarinnar, hafi staðið sig vel. Þar á eftir koma samstarfskonur hennar í ríkisstjórn, en yfir 34 prósent telja þær hafa staðið sig vel. Af formönnum stjórnarandstöðuflokkanna telja flestir að formaður Framsóknar hafi staðið sig vel, eða 28 prósent. Kristrún Frostadóttir er sá formaður sem flestum þykir hafa staðið sig vel á kjörtímabilinu.Grafík/Sara Tæp 65 prósent telja Bjarna Benediktsson hafa staðið sig illa, 59 prósent nefna Sigmund Davíð, en aðrir formenn eru mun síður nefndir í því samhengi. Stjórnmálafræðiprófessorinn Eiríkur Bergmann segir Kristrúnu njóta þess að vera nýtekin við forsætisráðuneytinu. Nánast allt Samfylkingarfólk virðist ánægt með hana. „Og fólk úr öðrum flokkum sem hrífst af henni líka. Þannig að hún er í verulegum meðbyr,“ segir Eiríkur. Bjarni hafi hins vegar stöðugt mælst óvinsæll um langt skeið. Eiríkur Bergmann er prófessor í stjórnmálafræði við háskólann á Bifröst.Vísir/Einar „Það að formaður Sjálfstæðisflokksins mælist svona neðarlega, að svona margir séu óanægðir með hann, það er auðvitað mjög erfið staða fyrir formann þess flokks.“ Mögulegt sé að ákvörðun Bjarna um að veita hvalveiðileyfi, eftir að úrslit kosninganna lágu fyrir, spili þar inn í. Rúmur helmingur kvaðst óánægður með ákvörðunina samkvæmt könnuninni. Fjórum prósentustigum fleiri en sögðust andvíg hvalveiðum. Fleiri sögðust óánægðir með ákvörðun um veitingu hvalveiðileyfis heldur en sögðust andvíg hvalveiðum.Grafík/Sara „Og það eru augljóslega margir úr röðum Sjálfstæðismanna líka, sem telja þetta hafa verið óheppilegt.“ Stjórnin njóti nú hveitibrauðsdaganna Um 55 prósent segjast bjartsýn fyrir komandi ári, sambærilegt hlutfall fólks sem segist ánægt með nýtt ríkisstjórnarsamstarf, en kjörfylgi stjórnarflokkanna var rétt rúm 50 prósent. „Við sjáum það mjög gjarnan að fylgi við ríkisstjórn fer upp, og jafnvel upp fyrir kjörfylgi flokkanna, svona framan af. Svo dalar það nú fljótt aftur. Núna eru hveitibrauðsdagarnir, þannig að ríkisstjórnin nýtur þess,“ segir Eiríkur. Meira en helmingur sagðist ánægður með samstarfið, sem er til marks um nýhafna hveitibrauðsdaga ríkisstjórnarinnar að sögn Eiríks.Grafík/Sara Stuðningsfólk flokka sem ekki náðu inn á þing, Sósíalista, Pírata og VG, er ánægt með samstarfið í 63 til 70 prósent tilfella. Eiríkur segir líkur á að stjórnarflokkarnir sópi til sín fylgi þessara flokka. „Kjósendur þessara flokka fara að öllum líkindum að máta sig við aðra flokka. Það gerir stöðuna enn erfiðari fyrir þá flokka sem duttu út.“ Flestir bjartsýnir á heilbrigðiskerfið Í könnuninni var einnig spurt um einstaka málaflokka, og hvort fólk teldi að niðurstöður alþingiskosninganna hefðu góð eða slæm áhrif á þá. Sá málaflokkur sem flestir töldu að niðurstöðurnar hefðu góð áhrif á var heilbrigðiskerfið, en tæp 62 prósent taldi svo vera, á meðan 13,5 prósent töldu að áhrifin yrðu slæm. Aðrir töldu að niðurstöðurnar hefðu engin áhrif. Hér má sjá hugmyndi svarenda um áhrif kosningaúrslitanna á mismunandi málaflokka.Grafík/Sara Þar á eftir komu efnahagsmál, þar sem um 57 prósent töldu niðurstöðurnar koma til með að hafa góð áhrif, en rúm 24 prósent slæm. Þá töldu tæp 53 prósent að áhrifin á menntamál yrðu góð, en 12 prósent slæm. Samgöngumálin koma næst, þar sem 44 prósent töldu að niðurstöðurnar hefðu góð áhrif á málaflokkinn, en 25 prósent slæm. Fjárhagsstaða svarendanna sjálfra rak svo lestin. Rúm 32 prósent töldu að niðurstöðurnar myndu hafa góð áhrif á hana, en 25 prósent töldu hag sinn myndu versna vegna þeirra. Þar töldu 43 prósent að niðurstöðurnar breyttu engu um fjárhagsstöðu þeirra.
Ríkisstjórn Kristrúnar Frostadóttur Ríkisstjórn Bjarna Benediktssonar (2024) Alþingi Alþingiskosningar 2024 Skoðanakannanir Samfylkingin Viðreisn Flokkur fólksins Sjálfstæðisflokkurinn Miðflokkurinn Framsóknarflokkurinn Píratar Sósíalistaflokkurinn Vinstri græn Mest lesið Níu sviptir leyfi meðan á annað hundrað kvartana hafa borist Innlent Ferðamaður neitaði að borga reikninginn og lét öllum illum látum Innlent Stungumanni í Bankastrætismálinu aftur stungið í steininn Innlent Eigandi Sante segir málið gjörunnið: „Frelsið sigrar alltaf að lokum” Innlent „Forsetinn var aldrei óviðeigandi við neinn“ Erlent Lést við tökur á Emily in Paris Erlent Farþegar látnir sofa á gólfinu á hóteli í Keflavík Innlent „Beint frá býli dagurinn“ býður landsmönnum í heimsókn Innlent Útihátíð fyrir ungmenni gekk eins og í sögu Innlent Serena Williams opnar sig um notkun þyngdarstjórnunarlyfja Lífið Fleiri fréttir Gríðarlegt magn myndefnis til skoðunar hjá lögreglu Leiðist „linnulaust væl” Íslendinga yfir réttu málfari Eigandi Sante segir málið gjörunnið: „Frelsið sigrar alltaf að lokum” 99 ára gömul tombóla á Borg í Grímsnesi og engin núll Vínsali býst við ákæru, kúnnalisti Epstein og stemming í bænum Reiðhjólabændur með vaktað hjólastæði í Traðarkoti til miðnættis Níu sviptir leyfi meðan á annað hundrað kvartana hafa borist „Beint frá býli dagurinn“ býður landsmönnum í heimsókn Útihátíð fyrir ungmenni gekk eins og í sögu Ferðamaður neitaði að borga reikninginn og lét öllum illum látum Stungumanni í Bankastrætismálinu aftur stungið í steininn Sjö ára hlaupari kemur hópnum yfir línuna í sjötta maraþoninu á morgun Skoða að flýta aðgerðum í húsnæðismálum til að ná tökum á verðbólgunni „Versti tíminn, allra versti tíminn“ Gamall þristur strand vegna skorts á bensíni Hátt í tveggja tíma veðmálaauglýsing í boði Rúv Hraðbankinn ófundinn, hungursneyð og skólar hefjast Farþegar látnir sofa á gólfinu á hóteli í Keflavík Grunaður hraðbankaþjófur í gæslu eftir allt saman Þurfa að bíða lengur eftir að komast í Sundhöllina Bíll konunnar sást á upptöku Þáttastjórnendum X-sins sagt upp Líta málið „mjög alvarlegum augum“ Hella áfenginu niður og hringja í foreldra Tuttugu milljónir í bankanum og kona í gæsluvarðhaldi Rigning og rok í methlaupi Sleppt úr gæsluvarðhaldi en málið enn til rannsóknar Hlaup hafið úr Hafrafellslóni Hungursneyð lýst yfir og forsætisráðherra segir alþjóðasamfélagið ráðalaust Aðstoðar allt að fimmtán ára gömul börn að hætta með bleyju Sjá meira