Fótbolti

Hlín skoraði en klikkaði svo úr víti og Rosengard er enn með fullt hús stiga

Ágúst Orri Arnarson skrifar
Guðrún Arnardóttir í leik með FC Rosengård.
Guðrún Arnardóttir í leik með FC Rosengård. Vísir/Getty

Fjöldi Íslendinga kom við sögu í leikjum dagsins í sænsku úrvalsdeild kvenna í knattspyrnu. Hlín Eiríksdóttir komst á blað fyrir Kristianstad en brást bogalistin af vítapunktinum. Guðrún Arnardóttir og stöllur hennar í Rosengard eru algjörlega óstöðvandi í efsta sæti deildarinnar. 

Þórdís Elva Ágústsdóttir var í byrjunarliði Vaxjö og spilaði 80 mínútur í 2-1 tapi gegn AIK. Bryndís Arna Níelsdóttir er nýstigin upp úr meiðslum en kom inn af varamannabekknum á 69. mínútu fyrir markaskorara Vaxjö, Jenny-Julia Danielsson.

Guðrún Arnardóttir stóð vaktina í vörn Rosengard sem vann 7-0 stórsigur gegn Brommapojkarna. Rosengard er í efsta sæti deildarinnar með fullt hús stiga eftir 11 leiki.

Katla María Þórðardóttir kom inn af varamannabekk Örebro í 2-1 tapi á útivelli gegn Linköping.

Hlín Eiríksdóttir skoraði annað mark Kristianstad í 1-2 sigri gegn Djurgården. Stoðsendingin kom frá Guðnýju Árnadóttur sem lék allan leikinn í hægri bakverði. 

Hlín fékk tækifæri til að bæta við af vítapunktinum í seinni hálfleik en brást bogalistin. Katla Tryggvadóttir var einnig í byrjunarliði Kristianstad og spilaði 80 mínútur. 

Sænski boltinn

Mest lesið


Fleiri fréttir

Sjá meira


×

Mest lesið