Handbolti

Sex sigrar í síðustu sjö leikjum hjá strákunum hans Guð­jóns Vals

Óskar Ófeigur Jónsson skrifar
Guðjón Valur Sigurðsson er að gera flotta hluti sem þjálfari Gummersbach.
Guðjón Valur Sigurðsson er að gera flotta hluti sem þjálfari Gummersbach. Getty/Tom Weller

Íslendingaliðið Gummersbach er að gera góða hluti í þýska handboltanum þessa dagana og vann sinn þriðja leik í röð í dag.

Gummersbach sótti þá tvö stig til Erlangen og vann þriggja marka sigur, 34-31.

Gummersbach var tveimur mörkum yfir í hálfleik, 17-15.

Þetta var sjötti deildarsigur lærisveina Guðjóns Vals Sigurðssonar í síðustu sjö leikjum. Eina tapið kom í leik á móti Magdeburg.

Lðið er í sjötta sæti deildarinnar eftir þennan sigur.

Elliði Snær Viðarsson skoraði fjögur mörk úr fimm skotum og Arnór Snær Óskarsson var með eitt mark og eina stoðsendingu.

Markahæstur hjá Gummersbach var Svartfellingurinn Milos Vujovic sem skoraði tíu mörk úr ellefu skotum í leiknum en hann spilar í vinstra horninu. 21 árs gamall Þjóðverji, Ole Pregler, var síðan með átta mörk.

Þýski handboltinn

Mest lesið


Fleiri fréttir

Sjá meira


×

Mest lesið