Sex­tán ára Littler heldur á­fram að heilla

Gilding situr í tuttugasta sæti heimslistans og því var búist við því að hann yrði meiri fyrirstaða fyrir Littler en Christian Kist var í gær.

Gilding var vissulega meiri fyrirstaða fyrir Littler sem náði ekki jafn góðri frammistöðu í kvöld og hann náði í gær, en það nægði þó til að vinna fyrstu tvö settin gegn Gilding, 3-2 og 3-2.

Gilding vann hins vegar þriðja settið 3-0 og ljóst að einhver skjálfti var kominn í Littler. Hann var þó fljótur að hrista það af sér, vann fjórða settið 3-1 og tryggði sér um leið sæti í 32-manna úrslitum heimsmeistaramótsins í pílukasti.

Þá urðu einnig nokkuð óvænt úrslit í kvöld þegar Danny Noppert, sem situr ú sjöunda sæti heimsleistans, féll úr leik eftir 3-0 tap gegn Englendingnum Scott Williams, en öll úrslit dagsins má sjá hér fyrir neðan.

Úrslit dagsins