Semja við Erni um flug til Eyja

Í tilkynningu segir að flokið verði þrjá daga í viku á milli Vestmannaeyja og Reykjavíkur. Tvær ferðir á þriðjudögum og ein á miðvikudögum og sunnudögum.

Fram kemur að flogið verði í Jetstream 32 og Dornier 328 flugvélum.

„Nýverið var jafnframt samið við Erni um að fljúga fjórar ferðir í viku til Húsavíkur á tímabilinu 1. desember til 28. febrúar.

Flugleiðir þessar eru styrktar til að tryggja tímabundið lágmarksþjónustu á flugleiðunum á meðan markaðslegar forsendur eru ekki til staðar, enda flugið mikilvægt fyrir íbúa og atvinnulíf á svæðunum,“ segir á vef Vegagerðarinnar.