Sektaður fyrir jómfrúarferðina á rafhlaupahjóli kærustunnar í Hafnarfirði Atli Ísleifsson skrifar 13. desember 2023 10:36 Árekstur rafhlaupahjólsins, sem var af gerðinni Kaabo Wolf Warrior 11, og bílsins varð við Flatahraun 25 í Hafnarfirði. Vísir/Vilhelm/Kaboo Héraðsdómur Reykjaness hefur dæmt karlmann til að greiða 80 þúsund króna sekt til ríkissjóðs fyrir að hafa ekið óskráðu rafhlaupahjóli á gangstétt í Hafnarfirði og verið án ökuréttinda í ágúst 2021. Málið kom upp eftir árekstur rafhlaupahjólsins, sem ekið var á miklum hraða, og bíls. Í ákæru segir að atvikið hafi átt sér stað 5. ágúst 2021 á gangstétt við Flatahraun í Hafnarfirði. Fóru saksóknarar fram á að maðurinn yrði dæmdur til greiðslu sektar og að rafhlaupahjólið, sem var að gerðinni, Kaabo Wolf Warrior 11, yrði gert upptækt. Skall í hlið bílsins Í dómi kemur fram að lögreglu hafi lögreglu hafi borist tilkynning um umferðaróhapp við Flatahraun 25 umræddan dag. Þar hafi verið sjáanlegt tjón á vinstri hlið kyrrstæðs bíls og hafi lögregla rætt við ökumann bílsins sem sagðist hafa ekið norður Flatahraun og beygt inn á bílastæði við húsið þegar maður á rafhlaupahjóli hafi komið eftir gangstéttinni á miklum hraða. Hafi ökumaður rafhlaupahjólsins snarhemlað með þeim afleiðingum að hann hafnaði á vélarhlíf bílsins Deilt um hraða hjólsins Ökumaður bílsins sagði bílinn hafa verið kyrrstæðan þegar slysið varð. Ákærði, ökumaður rafhlaupahjólsins, var hins vegar ekki sammála þessu og sagði ökumann bílsins hafa ekið í veg fyrir sig. Hann hafi þá þurft að snarhemla og hafnað í hlið bílsins. Ökumaður rafhlaupahjólsins sagðist hafa verið á 25 kílómetra hraða, en vitni í málinu sagðist hafa séð ákærða aka norður Flatahraun á gangstétt á „ofsahraða.“ Taldi vitnið að hjólinu hafi verið ekið á um 50 kílómetra hraða. Rannsókn lögreglu leiddi hins vegar í ljós að hraðinn hafi verið rúmlega 40 kílómetrar á klukkustund í aðdraganda slyssins. Var á hjóli kærustunnar í fyrsta sinn Ákærði í málinu neitaði sök og vísaði til þess að hjólið væri í flokki léttra bifhjóla og falli því undir undanþáguákvæði umferðarlaga. Hann sagðist hafa í umrætt sinn verið að nota hjólið í fyrsta sinn, en það hafi verið í eigu kærustu hans sem hafi fest kaup á því fjórum dögum fyrir atvikið. Hann hafi talið hámarkshraða hjólsins verið 25 kílómetrar á klukkustund, enda hafi það verið skilaboðin sem hafi borist frá seljanda hjólsins. Á heimasíðu framleiðanda kemur hins vegar fram að hámarkshraði hjólsins sé 80, en stillingar séu mismundandi. Sakfelldur en hjólið ekki gert upptækt Maðurinn var sakfelldur í málinu og segir í dómi að hjólið sé skráningarskylt og ekki heimilt að aka slíkum hjólum án sérstakra réttinda. Ennfremur sé kveðið svo á um í umferðarlögum að óheimilt sé að aka eftir gangstétt, göngustíg, hjólastíg og göngugötu, en ágreiningslaust væri að maðurinn hafi ekið rafhjólinu á gangstétt líkt og lýst hafi verið í ákæru. Ákæruvaldið fór jafnframt fram á upptöku hjólsins. Í dómi segir að fáheyrt sé að ökutæki séu með dómi gerð upptæk vegna brota á umferðarlögum. Er vísað til þess að í umferðarlögum komi fram að unnt sé að gera upptækt vélknúið ökutæki vegna stórfellds eða ítrekaðs brots á ákvæðum laganna. „Upptaka ökutækis er afar íþyngjandi úrræði sem túlka ber þröngt og ber þar einkum að horfa til þeirrar háttsemi sem sakfellt er vegna. Að þessu virtu þykja hér engin efni til þess að fallast á kröfu ákæruvalds um að bifhjólið verði gert upptækt til ríkissjóðs og er kröfunni hafnað,“ segir í dómnum. Dómari mat hæfilega sekt vera 80 þúsund krónur sem greiða skal til ríkissjóða innan fjögurra vikna. Málsvarðarlaun skipaðs verjanda skuli ákærður greiða til hálfs og ríkissjóður til hálfs. Dómsmál Hafnarfjörður Rafhlaupahjól Umferðaröryggi Mest lesið Ferðamaður réðst á leiðsögukonu: „Ísland hefur brugðist mér“ Innlent Afplána líklegast í fjögur til fimm ár á Litla Hrauni Innlent Ræningjar fjölmenntu með byssur og haka í skartgripabúð Erlent Sigar hernum á „hryðjuverkamenn“ í Portland Erlent Drónaútgerð?: Þingmaður hefur áhyggjur af rússneskum skipum við Færeyjar Erlent Dróna- og skuggastríð í Evrópu: Hvað gengur Rússum til og hvað getur NATO gert? Erlent „Við þurfum ekki öll að fara á sjúkrahús“ Innlent Musk, Thiel og Andrés nefndir í nýjum skjölum Epsteins Erlent Ráku starfsmenn FBI sem fóru á hnéð eftir morðið á Floyd Erlent „Stór húsnæðis- og efnahagspakki“ á leiðinni Innlent Fleiri fréttir Furðar sig á þjóðaröryggisráði og rándýr barnaafmæli Aftur flagnar Vesturbæjarlaug: „Eins og hún sé með skallablett“ Þyrlan kölluð út vegna vélsleðaslyss á Langjökli „Gervigreind er líka fyrir heimilið“ Hringvegurinn opnaður á ný klukkan 17 Snæfellsnes orðið að vistvangi UNESCO „Stór húsnæðis- og efnahagspakki“ á leiðinni Afplána líklegast í fjögur til fimm ár á Litla Hrauni Þungir dómar ekki óvæntir og fyrsti vistvangur landsins Ferðamaður réðst á leiðsögukonu: „Ísland hefur brugðist mér“ Byrjað að moka í Hringveginn en talsverð vinna framundan Tíu gistu í fangageymslu og þar af tveir „peruölvaðir“ „Við þurfum ekki öll að fara á sjúkrahús“ Vilja RÚV af auglýsingamarkaði Ýmsar aðferðir til að ná niður drónum Jónína vill taka við af Ásmundi Einari „Við viljum bara finna fyrir öryggi“ Gerður sveitarstjóri Þingeyjarsveitar Þungur dagur, myndir frá óveðrinu og ítrekuð innbrot Verjandi Matthíasar hnýtir í dóminn Anna ljósa fallin frá Ásmundur Einar segir skilið við stjórnmálin Bætir þrepi við greiðsluþátttökukerfið „Ég bý ekki einu sinni í Reykjavík“ Táningsstúlkur dæmdar fyrir að flytja inn efni sem var ekki bannað Ekki liðnir níu dagar þegar það var aftur brotist inn Þungir dómar í Gufunesmálinu: „Það eru ekki alltaf jólin“ Dómsuppkvaðning í Gufunesmálinu og óveður í aðsigi Meirihluti íbúa ánægður með flutning stórtónleika á sunnudag Annar fulltrúa Framsóknar hættur í bæjarstjórn Kópavogs Sjá meira
Í ákæru segir að atvikið hafi átt sér stað 5. ágúst 2021 á gangstétt við Flatahraun í Hafnarfirði. Fóru saksóknarar fram á að maðurinn yrði dæmdur til greiðslu sektar og að rafhlaupahjólið, sem var að gerðinni, Kaabo Wolf Warrior 11, yrði gert upptækt. Skall í hlið bílsins Í dómi kemur fram að lögreglu hafi lögreglu hafi borist tilkynning um umferðaróhapp við Flatahraun 25 umræddan dag. Þar hafi verið sjáanlegt tjón á vinstri hlið kyrrstæðs bíls og hafi lögregla rætt við ökumann bílsins sem sagðist hafa ekið norður Flatahraun og beygt inn á bílastæði við húsið þegar maður á rafhlaupahjóli hafi komið eftir gangstéttinni á miklum hraða. Hafi ökumaður rafhlaupahjólsins snarhemlað með þeim afleiðingum að hann hafnaði á vélarhlíf bílsins Deilt um hraða hjólsins Ökumaður bílsins sagði bílinn hafa verið kyrrstæðan þegar slysið varð. Ákærði, ökumaður rafhlaupahjólsins, var hins vegar ekki sammála þessu og sagði ökumann bílsins hafa ekið í veg fyrir sig. Hann hafi þá þurft að snarhemla og hafnað í hlið bílsins. Ökumaður rafhlaupahjólsins sagðist hafa verið á 25 kílómetra hraða, en vitni í málinu sagðist hafa séð ákærða aka norður Flatahraun á gangstétt á „ofsahraða.“ Taldi vitnið að hjólinu hafi verið ekið á um 50 kílómetra hraða. Rannsókn lögreglu leiddi hins vegar í ljós að hraðinn hafi verið rúmlega 40 kílómetrar á klukkustund í aðdraganda slyssins. Var á hjóli kærustunnar í fyrsta sinn Ákærði í málinu neitaði sök og vísaði til þess að hjólið væri í flokki léttra bifhjóla og falli því undir undanþáguákvæði umferðarlaga. Hann sagðist hafa í umrætt sinn verið að nota hjólið í fyrsta sinn, en það hafi verið í eigu kærustu hans sem hafi fest kaup á því fjórum dögum fyrir atvikið. Hann hafi talið hámarkshraða hjólsins verið 25 kílómetrar á klukkustund, enda hafi það verið skilaboðin sem hafi borist frá seljanda hjólsins. Á heimasíðu framleiðanda kemur hins vegar fram að hámarkshraði hjólsins sé 80, en stillingar séu mismundandi. Sakfelldur en hjólið ekki gert upptækt Maðurinn var sakfelldur í málinu og segir í dómi að hjólið sé skráningarskylt og ekki heimilt að aka slíkum hjólum án sérstakra réttinda. Ennfremur sé kveðið svo á um í umferðarlögum að óheimilt sé að aka eftir gangstétt, göngustíg, hjólastíg og göngugötu, en ágreiningslaust væri að maðurinn hafi ekið rafhjólinu á gangstétt líkt og lýst hafi verið í ákæru. Ákæruvaldið fór jafnframt fram á upptöku hjólsins. Í dómi segir að fáheyrt sé að ökutæki séu með dómi gerð upptæk vegna brota á umferðarlögum. Er vísað til þess að í umferðarlögum komi fram að unnt sé að gera upptækt vélknúið ökutæki vegna stórfellds eða ítrekaðs brots á ákvæðum laganna. „Upptaka ökutækis er afar íþyngjandi úrræði sem túlka ber þröngt og ber þar einkum að horfa til þeirrar háttsemi sem sakfellt er vegna. Að þessu virtu þykja hér engin efni til þess að fallast á kröfu ákæruvalds um að bifhjólið verði gert upptækt til ríkissjóðs og er kröfunni hafnað,“ segir í dómnum. Dómari mat hæfilega sekt vera 80 þúsund krónur sem greiða skal til ríkissjóða innan fjögurra vikna. Málsvarðarlaun skipaðs verjanda skuli ákærður greiða til hálfs og ríkissjóður til hálfs.
Dómsmál Hafnarfjörður Rafhlaupahjól Umferðaröryggi Mest lesið Ferðamaður réðst á leiðsögukonu: „Ísland hefur brugðist mér“ Innlent Afplána líklegast í fjögur til fimm ár á Litla Hrauni Innlent Ræningjar fjölmenntu með byssur og haka í skartgripabúð Erlent Sigar hernum á „hryðjuverkamenn“ í Portland Erlent Drónaútgerð?: Þingmaður hefur áhyggjur af rússneskum skipum við Færeyjar Erlent Dróna- og skuggastríð í Evrópu: Hvað gengur Rússum til og hvað getur NATO gert? Erlent „Við þurfum ekki öll að fara á sjúkrahús“ Innlent Musk, Thiel og Andrés nefndir í nýjum skjölum Epsteins Erlent Ráku starfsmenn FBI sem fóru á hnéð eftir morðið á Floyd Erlent „Stór húsnæðis- og efnahagspakki“ á leiðinni Innlent Fleiri fréttir Furðar sig á þjóðaröryggisráði og rándýr barnaafmæli Aftur flagnar Vesturbæjarlaug: „Eins og hún sé með skallablett“ Þyrlan kölluð út vegna vélsleðaslyss á Langjökli „Gervigreind er líka fyrir heimilið“ Hringvegurinn opnaður á ný klukkan 17 Snæfellsnes orðið að vistvangi UNESCO „Stór húsnæðis- og efnahagspakki“ á leiðinni Afplána líklegast í fjögur til fimm ár á Litla Hrauni Þungir dómar ekki óvæntir og fyrsti vistvangur landsins Ferðamaður réðst á leiðsögukonu: „Ísland hefur brugðist mér“ Byrjað að moka í Hringveginn en talsverð vinna framundan Tíu gistu í fangageymslu og þar af tveir „peruölvaðir“ „Við þurfum ekki öll að fara á sjúkrahús“ Vilja RÚV af auglýsingamarkaði Ýmsar aðferðir til að ná niður drónum Jónína vill taka við af Ásmundi Einari „Við viljum bara finna fyrir öryggi“ Gerður sveitarstjóri Þingeyjarsveitar Þungur dagur, myndir frá óveðrinu og ítrekuð innbrot Verjandi Matthíasar hnýtir í dóminn Anna ljósa fallin frá Ásmundur Einar segir skilið við stjórnmálin Bætir þrepi við greiðsluþátttökukerfið „Ég bý ekki einu sinni í Reykjavík“ Táningsstúlkur dæmdar fyrir að flytja inn efni sem var ekki bannað Ekki liðnir níu dagar þegar það var aftur brotist inn Þungir dómar í Gufunesmálinu: „Það eru ekki alltaf jólin“ Dómsuppkvaðning í Gufunesmálinu og óveður í aðsigi Meirihluti íbúa ánægður með flutning stórtónleika á sunnudag Annar fulltrúa Framsóknar hættur í bæjarstjórn Kópavogs Sjá meira