Engin ákvörðun um úrsögn úr hnefaleikasambandi en fylgst með Kristinn Haukur Guðnason skrifar 28. maí 2023 09:00 Viktoría Berg Einarsdóttir framkvæmdastjóri Hnefaleikasambandsins segir sambandið ekki sátt við ákvarðanir IBA að undanförnu. Hnefaleikaheimurinn logar þessa stundina. Alþjóða hnefaleikasambandið, IBA, er undir járnhæl rússnesks formanns sem styður Pútín og Bandaríkjamenn hafa stofnað eigin samband. Íslendingar fylgjast með. „Við munum fylgjast með þeim þjóðum sem standa okkur næst og við erum helst í samstarfi við, þá Norðurlöndin, og einnig IOC, og endurskoða stöðuna ef einhverjar breytingar verða þar,“ segir Viktoría Berg Einarsdóttir, framkvæmdastjóri Hnefaleikasambands Íslands. Bandaríkjamenn hafa stofnað sérstakt hnefaleikasamband fyrir áhugamannahnefaleika, World Boxing, og sagt sig úr IBA. Fleiri þjóðir hafa gengið í sambandið, svo sem Frakkar, Bretar, Ástralar og Kanadamenn. Úkraínufáninn bannaður Ástæðan eru ákvarðanir stjórnar IBA og formannsins, Umar Kremlev, á undanförnum árum og einkum eftir að innrás Rússa inn í Úkraínu hófst í febrúar á síðasta ári. Kremlev hefur meðal annars fært höfuðstöðvarnar til Rússlands og gert rússneska gasrisann Gazprom að helsta bakhjarli IBA. Formaðurinn Umar Kremlev styður innrásina í Úkraínu og hefur beitt sér gegn úkraínskum hnefaleikamönnum.Getty Í september síðastliðnum var Úkraínumönnum bannað að keppa undir eigin fána, að sögn stjórnar IBA vegna afskipta stjórnvalda þar í landi. Þá aflétti IBA kepnnisbanni Alþjóða ólympíusambandsins, IOC, af bæði rússneskum og hvítrússneskum hnefaleikamönnum. En fram að þessu hafa þeir hnefaleikamenn þurft að keppa undir hlutlausum fána. Tóku völdin af IBA Sífellt fleiri lönd hafa verið að sækja um inngöngu í World Boxing, þar á meðal Þýskaland, Svíþjóð og Nýja Sjáland. IBA hefur brugðist við með því að víkja þeim úr IBA. Á sama tíma dælir Gazprom verðlaunafé í keppnismótin sem skipulögð eru af IBA til að hæna fólk að IBA. Kremlev komst til valda í IBA eftir að IOC tók völdin af sambandinu fyrir ólympíuleikana í Tókíó árið 2020. IOC skipulagði sjálft undirbúningsmótið fyrir leikana vegna vandræða IBA með fjármál og dómgæslu. Kremlev lofaði bót og betrun IBA en sambandið á milli IBA og IOC hefur hins vegar aðeins versnað til muna eftir að hann komst til valda. Gætu horfið af ólympíuleikum „Miðað við þróun á samræðum IOC og IBA þá stefnir í að hnefaleikar verði ekki partur af Ólympíuleikunum í Los Angeles árið 2028. Ef þessi þróun heldur áfram þá er hætta á því að IBA verði ekki lengur partur af Ólympíusambandinu,“ segir Viktoría. Segir hún að áhersla IBA sé núna á eigin mótaröð en markmið World Boxing sé að halda hnefaleikum inni í ólympíuleikum, þar sem þeir eiga langa sögu. „Við sem samband undir ÍSÍ munum alltaf fylgja alþjóðlega Ólympíusambandinu og því sambandi sem heyrir þar undir,“ segir Viktoría. „Við fylgjum einnig Norðurlöndunum og því sem þau hafa í hyggju að gera. Eins og staðan er í dag þá hafa engar ákvarðanir verið teknar en við munum fylgjast með þróuninni og sjá hvað Alþjóðlega Ólympíusambandið gerir.“ Grátt svæði Aðspurð um afstöðu Hnefaleikasambands Íslands til ákvarðana IBA að undanförnu segir Viktoría að ekki sé sátt um þær. Sambandið hefur hins vegar ekki beitt sér formlega á þessum velli. „Hnefaleikasamband Íslands hefur ekki verið sjálft í neinum mótmælum gagnvart þessu en hefur fylgst grannt með umræðunum og hefur verið erfitt að skilja ákvarðanir alþjóðasambandsins sem oft á tíðum liggja á gráu svæði,“ segir Viktoría. „Þó að við höfum ekki verið í neinum mótmælum þá erum við samt sem áður ósammála ákvörðun IBA um að leyfa Rússum og Hvítrússum að keppa og að banna Úkraínumönnum að keppa undir eigin fána. Þessar tilteknu deilur eru eitthvað sem við vorum ekki virkir þátttakendur í og því erfitt að mynda sér skoðanir á einstaka málum. Áhersluatriði okkar snýr fyrst og fremst að íþróttinni og þátttakendum hennar og viljum helst að það haldist þannig,“ bætir hún við. Box Rússland Úkraína Innrás Rússa í Úkraínu Ólympíuleikar Mest lesið Gaf öllum liðsfélögunum iPhone til að sleppa við að syngja Sport Missir af Ólympíuleikunum á heimavelli eftir slys á æfingu Sport Daníel: Ég fór í smá ævintýra starfsemi Körfubolti „Slakasti leikur okkar síðan ég tók við liðinu“ Sport Sambandsdeildin | Logi í sigurliði og Crystal Palace lá á heimavelli Fótbolti „Leið vel þegar ég fór inn úr færinu“ Handbolti Uppgjörið: Ármann-Keflavík 94-107 | Öruggt hjá Keflvíkingum Körfubolti Uppgjörið: Þór Þ. - Valur 117-119 | Vals sigur eftir tvær framlengingar Körfubolti Mo Salah fjarlægði nafn Liverpool af miðlum sínum Enski boltinn Uppgjörið FH - Haukar 27-26 | Birgir Már tryggði FH sigur eftir spennutrylli Handbolti Fleiri fréttir Gaf öllum liðsfélögunum iPhone til að sleppa við að syngja Uppgjörið: Ármann-Keflavík 94-107 | Öruggt hjá Keflvíkingum Daníel: Ég fór í smá ævintýra starfsemi Missir af Ólympíuleikunum á heimavelli eftir slys á æfingu Uppgjörið: Þór Þ. - Valur 117-119 | Vals sigur eftir tvær framlengingar „Leið vel þegar ég fór inn úr færinu“ „Slakasti leikur okkar síðan ég tók við liðinu“ Sambandsdeildin | Logi í sigurliði og Crystal Palace lá á heimavelli Þurfti að hlaupa lengra en frá Reykjavík til Þórshafnar til að vinna HM í bakgarði Uppgjörið: Njarðvík-Tindastóll 98-90 | Njarðvíkingar skelltu Stólunum Evrópudeildin | Elías hélt hreinu í Evrópudeildinni „Vonandi verður allt á uppleið úr þessu“ Átti sumar engu öðru líku „Ég held að bæði lið séu ekkert himinlifandi með sína frammistöðu“ Uppgjörið FH - Haukar 27-26 | Birgir Már tryggði FH sigur eftir spennutrylli Uppgjörið: Grindavík-KR 78-77 | Arnór Tristan með sigurkörfuna Bernard fór mikinn en Valsmenn sluppu með sigurinn Fyrsti sigur Þórsara síðan í byrjun september Ómar Ingi með fullkomnan leik í Meistaradeildinni „Svekktir að hafa ekki landað sigri“ „Mér bara brást bogalistin“ Guðjón Valur og lærisveinar hársbreidd frá því að vinna Kiel Freyr stýrði Brann til sigurs á Rangers og Albert skoraði Leik lokið: Breiðablik-KuPS 0-0 | Höskuldur klúðraði víti og Blikar bíða enn Dæmd í þriggja ára bann en heldur heimsmetinu Mo Salah fjarlægði nafn Liverpool af miðlum sínum Messi framlengir samning sinn um þrjú ár Fantasýn: Tvær gátur og svarið að losa sig við Pedro Leiktíma Sverris breytt þrisvar í dag vegna veðurs Hlakka til að sjá Viktor Gísla aftur og senda honum skilaboð Sjá meira
„Við munum fylgjast með þeim þjóðum sem standa okkur næst og við erum helst í samstarfi við, þá Norðurlöndin, og einnig IOC, og endurskoða stöðuna ef einhverjar breytingar verða þar,“ segir Viktoría Berg Einarsdóttir, framkvæmdastjóri Hnefaleikasambands Íslands. Bandaríkjamenn hafa stofnað sérstakt hnefaleikasamband fyrir áhugamannahnefaleika, World Boxing, og sagt sig úr IBA. Fleiri þjóðir hafa gengið í sambandið, svo sem Frakkar, Bretar, Ástralar og Kanadamenn. Úkraínufáninn bannaður Ástæðan eru ákvarðanir stjórnar IBA og formannsins, Umar Kremlev, á undanförnum árum og einkum eftir að innrás Rússa inn í Úkraínu hófst í febrúar á síðasta ári. Kremlev hefur meðal annars fært höfuðstöðvarnar til Rússlands og gert rússneska gasrisann Gazprom að helsta bakhjarli IBA. Formaðurinn Umar Kremlev styður innrásina í Úkraínu og hefur beitt sér gegn úkraínskum hnefaleikamönnum.Getty Í september síðastliðnum var Úkraínumönnum bannað að keppa undir eigin fána, að sögn stjórnar IBA vegna afskipta stjórnvalda þar í landi. Þá aflétti IBA kepnnisbanni Alþjóða ólympíusambandsins, IOC, af bæði rússneskum og hvítrússneskum hnefaleikamönnum. En fram að þessu hafa þeir hnefaleikamenn þurft að keppa undir hlutlausum fána. Tóku völdin af IBA Sífellt fleiri lönd hafa verið að sækja um inngöngu í World Boxing, þar á meðal Þýskaland, Svíþjóð og Nýja Sjáland. IBA hefur brugðist við með því að víkja þeim úr IBA. Á sama tíma dælir Gazprom verðlaunafé í keppnismótin sem skipulögð eru af IBA til að hæna fólk að IBA. Kremlev komst til valda í IBA eftir að IOC tók völdin af sambandinu fyrir ólympíuleikana í Tókíó árið 2020. IOC skipulagði sjálft undirbúningsmótið fyrir leikana vegna vandræða IBA með fjármál og dómgæslu. Kremlev lofaði bót og betrun IBA en sambandið á milli IBA og IOC hefur hins vegar aðeins versnað til muna eftir að hann komst til valda. Gætu horfið af ólympíuleikum „Miðað við þróun á samræðum IOC og IBA þá stefnir í að hnefaleikar verði ekki partur af Ólympíuleikunum í Los Angeles árið 2028. Ef þessi þróun heldur áfram þá er hætta á því að IBA verði ekki lengur partur af Ólympíusambandinu,“ segir Viktoría. Segir hún að áhersla IBA sé núna á eigin mótaröð en markmið World Boxing sé að halda hnefaleikum inni í ólympíuleikum, þar sem þeir eiga langa sögu. „Við sem samband undir ÍSÍ munum alltaf fylgja alþjóðlega Ólympíusambandinu og því sambandi sem heyrir þar undir,“ segir Viktoría. „Við fylgjum einnig Norðurlöndunum og því sem þau hafa í hyggju að gera. Eins og staðan er í dag þá hafa engar ákvarðanir verið teknar en við munum fylgjast með þróuninni og sjá hvað Alþjóðlega Ólympíusambandið gerir.“ Grátt svæði Aðspurð um afstöðu Hnefaleikasambands Íslands til ákvarðana IBA að undanförnu segir Viktoría að ekki sé sátt um þær. Sambandið hefur hins vegar ekki beitt sér formlega á þessum velli. „Hnefaleikasamband Íslands hefur ekki verið sjálft í neinum mótmælum gagnvart þessu en hefur fylgst grannt með umræðunum og hefur verið erfitt að skilja ákvarðanir alþjóðasambandsins sem oft á tíðum liggja á gráu svæði,“ segir Viktoría. „Þó að við höfum ekki verið í neinum mótmælum þá erum við samt sem áður ósammála ákvörðun IBA um að leyfa Rússum og Hvítrússum að keppa og að banna Úkraínumönnum að keppa undir eigin fána. Þessar tilteknu deilur eru eitthvað sem við vorum ekki virkir þátttakendur í og því erfitt að mynda sér skoðanir á einstaka málum. Áhersluatriði okkar snýr fyrst og fremst að íþróttinni og þátttakendum hennar og viljum helst að það haldist þannig,“ bætir hún við.
Box Rússland Úkraína Innrás Rússa í Úkraínu Ólympíuleikar Mest lesið Gaf öllum liðsfélögunum iPhone til að sleppa við að syngja Sport Missir af Ólympíuleikunum á heimavelli eftir slys á æfingu Sport Daníel: Ég fór í smá ævintýra starfsemi Körfubolti „Slakasti leikur okkar síðan ég tók við liðinu“ Sport Sambandsdeildin | Logi í sigurliði og Crystal Palace lá á heimavelli Fótbolti „Leið vel þegar ég fór inn úr færinu“ Handbolti Uppgjörið: Ármann-Keflavík 94-107 | Öruggt hjá Keflvíkingum Körfubolti Uppgjörið: Þór Þ. - Valur 117-119 | Vals sigur eftir tvær framlengingar Körfubolti Mo Salah fjarlægði nafn Liverpool af miðlum sínum Enski boltinn Uppgjörið FH - Haukar 27-26 | Birgir Már tryggði FH sigur eftir spennutrylli Handbolti Fleiri fréttir Gaf öllum liðsfélögunum iPhone til að sleppa við að syngja Uppgjörið: Ármann-Keflavík 94-107 | Öruggt hjá Keflvíkingum Daníel: Ég fór í smá ævintýra starfsemi Missir af Ólympíuleikunum á heimavelli eftir slys á æfingu Uppgjörið: Þór Þ. - Valur 117-119 | Vals sigur eftir tvær framlengingar „Leið vel þegar ég fór inn úr færinu“ „Slakasti leikur okkar síðan ég tók við liðinu“ Sambandsdeildin | Logi í sigurliði og Crystal Palace lá á heimavelli Þurfti að hlaupa lengra en frá Reykjavík til Þórshafnar til að vinna HM í bakgarði Uppgjörið: Njarðvík-Tindastóll 98-90 | Njarðvíkingar skelltu Stólunum Evrópudeildin | Elías hélt hreinu í Evrópudeildinni „Vonandi verður allt á uppleið úr þessu“ Átti sumar engu öðru líku „Ég held að bæði lið séu ekkert himinlifandi með sína frammistöðu“ Uppgjörið FH - Haukar 27-26 | Birgir Már tryggði FH sigur eftir spennutrylli Uppgjörið: Grindavík-KR 78-77 | Arnór Tristan með sigurkörfuna Bernard fór mikinn en Valsmenn sluppu með sigurinn Fyrsti sigur Þórsara síðan í byrjun september Ómar Ingi með fullkomnan leik í Meistaradeildinni „Svekktir að hafa ekki landað sigri“ „Mér bara brást bogalistin“ Guðjón Valur og lærisveinar hársbreidd frá því að vinna Kiel Freyr stýrði Brann til sigurs á Rangers og Albert skoraði Leik lokið: Breiðablik-KuPS 0-0 | Höskuldur klúðraði víti og Blikar bíða enn Dæmd í þriggja ára bann en heldur heimsmetinu Mo Salah fjarlægði nafn Liverpool af miðlum sínum Messi framlengir samning sinn um þrjú ár Fantasýn: Tvær gátur og svarið að losa sig við Pedro Leiktíma Sverris breytt þrisvar í dag vegna veðurs Hlakka til að sjá Viktor Gísla aftur og senda honum skilaboð Sjá meira