Handbolti

Pallborðið: Einar smá stressaður en Gunnar hefur fulla trú á sigri á Svíum

Sindri Sverrisson skrifar
Gunnar Steinn Jónsson og Einar Jónsson eru gestir Svövu Kristínar Gretarsdóttur í Pallborðinu.
Gunnar Steinn Jónsson og Einar Jónsson eru gestir Svövu Kristínar Gretarsdóttur í Pallborðinu.

Svava Kristín Gretarsdóttir stýrði Pallborðinu á Vísi í dag þar sem kvöldleikur Íslands við Svíþjóð á HM í handbolta var krufinn til mergjar. Stemningin var líka skoðuð í beinni útsendingu frá stuðsvæði Íslendinga í Gautaborg.

Ísland og Svíþjóð mætast í Gautaborg klukkan 19.30 í kvöld og takist Íslandi að knýja fram sigur getur liðið unnið sinn milliriðil og komist í átta liða úrslit á HM. Svíar eru hins vegar ríkjandi Evrópumeistarar og þykja sigurstranglegir á mótinu.

Svava fékk til sín landsliðsmanninn fyrrverandi Gunnar Stein Jónsson og þjálfarann margreynda Einar Jónsson og fékk þá til að fara yfir þetta krefjandi verkefni í kvöld.

Gunnar Steinn, sem þekkir bæði til Svía og að spila fyrir íslenska landsliðið á stórmótum, hefur fulla trú á sigri á Svíum og hann er á því að Aron Pálmarsson komi sterkur inn í leikinn í kvöld.

Einar viðurkenndi að hann sé stressaður fyrir leikinn en segir að stórleikur Arons myndi þýða íslenskan sigur.

Hér fyrir neðan má sjá allt pallborðið frá því í dag.

Klippa: Hitað upp fyrir stórleikinn gegn Svíum í Pallborðinu
HM 2023 í handbolta Landslið karla í handbolta Pallborðið

Mest lesið


Fleiri fréttir

Sjá meira


×

Mest lesið