Innlent

Kallað út vegna elds á svölum í­búðar í Árbæ

Atli Ísleifsson skrifar
Mikill reykur barst af svölunum. Myndin er úr safni. 
Mikill reykur barst af svölunum. Myndin er úr safni.  Vísir/Vilhelm

Slökkvilið á höfuðborgarsvæðinu var kallað út vegna elds á svölum íbúðar við Hraunbæ í Reykjavík upp úr klukkan eitt í nótt.

Lögregla segir frá því í tilkynningu að mikill reykur hafi verið og voru íbúar að slökkva eldinn þegar slökkvilið bar að garði. Slökkvilið reykræsti svo íbúðina.

Svo virðist sem að kviknað hafi í ruslapokum sem fullar voru af dósum, en að ekki sé vitað um upptökin.

„Vitni heyrði mikinn hvell koma frá svölunum og sá síðan eldinn. Lítið tjón á munum,“ segir í tilkynningu frá lögreglu.

Reykjavík Slökkvilið

Mest lesið


Fleiri fréttir

Sjá meira


×

Mest lesið