Fótbolti

Dramatískt jafntefli hjá Sveini og Hákoni

Valur Páll Eiríksson skrifar
Sveinn Aron komst ekki á blað í dag.
Sveinn Aron komst ekki á blað í dag. Twittersíða Elfsborg

Elfsborg gerði 1-1 jafntefli við Mjallby í sænsku úrvalsdeildinni í fótbolta í dag. Tveir Íslendingar voru í byrjunarliði fyrrnefnda liðsins.

Sveinn Aron Guðjohnsen byrjaði í framlínu Elfsborgar en Hákon Rafn Valdimarsson stóð á milli stanganna. 

Hákon kom engum vörnum við þegar Mjallby komst yfir eftir aðeins fimm mínútna leik. Þar var að verki Nígeríumaðurinn Silas Nwankwo. 1-0 stóð í hléi en Sveini var skipt af velli á 77. mínútu.

Komið var þá langt fram í uppbótartíma þegar jöfnunarmarkið kom. Þar var að verki miðjumaðurinn Michael Badoo sem tryggði Elfsborg stig.

Elfsborg er í 10. sæti deildarinnar með 22 stig en Mjallby er tveimur sætum ofar með 27 stig.

Sænski boltinn

Mest lesið


Fleiri fréttir

Sjá meira


×

Mest lesið