Gluggað á Framsóknarflokkinn Ole Anton Bieltvedt skrifar 4. júní 2022 13:00 Formaður Framsóknarflokksins 2009-2016 var Sigmundur Davíð Gunnlaugsson. Í þingkosningunum 2013 fékk flokkurinn 24,4%. Á þessum tíma var Sigurður Ingi Jóhannsson varaformaður, en til ágreinings kom milli þeirra félaga, og klofnaði flokkurinn. Sigmundur Davíð stofnaði í framhaldi af því Miðflokkinn 2017. Þróun fylgis flokkanna Í þingkosningunum 2017 fékk Framsóknarflokkurinn 10,7% og Miðflokkurinn 10,8% atkvæða. Alls 21,5%, minna en fyrir klofninginn, en munurinn var lítill. Í þingkosningunum 2021 reyndi svo aftur á styrk og fylgi þessara fyrrum samherja, þá svarinna andstæðinga, og hafði Sigurður Ingi þá miklu betur. Hann fékk 17,3% atkvæða með Framsókn, en Miðflokkur Sigmundar Davíðs aðeins 5,4%. Klaustursmálið spilaði þar nokkra rullu, Sigurði Inga í vil, án þess, að hann hafi til þess ávinnings unnið. Samanlagt voru flokkarnir þannig enn með svipað fylgi 2021, 22,7%. Hvað svo sem flokksnafngiftum líður, hefur fylgi Framsóknar því verið 20-25% síðasta áratug. Hefur engin raunveruleg eða umtalsverð fylgisaukning átt sér stað. Útkoman í sveitarstjórnarkosningunum Sveitarstjórnarkosningar eru nokkuð annað en þingkosningar. Flokksböndin eru þó líka rík í þeim, og grunnfylgi oft svipað og í þingkosningum. Séu 5 stærstu kjördæmin í sveitarstjórnarkosningunum nú skoðuð, Reykjavík, Kópavogur, Hafnarfjörður, Reykjanesbær og Akureyri, en í þeim eru yfir 180 þúsund kjósendur, af alls um 250 þúsund kjósendum í landinu, þá er meðaltalsfylgi Framsóknar 17,4%. Fylgi Miðflokksins í þessum sömu kjördæmum er, hins vegar, komið niður í 2-3%, nema á Akureyri, þar sem flokkurinn fékk tæp 8%. Tala má um meðaltal upp á 3,5%. Þetta þýðir, að samtalan er enn svipuð, um 21%. Þetta hrun Miðflokks er heldur ekki Sigurði Inga mikið að þakka, heldur held ég, að kjósendur hafi átt erfitt með að skilja ýmislegt bæði tal og athæfi Sigmundar Davíðs í seinni tíð, eins og það, þegar hann hakkaði í sig hrátt nautahakk úti í móa, velti sér um velli með hundum og auglýsti þetta svo. Margir Miðflokksmenn ákváðu að snúa heim í Framsókn. En veizlan hjá Bændasamtökunum? Jú, auðvitað er Sigurður Ingi líka bara maður, ekki alveg gallalaus, frekar en Sigmundur Davíð og við hin, og honum varð á tungubrjótur í veizlu hjá Bændasamtökunum, sem margir töldu rasískan. Men áttuðu sig þó á því, þegar málið var skoðað betur, að ummælin, sem Sigurður Ingi átti að hafa viðhaft, voru svo klikkuð, að þau gátu ekki einu sinni kallazt rasísk. Hann, sem rauðbirkinn innviðaráðherra, á að hafa sagt, að kona væri svört, sem var í bezta falli gul (stílfært grín). Allir, sem sjálfir glugga stundum í glas, skildu vel, að þetta hefði bara verið fyllerísrugl innviðaráðherra. Hann slapp því með skrekkinn. Vann Framsókn stórsigur nú í sveitarstjórnarkosningunum!? Nei, í raun ekki. Heildarfylgið á bak við Framsókn hefur ekki aukizt, eins og fram kemur. Aukinn fjöldi fulltrúa er í raun ekki auknu fylgi að þakka, heldur fremur því, að raðir andstæðinganna riðluðust, eins og vel má sjá t.a.m. á því, að Einar Þorsteinsson, sem var formaður Týs, félags Ungra sjálfstæðismanna í Kópavogi, skipti eins og hendi væri veifað um ham og gerðist Framsóknarmaður í Reykjavík. Eins náði Sjálfstæðisflokkurinn ekki vel vopnum sínum í þessum kosningum, þar sem margir vildu kenna formanni flokksins um klúðrið við Íslandsbankasöluna, sem reyndar var framkvæmdaaðilum mest að kenna, fremur en Bjarna - enda Bjarni t.a.m. vart með föður sinn í vasanum, veitandi honum ráðgjöf, hvað þá fyrirmæl, um athafnir eða fjárfestingar - og færðust þannig fulltrúar af Sjálfstæðisflokknum á Framsókn, nánast á silfurfati. Því má líka „sigri“ Framsóknar við það, að sigur vinnist í hástökki vegna þess, að keppinautarnir hafi verið veikir af COVID eða timbraðir. Er Framsókn frjáls miðjuflokkur? Í Norður- og Mið-Evrópu eru 15 stjórnmálaflokkar, sem telja sig vera frjálslynda miðjuflokka, og kenna sig við „Center“. Nær allir þeirra skilja og túlka stefnu sína þannig, að samvinna evrópskra þjóða í ríkjasambandi ESB sé ekki bara æskileg, heldur bráðnauðsynleg, og, að þátttakan í þessu ríkjabandalagi, meðal systra- og bræðraþjóða, auðvitað okkar Íslendinga líka, sé eitt grunnstefnumálanna. Meðan Halldórs heitins Ásgrímssonar, formanns Framsóknarflokkins til 12 ára, 1994-2006, þess ágæta manns, naut við, eins í formannstíð Jóns heitins Sigurðssonar, líka sæmdarmanns og Valgerðar Sverrisdóttur, mætrar konu, má segja, að Framsókn hafi verið víðsýnn, samvinnusinnaður, frjálslyndur og nútímalegur miðjuflokkur, sannur slíkur, einn af 15 í Evrópu, flokknum og landsmönnum til góðs. Með tilkomu Guðna Ágústssonar í formannstól, svo að ekki sé talað um Sigmund Davíð og Siguð Inga, var sá draumur þó búinn. Með þessum mönnum hrökk flokkurinn til baka um áratugi, í gamla og úrelta afturhalds- og einangrunarstefnu; hreinan heimóttarskap. Kannske verður Framsókn aftur raunverulegur samvinnusinnaður, frjálslyndur miðjuflokkur með nýju og bjartara fólki, eins og Einari Þorsteinssyni, Brynju Dan, Ásmundi Einari og öðru ungu og gæfulegu fólki!? Mætti þá skila af sér þeirri forystu, sem í raun mengaði samvinnusinnaða og frjálslynda stefnu í um 15 ára skeið, með þröngsýni og afdalamennsku. Væri það vel. Höfundur er samfélagsrýnir og dýraverndarsinni. Viltu birta grein á Vísi? Sendu okkur póst. Senda grein Framsóknarflokkurinn Ole Anton Bieltvedt Miðflokkurinn Mest lesið Gervigreind í námi: 5 lykilskref fyrir öryggi nemenda Björgmundur Guðmundsson Skoðun Falin tækifæri til náms Heiða Ingimarsdóttir Skoðun “Jákvæð viðbrögð” um veiðigjaldið? Heimir Örn Árnason Skoðun Opið bréf til Rósu Guðbjartsdóttur Margrét Kristín Blöndal Skoðun Grein til stuðnings Söngskóla Sigurðar Demetz Sveinn Dúa Hjörleifsson,Eyrún Unnarsdóttir,Elmar GIlbertsson,Álfheiður Guðmundsdóttir,Kristján Jóhannesson Skoðun Veitingastaðir eru ekki kjarnorkuver Jóhann Páll Jóhannsson Skoðun Skattgreiðendur látnir borga brúsann Hjörtur J. Guðmundsson Skoðun Rangfærslur Viðskiptaráðs Finnbjörn A. Hermannsson Skoðun Halldór 21.06.2025 Halldór Frábær fundur, frábært framtak, vanvirk stjórnsýsla, meðvirk stjórnvöld Ögmundur Jónasson Skoðun Skoðun Skoðun Falin tækifæri til náms Heiða Ingimarsdóttir skrifar Skoðun Gervigreind í námi: 5 lykilskref fyrir öryggi nemenda Björgmundur Guðmundsson skrifar Skoðun Grein til stuðnings Söngskóla Sigurðar Demetz Sveinn Dúa Hjörleifsson,Eyrún Unnarsdóttir,Elmar GIlbertsson,Álfheiður Guðmundsdóttir,Kristján Jóhannesson skrifar Skoðun “Jákvæð viðbrögð” um veiðigjaldið? Heimir Örn Árnason skrifar Skoðun Skattgreiðendur látnir borga brúsann Hjörtur J. Guðmundsson skrifar Skoðun Nokkur orð um Kúbudeiluna og viðskiptabannið Gylfi Páll Hersir skrifar Skoðun Ráðherrar með reiknivél og leyndarhyggju Kristinn Karl Brynjarsson skrifar Skoðun Gróf misbeiting illa fengins valds Örn Sigurðsson skrifar Skoðun Að sækja gullið (okkar) grein 2 Þröstur Friðfinnsson skrifar Skoðun Það verða aðrir þjóðhátíðardagar fyrir okkur en dagar Palestínumanna eru taldir Davíð Aron Routley skrifar Skoðun Pólítískt hugrekki Unnur Hrefna Jóhannsdóttir skrifar Skoðun Vísir að lægri orkureikningi Einar Vilmarsson skrifar Skoðun Frábær fundur, frábært framtak, vanvirk stjórnsýsla, meðvirk stjórnvöld Ögmundur Jónasson skrifar Skoðun Opið bréf til Rósu Guðbjartsdóttur Margrét Kristín Blöndal skrifar Skoðun Mikil réttarbót fyrir fatlað fólk mætir hindrunum Kolbrún Áslaugar Baldursdóttir skrifar Skoðun Verið brjáluð. Ég fer ekki neitt Ian McDonald skrifar Skoðun Hvernig eiga umsækjendur í opinbera sjóði að fylgja forsendum sem eru þversagnakenndar? Bogi Ragnarsson skrifar Skoðun Vönduð vinnubrögð? Heiðrún Lind Marteinsdóttir skrifar Skoðun Við viljum styðja ungmenni í að velja rétt fyrir sig og sína framtíð Þórdís Jóna Sigurðardóttir skrifar Skoðun Veitingastaðir eru ekki kjarnorkuver Jóhann Páll Jóhannsson skrifar Skoðun Nýr vegvísir Evrópusambandsins um jafnrétti kynjanna Clara Ganslandt skrifar Skoðun Frá stjórnun til tengsla – Endurmat á atferlismeðferð í ljósi tilfinningagreindar Kristín Magdalena Ágústsdóttir skrifar Skoðun Blaður 35 Gunnar Hólmsteinn Ársælsson skrifar Skoðun Kaldar kveðjur frá forsætisráðherrra til ferðaþjónustunnar Pétur Óskarsson skrifar Skoðun Nú hefst samræmt próf í stærðfræði Sigrún Ólöf Ingólfsdóttir skrifar Skoðun Rangfærslur Viðskiptaráðs Finnbjörn A. Hermannsson skrifar Skoðun Sanngirni í Kópavogsmódelinu Eydís Inga Valsdóttir skrifar Skoðun Ríkisstjórnarflokkarnir fylgja Landsvirkjun – gegn Þjórsárverum Svandís Svavarsdóttir,Álfheiður Ingadóttir skrifar Skoðun Skapandi framtíð – forvarnir og félagsstarf í Hafnarfirði Kristín Thoroddsen skrifar Skoðun Upplýsingar um mataræði barna og unglinga á landsvísu eru of gamlar – það er óásættanlegt Birna Þórisdóttir,Sigurbjörg Bjarnadóttir,Inga Þórsdóttir skrifar Sjá meira
Formaður Framsóknarflokksins 2009-2016 var Sigmundur Davíð Gunnlaugsson. Í þingkosningunum 2013 fékk flokkurinn 24,4%. Á þessum tíma var Sigurður Ingi Jóhannsson varaformaður, en til ágreinings kom milli þeirra félaga, og klofnaði flokkurinn. Sigmundur Davíð stofnaði í framhaldi af því Miðflokkinn 2017. Þróun fylgis flokkanna Í þingkosningunum 2017 fékk Framsóknarflokkurinn 10,7% og Miðflokkurinn 10,8% atkvæða. Alls 21,5%, minna en fyrir klofninginn, en munurinn var lítill. Í þingkosningunum 2021 reyndi svo aftur á styrk og fylgi þessara fyrrum samherja, þá svarinna andstæðinga, og hafði Sigurður Ingi þá miklu betur. Hann fékk 17,3% atkvæða með Framsókn, en Miðflokkur Sigmundar Davíðs aðeins 5,4%. Klaustursmálið spilaði þar nokkra rullu, Sigurði Inga í vil, án þess, að hann hafi til þess ávinnings unnið. Samanlagt voru flokkarnir þannig enn með svipað fylgi 2021, 22,7%. Hvað svo sem flokksnafngiftum líður, hefur fylgi Framsóknar því verið 20-25% síðasta áratug. Hefur engin raunveruleg eða umtalsverð fylgisaukning átt sér stað. Útkoman í sveitarstjórnarkosningunum Sveitarstjórnarkosningar eru nokkuð annað en þingkosningar. Flokksböndin eru þó líka rík í þeim, og grunnfylgi oft svipað og í þingkosningum. Séu 5 stærstu kjördæmin í sveitarstjórnarkosningunum nú skoðuð, Reykjavík, Kópavogur, Hafnarfjörður, Reykjanesbær og Akureyri, en í þeim eru yfir 180 þúsund kjósendur, af alls um 250 þúsund kjósendum í landinu, þá er meðaltalsfylgi Framsóknar 17,4%. Fylgi Miðflokksins í þessum sömu kjördæmum er, hins vegar, komið niður í 2-3%, nema á Akureyri, þar sem flokkurinn fékk tæp 8%. Tala má um meðaltal upp á 3,5%. Þetta þýðir, að samtalan er enn svipuð, um 21%. Þetta hrun Miðflokks er heldur ekki Sigurði Inga mikið að þakka, heldur held ég, að kjósendur hafi átt erfitt með að skilja ýmislegt bæði tal og athæfi Sigmundar Davíðs í seinni tíð, eins og það, þegar hann hakkaði í sig hrátt nautahakk úti í móa, velti sér um velli með hundum og auglýsti þetta svo. Margir Miðflokksmenn ákváðu að snúa heim í Framsókn. En veizlan hjá Bændasamtökunum? Jú, auðvitað er Sigurður Ingi líka bara maður, ekki alveg gallalaus, frekar en Sigmundur Davíð og við hin, og honum varð á tungubrjótur í veizlu hjá Bændasamtökunum, sem margir töldu rasískan. Men áttuðu sig þó á því, þegar málið var skoðað betur, að ummælin, sem Sigurður Ingi átti að hafa viðhaft, voru svo klikkuð, að þau gátu ekki einu sinni kallazt rasísk. Hann, sem rauðbirkinn innviðaráðherra, á að hafa sagt, að kona væri svört, sem var í bezta falli gul (stílfært grín). Allir, sem sjálfir glugga stundum í glas, skildu vel, að þetta hefði bara verið fyllerísrugl innviðaráðherra. Hann slapp því með skrekkinn. Vann Framsókn stórsigur nú í sveitarstjórnarkosningunum!? Nei, í raun ekki. Heildarfylgið á bak við Framsókn hefur ekki aukizt, eins og fram kemur. Aukinn fjöldi fulltrúa er í raun ekki auknu fylgi að þakka, heldur fremur því, að raðir andstæðinganna riðluðust, eins og vel má sjá t.a.m. á því, að Einar Þorsteinsson, sem var formaður Týs, félags Ungra sjálfstæðismanna í Kópavogi, skipti eins og hendi væri veifað um ham og gerðist Framsóknarmaður í Reykjavík. Eins náði Sjálfstæðisflokkurinn ekki vel vopnum sínum í þessum kosningum, þar sem margir vildu kenna formanni flokksins um klúðrið við Íslandsbankasöluna, sem reyndar var framkvæmdaaðilum mest að kenna, fremur en Bjarna - enda Bjarni t.a.m. vart með föður sinn í vasanum, veitandi honum ráðgjöf, hvað þá fyrirmæl, um athafnir eða fjárfestingar - og færðust þannig fulltrúar af Sjálfstæðisflokknum á Framsókn, nánast á silfurfati. Því má líka „sigri“ Framsóknar við það, að sigur vinnist í hástökki vegna þess, að keppinautarnir hafi verið veikir af COVID eða timbraðir. Er Framsókn frjáls miðjuflokkur? Í Norður- og Mið-Evrópu eru 15 stjórnmálaflokkar, sem telja sig vera frjálslynda miðjuflokka, og kenna sig við „Center“. Nær allir þeirra skilja og túlka stefnu sína þannig, að samvinna evrópskra þjóða í ríkjasambandi ESB sé ekki bara æskileg, heldur bráðnauðsynleg, og, að þátttakan í þessu ríkjabandalagi, meðal systra- og bræðraþjóða, auðvitað okkar Íslendinga líka, sé eitt grunnstefnumálanna. Meðan Halldórs heitins Ásgrímssonar, formanns Framsóknarflokkins til 12 ára, 1994-2006, þess ágæta manns, naut við, eins í formannstíð Jóns heitins Sigurðssonar, líka sæmdarmanns og Valgerðar Sverrisdóttur, mætrar konu, má segja, að Framsókn hafi verið víðsýnn, samvinnusinnaður, frjálslyndur og nútímalegur miðjuflokkur, sannur slíkur, einn af 15 í Evrópu, flokknum og landsmönnum til góðs. Með tilkomu Guðna Ágústssonar í formannstól, svo að ekki sé talað um Sigmund Davíð og Siguð Inga, var sá draumur þó búinn. Með þessum mönnum hrökk flokkurinn til baka um áratugi, í gamla og úrelta afturhalds- og einangrunarstefnu; hreinan heimóttarskap. Kannske verður Framsókn aftur raunverulegur samvinnusinnaður, frjálslyndur miðjuflokkur með nýju og bjartara fólki, eins og Einari Þorsteinssyni, Brynju Dan, Ásmundi Einari og öðru ungu og gæfulegu fólki!? Mætti þá skila af sér þeirri forystu, sem í raun mengaði samvinnusinnaða og frjálslynda stefnu í um 15 ára skeið, með þröngsýni og afdalamennsku. Væri það vel. Höfundur er samfélagsrýnir og dýraverndarsinni.
Grein til stuðnings Söngskóla Sigurðar Demetz Sveinn Dúa Hjörleifsson,Eyrún Unnarsdóttir,Elmar GIlbertsson,Álfheiður Guðmundsdóttir,Kristján Jóhannesson Skoðun
Frábær fundur, frábært framtak, vanvirk stjórnsýsla, meðvirk stjórnvöld Ögmundur Jónasson Skoðun
Skoðun Grein til stuðnings Söngskóla Sigurðar Demetz Sveinn Dúa Hjörleifsson,Eyrún Unnarsdóttir,Elmar GIlbertsson,Álfheiður Guðmundsdóttir,Kristján Jóhannesson skrifar
Skoðun Það verða aðrir þjóðhátíðardagar fyrir okkur en dagar Palestínumanna eru taldir Davíð Aron Routley skrifar
Skoðun Frábær fundur, frábært framtak, vanvirk stjórnsýsla, meðvirk stjórnvöld Ögmundur Jónasson skrifar
Skoðun Hvernig eiga umsækjendur í opinbera sjóði að fylgja forsendum sem eru þversagnakenndar? Bogi Ragnarsson skrifar
Skoðun Við viljum styðja ungmenni í að velja rétt fyrir sig og sína framtíð Þórdís Jóna Sigurðardóttir skrifar
Skoðun Frá stjórnun til tengsla – Endurmat á atferlismeðferð í ljósi tilfinningagreindar Kristín Magdalena Ágústsdóttir skrifar
Skoðun Ríkisstjórnarflokkarnir fylgja Landsvirkjun – gegn Þjórsárverum Svandís Svavarsdóttir,Álfheiður Ingadóttir skrifar
Skoðun Upplýsingar um mataræði barna og unglinga á landsvísu eru of gamlar – það er óásættanlegt Birna Þórisdóttir,Sigurbjörg Bjarnadóttir,Inga Þórsdóttir skrifar
Grein til stuðnings Söngskóla Sigurðar Demetz Sveinn Dúa Hjörleifsson,Eyrún Unnarsdóttir,Elmar GIlbertsson,Álfheiður Guðmundsdóttir,Kristján Jóhannesson Skoðun
Frábær fundur, frábært framtak, vanvirk stjórnsýsla, meðvirk stjórnvöld Ögmundur Jónasson Skoðun