Ísland vann B-riðil með fullt hús stiga en fékk verðuga keppni frá Belgum í kvöld.
Fór að lokum svo að Ísland vann 3-2 sigur þar sem Axel Snær Orongan gerði tvö mörk og Halldór Skúlason eitt.
Auk Íslands og Belgíu voru Mexíkó og Georgía í B-riðli 2.deildar en leikurinn í kvöld var úrslitaleikur um hvort Ísland eða Belgía ynni riðilinn.
Jóhann Már Leifsson spilaði frábærlega fyrir íslenska liðið í riðlinum og var valinn besti leikmaður keppninnar.
