Söfnuðu stórfé þegar kvikmyndakempur í misgóðu formi tókust á

Í stúkunni fylgdist Ólafur Björn Gunnarsson kvikmyndargerðarmaður með. 

Markmið dagsins var að safna fyrir Óla Björn, sem hefur ekki getað unnið frá því að hann lenti í slysi á tökustað fyrir The Witcher hér um árið. 

Hann fékk hlera í höfuðið og glímir enn við langvinnan heilahristing.

Í stuttu samtali við fréttastofu segist Óli Björn innilega þakklátur fyrir stuðninginn, kvikmyndargerðarfólk sé ein stór fjölskylda.

Söfnunin var á vegum Kökusneiðar, styrktarsjóðs kvikmyndargerðarmanna. 

Baltasar Kormákur var fyrirliði íslenska liðsins og keppinauturinn var erlent tökulið kvikmyndarinnar Heart of Stone. 

Baltasar ræddi við fréttastofu rétt fyrir leik og lýsti því að síðast hefði hann spilað knattspyrnu fyrir Neista frá Hofsósi árið 2006.