Sest í helgan stein eftir áttundu Ólympíuleikana Hallgerður Kolbrún E. Jónsdóttir skrifar 28. júlí 2021 20:58 Hér má annar svegar sjá Chusovitinu að lokinni keppni í Tókýó í vikunni og hins vegar á Friðarleikunum í Seattle í Bandaríkjunum árið 1990, þegar hún keppti fyrir Sovétríkin. Vísir/Getty Fimleikakonan Oksana Chusovitina er sest í helgan stein eftir nær fjögurra áratuga feril. Chusovitina keppti á sínum áttundu og síðustu Ólympíuleikum, í Tókýó í Japan, en hún hefur keppt á hverjum einustu leikum frá árinu 1992 þegar leikarnir fóru fram í Barcelona. Það eru ekki margir fimleikamenn sem geta stært sig af svo löngum ferli, enda er íþróttin þekkt fyrir hve ungir keppendur eru. Flestir tala um að sé fimleikafólk komið yfir miðjan þrítugsaldur sé það í raun orðið háaldrað í íþróttinni. En ekki Chusovitina, sem er í dag 46 ára gömul. Chusovitina er elsta fimleikakonan sem keppt hefur á Ólympíuleikunum. Elsta fimleikakona allra tíma, sem keppt hefur á Ólympíuleikunum. Það hlýtur að teljast afrek. Nær fjögurra áratuga ferill að lokum kominn Chusovitina fæddist þann 19. júní árið 1975 í borginni Bukhara í Úsbekistan. Hún fór að æfa fimleika árið 1982, þá sjö ára gömul, og sigraði sitt fyrsta stórmót árið 1988, þá þrettán ára. Á þeim tíma var Úsbekistan hluti af Sovétríkjunum og lék hún lykilhlutverk í landsliði Sovétríkjanna. Á meðan hún keppti fyrir Sovétríkin sópaði hún til sín verðlaunum og keppti fyrir Sameinaða liðið (e. Unified team) á Ólympíuleikunum 1992. Liðið var íþróttalið ríkjanna sem áður tilheyrðu Sovétríkjunum sem árið 1992 voru fallin. Oksana Chusovitina 1992 Olympics floor. This is Oksana Chusovitina 8th Olympics!! No words to describe how impressive that is. Forever an icon. Wishing Oksana the best of luck! I m so excited to watch. pic.twitter.com/bif8O8ZTna— Alexandra Raisman (@Aly_Raisman) July 24, 2021 Hélt áfram að keppa til að tryggja syninum læknisþjónustu Eftir það sneri hún aftur til Úsbekistan og keppti fyrir ríkið til ársins 2005. Á þeim tólf árum sem hún keppti fyrir liðið steig hún meira en sjötíu sinnum á verðlaunapall á alþjóðlegum mótum. Árið 2002 flutti Chusovitina til Þýskalands með eiginmanni sínum Bakhodir Kurbanov, samlanda sínum og Ólympíufara í glímu, og syni þeirra Alisher. Alisher hafði stuttu áður greinst með hvítblæði, aðeins þriggja ára gamall, og flutti fjölskyldan til Þýskalands til að drengurinn gæti fengið almennilega læknisþjónustu. Hér má sjá Chusovitinu knúsa þjálfarann sinn að lokinni keppni í Tókýó þann 25. júlí síðtastliðinn.Getty/Laurence Griffiths Til þess að tryggja drengnum læknismeðferð hélt Chusovitina áfram að keppa en hún gat ekki keppt fyrir Þýska landsliðið fyrr en árið 2006 þegar hún hafði loks fengið ríkisborgararétt. Á meðan keppti hún fyrir Úsbekistan á stórmótum, þar á meðal á Ólympíuleikunum 1996, 2000 og 2004. Hún keppti svo fyrir Þýska landsliðið á Ólympíuleikunum í Peking árið 2008 og á leikunum í Lundúnum árið 2012 en sneri aftur til heimalandsliðsins árið 2013. Hún keppti þá fyrir Úsbekistan á Ólympíuleikunum í Ríó árið 2016 og nú í Tókýó árið 2021. Lófatak og tár Chusovitina er eins og við má búast goðsagnakennd fimleikakona, enda hefur hún tryggt sér ákveðna sérstöðu í greininni. Fimm erfiðar æfingar eru nefndar eftir henni og er hún sú fimleikakona sem bestu íþróttamenn í greininni vilja ná mynd af sér með á stórmótum. 46 years old and in Eighth and final Olympic games.Oksana Chusovitina bows out a legend and surrounded by a new generation of legends.#Tokyo2020 #Olympics #ArtisticGymnastics pic.twitter.com/sw35fkiQC9— #OlympicsEternal (@OlympicsEternal) July 25, 2021 Hún lauk glæstum ferli sínum á Ólympíuleikunum í Tókýó, á sunnudaginn, með því að keppa í stökki og tók hún eina og hálfa skrúfu af hestinum. Að lokinni æfingunni stóðu allir í salnum upp fyrir henni og klöppuðu. Stundin var tilfinningaþrungin og mátti sjá tár á hvarmi hjá íþróttastjörnunni. Ólympíuleikar Ólympíuleikar 2020 í Tókýó Fimleikar Fréttaskýringar Sovétríkin Þýskaland Úsbekistan Mest lesið Uppgjörið: KR - Stjarnan 102-98 | Meistararnir töpuðu í Vesturbænum Körfubolti Lætur ekki einn slæman leik hafa áhrif á verkefnið Fótbolti „Var í vímu þarna í smá stund af gleði og æsingi“ Körfubolti „Þá er erfitt að spila hér“ Körfubolti Uppgjörið: Keflavík - ÍR 92-83| Breyttir tímar hjá Keflvíkingum? Körfubolti „Fannst þetta full mikil brekka“ Körfubolti Uppgjörið: ÍA - Þór Þ. 102-92 | Gulir og glaðir byrja á sigri Körfubolti Féll á lyfjaprófi á HM íslenska hestsins og missir silfur: „Eins og ég sé glæpamaður“ Sport Gagnrýna meðferðina á Gylfa Sig: „Mér finnst þetta vera óskiljanlegt“ Íslenski boltinn Afturelding áfram með fullt hús stiga Handbolti Fleiri fréttir Lætur ekki einn slæman leik hafa áhrif á verkefnið Uppgjörið: KR - Stjarnan 102-98 | Meistararnir töpuðu í Vesturbænum „Var í vímu þarna í smá stund af gleði og æsingi“ Uppgjörið: ÍA - Þór Þ. 102-92 | Gulir og glaðir byrja á sigri „Þá er erfitt að spila hér“ Uppgjörið: Keflavík - ÍR 92-83| Breyttir tímar hjá Keflvíkingum? „Fannst þetta full mikil brekka“ „Við ætlum ekki að sætta okkur við áttunda sæti eins og í fyrra“ Uppgjörið: Álftanes - Ármann 121-69 | Löng bið gestanna ekki þess virði Afturelding áfram með fullt hús stiga Elías Rafn stóð vaktina í sigri Midtjylland á Nottingham Forest Markaflóð á Akureyri Palace neitar að tapa „Örugglega enginn sem nennir að hlusta á það“ Viktor Gísli og félagar í Barcelona heimsmeistarar félagsliða Lausanne - Breiðablik 3-0 | Enn stigalausir á stóra sviðinu Sævar Atli neitar að fara úr markaskónum Hákon Arnar skoraði sigurmarkið en Özer stal fyrirsögninni Gömlu United-mennirnir blómstruðu í Meistaradeildinni Hófí Dóra vann Suður-Ameríkubikarinn Tíu íslensk mörk þegar Magdeburg tók bronsið Ekkert þriggja stiga skot þegar Ármann spilaði síðast í efstu deild Fannst Þórsarar og Lárus þurfa frí frá hvor öðrum Benedikt gefur Stjörnunni ráð: Alls ekki hringja í eldri bróðurinn Gullboltahafinn ekki til Íslands Íranar mega ekki mæta á HM-dráttinn Þorsteinn fær annan aðstoðarmann frá Þrótti „Vorum eiginlega búnar að reka hana í hálfleik“ Pirraður yfir marki undir vegg: „Hann leggst bara í einhverja fósturstellingu“ Drónabannið í Danmörku skapar vandamál fyrir fótboltafélögin Sjá meira
Það eru ekki margir fimleikamenn sem geta stært sig af svo löngum ferli, enda er íþróttin þekkt fyrir hve ungir keppendur eru. Flestir tala um að sé fimleikafólk komið yfir miðjan þrítugsaldur sé það í raun orðið háaldrað í íþróttinni. En ekki Chusovitina, sem er í dag 46 ára gömul. Chusovitina er elsta fimleikakonan sem keppt hefur á Ólympíuleikunum. Elsta fimleikakona allra tíma, sem keppt hefur á Ólympíuleikunum. Það hlýtur að teljast afrek. Nær fjögurra áratuga ferill að lokum kominn Chusovitina fæddist þann 19. júní árið 1975 í borginni Bukhara í Úsbekistan. Hún fór að æfa fimleika árið 1982, þá sjö ára gömul, og sigraði sitt fyrsta stórmót árið 1988, þá þrettán ára. Á þeim tíma var Úsbekistan hluti af Sovétríkjunum og lék hún lykilhlutverk í landsliði Sovétríkjanna. Á meðan hún keppti fyrir Sovétríkin sópaði hún til sín verðlaunum og keppti fyrir Sameinaða liðið (e. Unified team) á Ólympíuleikunum 1992. Liðið var íþróttalið ríkjanna sem áður tilheyrðu Sovétríkjunum sem árið 1992 voru fallin. Oksana Chusovitina 1992 Olympics floor. This is Oksana Chusovitina 8th Olympics!! No words to describe how impressive that is. Forever an icon. Wishing Oksana the best of luck! I m so excited to watch. pic.twitter.com/bif8O8ZTna— Alexandra Raisman (@Aly_Raisman) July 24, 2021 Hélt áfram að keppa til að tryggja syninum læknisþjónustu Eftir það sneri hún aftur til Úsbekistan og keppti fyrir ríkið til ársins 2005. Á þeim tólf árum sem hún keppti fyrir liðið steig hún meira en sjötíu sinnum á verðlaunapall á alþjóðlegum mótum. Árið 2002 flutti Chusovitina til Þýskalands með eiginmanni sínum Bakhodir Kurbanov, samlanda sínum og Ólympíufara í glímu, og syni þeirra Alisher. Alisher hafði stuttu áður greinst með hvítblæði, aðeins þriggja ára gamall, og flutti fjölskyldan til Þýskalands til að drengurinn gæti fengið almennilega læknisþjónustu. Hér má sjá Chusovitinu knúsa þjálfarann sinn að lokinni keppni í Tókýó þann 25. júlí síðtastliðinn.Getty/Laurence Griffiths Til þess að tryggja drengnum læknismeðferð hélt Chusovitina áfram að keppa en hún gat ekki keppt fyrir Þýska landsliðið fyrr en árið 2006 þegar hún hafði loks fengið ríkisborgararétt. Á meðan keppti hún fyrir Úsbekistan á stórmótum, þar á meðal á Ólympíuleikunum 1996, 2000 og 2004. Hún keppti svo fyrir Þýska landsliðið á Ólympíuleikunum í Peking árið 2008 og á leikunum í Lundúnum árið 2012 en sneri aftur til heimalandsliðsins árið 2013. Hún keppti þá fyrir Úsbekistan á Ólympíuleikunum í Ríó árið 2016 og nú í Tókýó árið 2021. Lófatak og tár Chusovitina er eins og við má búast goðsagnakennd fimleikakona, enda hefur hún tryggt sér ákveðna sérstöðu í greininni. Fimm erfiðar æfingar eru nefndar eftir henni og er hún sú fimleikakona sem bestu íþróttamenn í greininni vilja ná mynd af sér með á stórmótum. 46 years old and in Eighth and final Olympic games.Oksana Chusovitina bows out a legend and surrounded by a new generation of legends.#Tokyo2020 #Olympics #ArtisticGymnastics pic.twitter.com/sw35fkiQC9— #OlympicsEternal (@OlympicsEternal) July 25, 2021 Hún lauk glæstum ferli sínum á Ólympíuleikunum í Tókýó, á sunnudaginn, með því að keppa í stökki og tók hún eina og hálfa skrúfu af hestinum. Að lokinni æfingunni stóðu allir í salnum upp fyrir henni og klöppuðu. Stundin var tilfinningaþrungin og mátti sjá tár á hvarmi hjá íþróttastjörnunni.
Ólympíuleikar Ólympíuleikar 2020 í Tókýó Fimleikar Fréttaskýringar Sovétríkin Þýskaland Úsbekistan Mest lesið Uppgjörið: KR - Stjarnan 102-98 | Meistararnir töpuðu í Vesturbænum Körfubolti Lætur ekki einn slæman leik hafa áhrif á verkefnið Fótbolti „Var í vímu þarna í smá stund af gleði og æsingi“ Körfubolti „Þá er erfitt að spila hér“ Körfubolti Uppgjörið: Keflavík - ÍR 92-83| Breyttir tímar hjá Keflvíkingum? Körfubolti „Fannst þetta full mikil brekka“ Körfubolti Uppgjörið: ÍA - Þór Þ. 102-92 | Gulir og glaðir byrja á sigri Körfubolti Féll á lyfjaprófi á HM íslenska hestsins og missir silfur: „Eins og ég sé glæpamaður“ Sport Gagnrýna meðferðina á Gylfa Sig: „Mér finnst þetta vera óskiljanlegt“ Íslenski boltinn Afturelding áfram með fullt hús stiga Handbolti Fleiri fréttir Lætur ekki einn slæman leik hafa áhrif á verkefnið Uppgjörið: KR - Stjarnan 102-98 | Meistararnir töpuðu í Vesturbænum „Var í vímu þarna í smá stund af gleði og æsingi“ Uppgjörið: ÍA - Þór Þ. 102-92 | Gulir og glaðir byrja á sigri „Þá er erfitt að spila hér“ Uppgjörið: Keflavík - ÍR 92-83| Breyttir tímar hjá Keflvíkingum? „Fannst þetta full mikil brekka“ „Við ætlum ekki að sætta okkur við áttunda sæti eins og í fyrra“ Uppgjörið: Álftanes - Ármann 121-69 | Löng bið gestanna ekki þess virði Afturelding áfram með fullt hús stiga Elías Rafn stóð vaktina í sigri Midtjylland á Nottingham Forest Markaflóð á Akureyri Palace neitar að tapa „Örugglega enginn sem nennir að hlusta á það“ Viktor Gísli og félagar í Barcelona heimsmeistarar félagsliða Lausanne - Breiðablik 3-0 | Enn stigalausir á stóra sviðinu Sævar Atli neitar að fara úr markaskónum Hákon Arnar skoraði sigurmarkið en Özer stal fyrirsögninni Gömlu United-mennirnir blómstruðu í Meistaradeildinni Hófí Dóra vann Suður-Ameríkubikarinn Tíu íslensk mörk þegar Magdeburg tók bronsið Ekkert þriggja stiga skot þegar Ármann spilaði síðast í efstu deild Fannst Þórsarar og Lárus þurfa frí frá hvor öðrum Benedikt gefur Stjörnunni ráð: Alls ekki hringja í eldri bróðurinn Gullboltahafinn ekki til Íslands Íranar mega ekki mæta á HM-dráttinn Þorsteinn fær annan aðstoðarmann frá Þrótti „Vorum eiginlega búnar að reka hana í hálfleik“ Pirraður yfir marki undir vegg: „Hann leggst bara í einhverja fósturstellingu“ Drónabannið í Danmörku skapar vandamál fyrir fótboltafélögin Sjá meira