Ó­sigraður Kol­beinn hjálpar Fjallinu í boxhringnum

Hafþór Júlíus Björnsson varð faðir í annað sinn á dögunum en hann gefur þó ekkert eftir í boxhringnum enda innan við ár í bardagann gegn Eddie Hall.

Það vakti athygli margra er aflraunamennirnir Eddie og Hafþór komust að samkomulagi um að berjast í boxhringnum í Las Vegas á næsta ári en ansi köldu lofti andar þeirra á milli.

Hafþór hefur sótt kennslu frá reynslumiklum mönnum í aðdraganda bardagsins og heldur áfram að æfa eins og enginn sé morgundagurinn, þó að bardaginn fari fram í september á næsta ári.

Í nýjasta myndbandi Hafþórs má sjá Kolbein Kristinsson, atvinnuboxara, hjálpa Hafþóri en Kolbeinn hefur farið ellefu sinnum í boxhringinn á sínum atvinnumannaferli. Hann á enn eftir að tapa bardaga.

Nýjustu færslu Hafþórs má sjá hér að neðan.