Þurftu túlk vegna þjófa

Lögreglan á höfuðborgarsvæðinu hafð ií gærkvöldi afskipti af sjö erlendum aðilum í verslunarmiðstöð í Breiðholti. Þrír þeirra voru grunaðir um þjófnað og voru stöðvaðir í verslun þar. Samkvæmt dagbók lögreglunnar komu þá hinir fjórir inn í málið.

Allir voru færðir á lögreglustöð þar sem unnið var úr málinu með aðstoð túlks.

Að öðru leiti virðist sem að kvöldið og nóttin hafi verið tíðindalítil hjá lögreglunni. Einn bíll var þó stöðvaður í Garðabæ í gærkvöldi og er ökumaður hans grunaður um ölvun við akstur og akstur án réttinda.