Sport

Stöð 2 Sport sýnir beint frá nýju pílukastsmóti sem hefst í kvöld

Ingvi Þór Sæmundsson skrifar
Peter Wright varð heimsmeistari í fyrsta sinn eftir sigur á Michael van Gerwen í úrslitaleik HM á nýársdag á þessu ári. Hann keppir á PDC Home Tour sem hefst í kvöld. Sýnt verður beint frá mótinu á Stöð 2 Sport 2.
Peter Wright varð heimsmeistari í fyrsta sinn eftir sigur á Michael van Gerwen í úrslitaleik HM á nýársdag á þessu ári. Hann keppir á PDC Home Tour sem hefst í kvöld. Sýnt verður beint frá mótinu á Stöð 2 Sport 2. vísir/getty

Stöð 2 Sport hefur tryggt sér sýningarrétt á PDC Home Tour mótinu í pílukasti.

Sýnt verður frá mótinu á Stöð 2 Sport 2. Keppni hefst í kvöld og stendur til 18. maí. Bein útsending hefst alltaf klukkan 18:30.

Um er að ræða nýtt mót þar sem keppendur eru heima í stofu og mætast í gegnum internetið ef svo má segja.

Á hverju kvöldi mætast fjórir keppendur innbyrðis. Sigurvegarinn kemst í útsláttarkeppni. Vinna þarf fimm „leggi“ til að vinna leik.

Heimsmeistarinn Peter „Snakebite“ Wright keppir í fyrsta riðlinum í kvöld ásamt Peter Jacques, Jamie Lewis og Niels Zonnevald.

Flestir af bestu pílukösturum heims taka þátt í PDC Home Tour. Gary Anderson, sem varð heimsmeistari 2015 og 2016, verður þó fjarri góðu gamni því nettengingin heima hjá honum er ekki nógu góð.

Pílukast

Mest lesið


Fleiri fréttir

Sjá meira


×

Mest lesið