Lokatilboðið ekkert lággjaldaflugfélagstilboð að sögn Boga Stefán Ó. Jónsson skrifar 20. maí 2020 17:03 Bogi Nils Bogason, forstjóri Icelandair, segir það vonbrigði að ekki hafi tekist að semja við FFÍ. Vísir/vilhelm Forstjóri Icelandair Group segir að lokatilboð félagsins til Flugfreyjufélags Íslands, sem ekki var gengið að á fundi samninganefnda félaganna í dag, hafi falið í sér krónutöluhækkarnir á hæstu og lægstu laun, um 12 prósent hækkun í tilfelli síðarnefnda hópsins. Þrátt fyrir kröfu um aukið vinnuframlag frá flugfreyjum og þjónum innihaldi samningurinn starfskjör fyrir flugliða sem séu með því besta sem þekkist á Vesturlöndum. Samningafundi FFÍ og Icelandair Group var slitið á þriðja tímanum, ekki hefur verið boðað til nýs fundar og telur Icelandair að ekki verði lengra komist í viðræðunum. Bogi Nils Bogason, forstjóri Icelandair Group, segir niðurstöðuna vonbrigði og að flugfélagið meti hvaða leikir séu í stöðunni. Aldrei hafi staðið til að semja við flugfreyjur utan Flugfreyjufélags Íslands, eins og Morgunblaðið lét í veðri vaka í morgun. Ætlun Icelandair hafi ætíð verið að ná samningi við FFÍ og að félagið hafi verið í viðræðunum að heilindum, að sögn Boga sem ræddi málið í Reykjavík síðdegis. Gríðarleg vinna hafi verið lögð í samningaviðræðurnar af þeim sökum, rétt eins og í viðræður við aðra flugstéttir hjá félaginu. Flugvirkjar hafa þegar samþykkt samning við félagið sem felur í sér kjaraskerðingu og flugmenn greiða nú atkvæði um samning sem felur í sér afnám hvíldarbónusa, ýmis konar frís og kauphækkana í framtíðinni. Báðar þessar stéttar hafa þó fengið kjarabætur á síðustu árum, ólíkt flugfreyjum og þjónum sem hafa setið eftir af flugstéttunum. FFÍ sendi frá sér yfirlýsingu nú síðdegis þar sem félagið lýsir miklum vonbrigðum með „einarða og óbilgjarna afstöðu Icelandair.“ Félagið hafi að mestu haldið sig við upphaflegt tilboð sitt á meðan FFÍ hafi reynt að koma til móts við fyrirtækið. „Tilboðið sem var lagt fram í dag fól m.a. í sér aukið vinnuframlag, eftirgjöf á flug-, vakt- og hvíldartímaákvæðum sem gefa fyrirtækinu möguleika til verulegrar hagræðingar, aukins sveigjanleika og vaxtar. Fyrirtækið hefur hins vegar á engum tímapunkti verið tilbúið til viðræðna á raunhæfum grunni,“ segir FFÍ. Bogi Nils segir því ekki að neita að samningstilboð Icelandair, sem félagið segir að sé lokatilboð þess, feli í sér aukið vinnuframlag. Aftur á móti hafi Icelandair reynt að standa vörð um ráðstöfunartekjur flugfreyja og þjóna, auk þess sem í samningum felist krónutöluhækkun. Þar hækki laun þeirra lægst launuðu mest, eða um 12 prósent, en jafnframt hækki kaupið í efri launaþrepum. Þó sé verið að taka út „millistjórnunarhlutverk flugfreyja“ að sögn Boga sem einfaldi skipulag félagsins. Þrátt fyrir aukið vinnuframlag og sveigjanleika segir Bogi að með tilboði sínu í dag hefði Icelandair færst nær samkeppnisfélögum sínum í þessum efnum. Þá segist Bogi ekki vera að tala um lággjaldafélög heldur önnur félög á Norðurlöndum eins og SAS og Finnair. Tilboðið sem Icelandair hafi lagt fram í dag feli þannig í sér starfskjör flugliða sem séu með því besta sem þekkist á Vesturlöndum. Engir peningar frá lífeyrissjóðum Næstu skref séu nú í skoðun hjá félaginu en ljóst verður að teljast að einhver niðurstaða verði komin í þessi mál fyrir föstudag þegar hluthafafundur Icelandair Group fer fram. Bogi segir að til að tryggja að væntanlegt hlutafjárútboði gangi sem skyldi þurfi félagið að sýna fram á góðar framtíðarhorfur. Launakostnaður sé stór útgjaldaliður og segir mikið um samkeppnishæfni félagsins til framtíðar. Verkalýðshreyfingin hefur sett Icelandair Group stólinn fyrir dyrnar og sagst ætla að beita lífeyrissjóðunum semji Icelandair framhjá FFÍ. Lífeyrissjóðirnir muni ekki leggja félaginu til aukið fjármagn ákveði Icelandair að grafa undan samstöðu launafólks og eyðileggja verkalýðsfélög. Icelandair Kjaramál Tengdar fréttir Icelandair segist ekki hafa átt í viðræðum við önnur stéttarfélög Icelandair segist vera í kjarasamningaviðræðum sínum við Flugfreyjufélag Íslands af heilindum. Ekki hafi komið til tals að semja við annað stéttarfélög um störf flugfreyja og þjóna. 20. maí 2020 12:43 Mest lesið Verðfall á Wall Street Viðskipti erlent Leiðtogar ESB íhuga háa sekt á X og Musk Viðskipti erlent Talaði gegn eigin ráðgjöfum um tollana Viðskipti erlent Guðmundur í Brimi nýr formaður Viðskipti innlent Lítið sem ekkert fékkst upp í kröfur í þrotabú bakarísins Viðskipti innlent Eldrauð Kauphöll: Bandaríkjamenn horfi fram á lakari lífskjör Viðskipti innlent Sættast við Fjármálaeftirlitið og greiða fimmtán milljóna sekt Viðskipti innlent Hatar sjálfsafgreiðslukassa: „Ég er orðinn gamall karl að gefast upp á nútímanum“ Neytendur Kristjana til ÍSÍ Viðskipti innlent Tollastríð geti haft áhrif á vaxtalækkunarferli og íslenska ferðaþjónustu Viðskipti innlent Fleiri fréttir Eldrauð Kauphöll: Bandaríkjamenn horfi fram á lakari lífskjör Sættast við Fjármálaeftirlitið og greiða fimmtán milljóna sekt Guðmundur í Brimi nýr formaður Einar Hrafn og Díana Dögg til Reon Kristjana til ÍSÍ Nánast allir telja útgerðirnar geta greitt hærri veiðigjöld Lítið sem ekkert fékkst upp í kröfur í þrotabú bakarísins Kaupmáttur jókst á milli ára Tollastríð geti haft áhrif á vaxtalækkunarferli og íslenska ferðaþjónustu Trump-tollarnir muni ekki kollsteypa útflutningsgreinum Íslands „Svartari sviðsmynd en flestir bjuggust við“ ÍL-sjóður sýknaður í níu dómsmálum Öll félög lækkuðu nema þrjú Ísland megi ekki verða á milli í stríði ESB og Bandaríkjanna Ætla að skera utan af evrópsku persónuverndarlöggjöfinni Framlengja samstarf sem hefur komið tugum sprota á laggirnar Sveinn ráðinn verkefnastjóri erlends samstarfs Arnarlaxi bannað að fullyrða um sjálfbæran lax Tekur yfir rekstur Dollar og Thrifty 36 manns sagt upp í tveimur hópuppsögnum Tollar alltaf slæmir og skaða lífskjör almennings Neita að skila umsögn um frumvarpið fyrir tilskilinn frest Varaformaður kjörinn formaður Félags tæknifólks „Þetta kemur eins vel við okkur og hægt er“ Bæði vonbrigði og léttir Sjötíu sagt upp og fyrirtækið tekið til gjaldþrotaskipta Jón Haukur ráðinn svæðisstjóri Ceedr Sólveig Ása nýr framkvæmdastjóri Krafts Björgólfur tapaði 150 milljörðum milli ára Stjórnin telur RÚV enn vera of skuldsett Sjá meira
Forstjóri Icelandair Group segir að lokatilboð félagsins til Flugfreyjufélags Íslands, sem ekki var gengið að á fundi samninganefnda félaganna í dag, hafi falið í sér krónutöluhækkarnir á hæstu og lægstu laun, um 12 prósent hækkun í tilfelli síðarnefnda hópsins. Þrátt fyrir kröfu um aukið vinnuframlag frá flugfreyjum og þjónum innihaldi samningurinn starfskjör fyrir flugliða sem séu með því besta sem þekkist á Vesturlöndum. Samningafundi FFÍ og Icelandair Group var slitið á þriðja tímanum, ekki hefur verið boðað til nýs fundar og telur Icelandair að ekki verði lengra komist í viðræðunum. Bogi Nils Bogason, forstjóri Icelandair Group, segir niðurstöðuna vonbrigði og að flugfélagið meti hvaða leikir séu í stöðunni. Aldrei hafi staðið til að semja við flugfreyjur utan Flugfreyjufélags Íslands, eins og Morgunblaðið lét í veðri vaka í morgun. Ætlun Icelandair hafi ætíð verið að ná samningi við FFÍ og að félagið hafi verið í viðræðunum að heilindum, að sögn Boga sem ræddi málið í Reykjavík síðdegis. Gríðarleg vinna hafi verið lögð í samningaviðræðurnar af þeim sökum, rétt eins og í viðræður við aðra flugstéttir hjá félaginu. Flugvirkjar hafa þegar samþykkt samning við félagið sem felur í sér kjaraskerðingu og flugmenn greiða nú atkvæði um samning sem felur í sér afnám hvíldarbónusa, ýmis konar frís og kauphækkana í framtíðinni. Báðar þessar stéttar hafa þó fengið kjarabætur á síðustu árum, ólíkt flugfreyjum og þjónum sem hafa setið eftir af flugstéttunum. FFÍ sendi frá sér yfirlýsingu nú síðdegis þar sem félagið lýsir miklum vonbrigðum með „einarða og óbilgjarna afstöðu Icelandair.“ Félagið hafi að mestu haldið sig við upphaflegt tilboð sitt á meðan FFÍ hafi reynt að koma til móts við fyrirtækið. „Tilboðið sem var lagt fram í dag fól m.a. í sér aukið vinnuframlag, eftirgjöf á flug-, vakt- og hvíldartímaákvæðum sem gefa fyrirtækinu möguleika til verulegrar hagræðingar, aukins sveigjanleika og vaxtar. Fyrirtækið hefur hins vegar á engum tímapunkti verið tilbúið til viðræðna á raunhæfum grunni,“ segir FFÍ. Bogi Nils segir því ekki að neita að samningstilboð Icelandair, sem félagið segir að sé lokatilboð þess, feli í sér aukið vinnuframlag. Aftur á móti hafi Icelandair reynt að standa vörð um ráðstöfunartekjur flugfreyja og þjóna, auk þess sem í samningum felist krónutöluhækkun. Þar hækki laun þeirra lægst launuðu mest, eða um 12 prósent, en jafnframt hækki kaupið í efri launaþrepum. Þó sé verið að taka út „millistjórnunarhlutverk flugfreyja“ að sögn Boga sem einfaldi skipulag félagsins. Þrátt fyrir aukið vinnuframlag og sveigjanleika segir Bogi að með tilboði sínu í dag hefði Icelandair færst nær samkeppnisfélögum sínum í þessum efnum. Þá segist Bogi ekki vera að tala um lággjaldafélög heldur önnur félög á Norðurlöndum eins og SAS og Finnair. Tilboðið sem Icelandair hafi lagt fram í dag feli þannig í sér starfskjör flugliða sem séu með því besta sem þekkist á Vesturlöndum. Engir peningar frá lífeyrissjóðum Næstu skref séu nú í skoðun hjá félaginu en ljóst verður að teljast að einhver niðurstaða verði komin í þessi mál fyrir föstudag þegar hluthafafundur Icelandair Group fer fram. Bogi segir að til að tryggja að væntanlegt hlutafjárútboði gangi sem skyldi þurfi félagið að sýna fram á góðar framtíðarhorfur. Launakostnaður sé stór útgjaldaliður og segir mikið um samkeppnishæfni félagsins til framtíðar. Verkalýðshreyfingin hefur sett Icelandair Group stólinn fyrir dyrnar og sagst ætla að beita lífeyrissjóðunum semji Icelandair framhjá FFÍ. Lífeyrissjóðirnir muni ekki leggja félaginu til aukið fjármagn ákveði Icelandair að grafa undan samstöðu launafólks og eyðileggja verkalýðsfélög.
Icelandair Kjaramál Tengdar fréttir Icelandair segist ekki hafa átt í viðræðum við önnur stéttarfélög Icelandair segist vera í kjarasamningaviðræðum sínum við Flugfreyjufélag Íslands af heilindum. Ekki hafi komið til tals að semja við annað stéttarfélög um störf flugfreyja og þjóna. 20. maí 2020 12:43 Mest lesið Verðfall á Wall Street Viðskipti erlent Leiðtogar ESB íhuga háa sekt á X og Musk Viðskipti erlent Talaði gegn eigin ráðgjöfum um tollana Viðskipti erlent Guðmundur í Brimi nýr formaður Viðskipti innlent Lítið sem ekkert fékkst upp í kröfur í þrotabú bakarísins Viðskipti innlent Eldrauð Kauphöll: Bandaríkjamenn horfi fram á lakari lífskjör Viðskipti innlent Sættast við Fjármálaeftirlitið og greiða fimmtán milljóna sekt Viðskipti innlent Hatar sjálfsafgreiðslukassa: „Ég er orðinn gamall karl að gefast upp á nútímanum“ Neytendur Kristjana til ÍSÍ Viðskipti innlent Tollastríð geti haft áhrif á vaxtalækkunarferli og íslenska ferðaþjónustu Viðskipti innlent Fleiri fréttir Eldrauð Kauphöll: Bandaríkjamenn horfi fram á lakari lífskjör Sættast við Fjármálaeftirlitið og greiða fimmtán milljóna sekt Guðmundur í Brimi nýr formaður Einar Hrafn og Díana Dögg til Reon Kristjana til ÍSÍ Nánast allir telja útgerðirnar geta greitt hærri veiðigjöld Lítið sem ekkert fékkst upp í kröfur í þrotabú bakarísins Kaupmáttur jókst á milli ára Tollastríð geti haft áhrif á vaxtalækkunarferli og íslenska ferðaþjónustu Trump-tollarnir muni ekki kollsteypa útflutningsgreinum Íslands „Svartari sviðsmynd en flestir bjuggust við“ ÍL-sjóður sýknaður í níu dómsmálum Öll félög lækkuðu nema þrjú Ísland megi ekki verða á milli í stríði ESB og Bandaríkjanna Ætla að skera utan af evrópsku persónuverndarlöggjöfinni Framlengja samstarf sem hefur komið tugum sprota á laggirnar Sveinn ráðinn verkefnastjóri erlends samstarfs Arnarlaxi bannað að fullyrða um sjálfbæran lax Tekur yfir rekstur Dollar og Thrifty 36 manns sagt upp í tveimur hópuppsögnum Tollar alltaf slæmir og skaða lífskjör almennings Neita að skila umsögn um frumvarpið fyrir tilskilinn frest Varaformaður kjörinn formaður Félags tæknifólks „Þetta kemur eins vel við okkur og hægt er“ Bæði vonbrigði og léttir Sjötíu sagt upp og fyrirtækið tekið til gjaldþrotaskipta Jón Haukur ráðinn svæðisstjóri Ceedr Sólveig Ása nýr framkvæmdastjóri Krafts Björgólfur tapaði 150 milljörðum milli ára Stjórnin telur RÚV enn vera of skuldsett Sjá meira
Icelandair segist ekki hafa átt í viðræðum við önnur stéttarfélög Icelandair segist vera í kjarasamningaviðræðum sínum við Flugfreyjufélag Íslands af heilindum. Ekki hafi komið til tals að semja við annað stéttarfélög um störf flugfreyja og þjóna. 20. maí 2020 12:43