Yfirmaður dómaranna í Skotlandi lést eftir langvarandi veikindi

John Fleming, yfirmaður dómaramála hjá skoska knattspyrnusambandinu, er látinn 62 ára að aldri en hann lést eftir langvarandi baráttu við veikindi.

Fleming hafði verið yfirmaður dómaranna í Skotlandi í átta ár en hann kom fyrst inn í störf sambandsins árið 2009. Hann naut mikillar virðingar í starfi.

Fleming var í hæsta flokki dómara í Skotlandi þegar hann var enn að dæma og var á lista FIFA frá 1994 til 1997. Hann var hluti af dómarateymi Skota á EM í Englandi 1996.

John Fleming, Scottish FA head of refereeing operations, dies at 62https://t.co/ihHKSViYeapic.twitter.com/wsWljTkajw

— BBC Sport Scotland (@BBCSportScot) October 23, 2019

Hann vann einnig fyrir UEFA þar sem hann var meðal annars eftirlitsmaður dómara í Evrópukeppnum og landsleikjum, sama starf og Kristinn Jakobsson, fyrrum milliríkjadómari, hefur sinnt undanfarin ár fyrir Íslands hönd.

It is with profound sadness that the Scottish FA confirms that Head of Referee Operations, John Fleming, has passed away after a prolonged illness.https://t.co/iKllC0wNo7

— Scottish FA (@ScottishFA) October 23, 2019