Fékk sér tattú af Tom Brady á rassinn | Mynd

Íbúar Boston voru að sjálfsögðu í skýjunum eftir ótrúlegan sigur New England Patriots í Ofurskálinni fyrir tæpum tveimur vikum.

Ofurskálin fór fram 5. febrúar og tveimur dögum síðar var mikil sigurhátíð í Boston.

Það var nóg að gera á húðflúrstofunni Boston Barber & Tattoo Co. þennan dag.

Ein beiðnin sem starfsmenn stofunnar fengu þennan dag var sérstakari en aðrar. Maður, íklæddur treyju Toms Brady, bað nefnilega um að fá Brady flúraðan á rassinn á sér.

Að sögn Emily Arsenault, starfsmanns húðflúrstofunnar, ákvað maðurinn kvöldið áður að fá sér Brady á vinstri rasskinnina.

Það tók um 2-3 tíma að klára verkið en afraksturinn má sjá hér að neðan.

here's that Tatt of TB12 on a bum bum I was just talking about on @wzlx . courtesy of @BostonBarberCo Now that's @Patriots dedication pic.twitter.com/A6C0zRMcXp

— Kenny Young (@KennyYoungZLX) February 16, 2017