Áttunda hvert ungmenni á aldrinum fimmtán til sautján ára hefur ekki farið til tannlæknis um tveggja ára skeið og helmingur þeirra ekki um þriggja ára skeið.
Þetta kemur fram í svari heilbrigðisráðherra við fyrirspurn Ágústs Ólafs Ágústssonar, þingmanns Samfylkingarinnar. Í svarinu kemur fram að fimmtán til sautján ára ungmenni eru þau sem síst fara til tannlæknis þegar yngstu börnunum sleppir.