Seahawks lenti í á­falli en endur­tók samt sigurinn úr Ofurskálinni

Seattle Seahawks lentu í áfalli snemma í leiknum þegar Sam Darnold, aðalleikstjórnandi liðsins, þurfti að fara af velli eftir að hafa meiðst í mjöðminni. Varaleikstjórnandinn Drew Lock kom þá í staðinn og hann nýtti tækifærið sitt vel.

New England Patriots náði forystunni með snertimarki í öðrum leikhluta og leiddi stöðuna 7-0. Snemma í þriðja leikhluta skoruðu Patriots úr vallarmarki og staðan var orðin 10-0 fyrir Patriots og ljóst að Seahawks þurfti að spýta í lófana.

Seahawks svaraði með sínu eigin vallarmarki og í næstu sókn náði Nehemiah Pritchett að grípa inn í sendingu frá Drake Maye, liðsstjórnanda Patriots. Seahawks nýtti sóknina og náði Jaxon Smith-Njigba snertimarki og allt í einu var leikurinn jafn 10-10.

Í næstu sókn kastaði Drake Maye aftur frá sér og komust Seahawks því aftur í sókn. Sú sókn endaði með vallarmarki og reyndust það vera síðustu stig leiksins.

Drake Maye kastaði 10 stiga forystu New Englands Patriots í burtu og náði Seattle Seahawks að endurtaka sigurinn frá Ofurskálinni í febrúar. Þrátt fyrir það var mikið áfall fyrir Seahawks að missa Sam Darnold úr liðinu en hann fór í læknisskoðun eftir leik sem leit vel út. Hann ætti því ekki að vera frá vellinum lengi.