Fara fram á gæslu­varð­hald eftir „stór­fellda líkams­á­rás“

Þetta staðfestir Bylgja Hrönn Baldursdóttir, aðstoðaryfirlögregluþjónn hjá miðlægri rannsóknardeild lögreglunnar. Greint var frá því í gær að árásinni, sem var lýst sem stórfelldri í dagbók lögreglu, væri komin á borð miðlægrar rannsóknardeildar lögreglunnar.

Aðspurð hvort fórnarlamb árásarinnar sé á sjúkrahúsi segist Bylgja ekki vita „hvort hann sé enn á sjúkrahúsi“. Líðan hans sé þó „nokkuð góð“.

Lögreglan heldur spilunum ansi þétt að sér en að minnsta kosti einn er í haldi lögreglunnar vegna málsins og verður farið fram á gæsluvarðhald yfir viðkomandi.

Málið er í rannsókn hjá lögreglunni sem vildi ekki veita nánari upplýsingar um málið. 

Greint var frá árásinni í dagbók lögreglu á þriðjudagsmorgun svo leiða má leiða líkur að því að árásin hafi orðið á milli klukkan fimm síðdegis á mánudag og klukkan fimm á þriðjudagsmorgun.