Reyndi að stela verk­færum iðnaðar­manna

Þá hlaut maður í umdæmi Lögreglustöðvar 3 sekt fyrir að aka með filmur á fremri framrúðum en slíkt er brot á reglugerð um gerð og búnað ökutækja. Í sama umdæmi var ökumaður stöðvaður á 125 kílómetra hraða á klukkustund þar sem hámarkshraði var áttatíu.

Tilkynnt var um innbrot í geymslu í fjölbýli í umdæmi Lögreglustöðvar 4 sem sinnir norðurhluta borgarinnar auk Mosfellsbæjar. Þurfti lögregla þar líka að hafa afskipti af ökumanni án réttinda og öðrum sem talaði í farsíma undir stýri.

Miðsvæðis í Reykjavík þurfti lögregla að vísa manni úr verslun sem var í annarlegu ástandi. Þá barst einnig tilkynning um mann sem stolið hafði verkfærum iðnaðarmanna sem voru að störfum í verslunarmiðstöð. Þegar lögreglu bar að garði höfðu þeir náð að endurheimta verkfærin en maðurinn er enn ófundinn.