Innlent

Réðst á leigu­bíl­stjóra og neitaði að borga farið

Áróra L Davíðsdóttir skrifar
Er þetta meðal sextíu og fimm mála sem skráð voru í dagbók lögreglu um störf gærkvöldsins og næturinnar. Alls hafi þrír gist í fangageymslu í nótt.
Er þetta meðal sextíu og fimm mála sem skráð voru í dagbók lögreglu um störf gærkvöldsins og næturinnar. Alls hafi þrír gist í fangageymslu í nótt. Vísir/Anton Brink

Lögreglunni á höfuðborgarsvæðinu barst tilkynning um leigubílstjóra sem átti í vandræðum með farþega. Farþeginn hafi neitað að greiða fyrir farið og ráðist á bílstjórann. Hann hafi verið vistaður í þágu rannsóknar á málinu. Atvikið átti sér stað í umdæmi lögreglustöðvar eitt sem sinnir verkefnum Austurbæjar, Miðbæjar, Vesturbæjar og Seltjarnarness. 

Er þetta meðal sextíu og fimm mála sem skráð voru í dagbók lögreglu um störf gærkvöldsins og næturinnar. Alls hafi þrír gist í fangageymslu í nótt. 

Tilkynnt var um þjófnað í Laugardal en málið sé í rannsókn. 

Þá var einnig tilkynnt um umferðarslys í Grafarvogi þar sem ökumaður er grunaður um að hafa verið undir áhrifum fíkniefna. Hann hafi verið vistaður í þágu rannsóknar málsins. 

Lögregla hafði afskipti af fimm ökumönnum sem óku yfir löglegum hámarkshraða, tveimur ökumönnum undir áhrifum fíkniefna og tveimur sem óku án gildra ökuréttinda. 

Lögreglumál Reykjavík Leigubílar

Mest lesið


Fleiri fréttir

Sjá meira


×

Mest lesið