Hand­tekin á leið úr landi með ríf­lega hundrað fugls­egg og lifandi unga

Í færslu á Facebook-síðu Lögreglunnar á Austurlandi segir að eftir leit tollgæslu og lögreglu á bifreið parsins á Seyðisfirði hafi fundist ríflega hundrað egg villtra íslenskra fuglategunda, geymd í sérútbúnum hitatöskum. 

Einnig hafi fimm lifandi hrossagauksungar verið í fórum þeirra. Rjúpnaegg, heiðlóu- og spóaegg, æðar- og lómsegg, hrossagauks-, ritu- og andaregg hafi verið meðal eggjanna sem fundust í bifreið parsins. 

Þau handteknu hafi verið yfirheyrð samdægurs og búnaður þeirra handlagður. Þau hafi samþykkt og greitt sektargerð sem þeim var birt í gær. 

Lögregla hafi notið aðstoðar Náttúrufræðistofnunar Íslands og Náttúrustofu Austurlands sem tóku við eggjunum og ungunum í framhaldi handlagningar. Einnig hafi MAST verið upplýst um málið.