Höskuldur nýr fram­kvæmda­stjóri af­þreyingar- og ævintýrasviðs

Höskuldur er viðskiptafræðingur frá Háskóla Íslands og með PADI Divemaster leiðsöguréttindi í köfun. Er þetta meðal þess sem fram kemur í tilkynning en þar segir einnig að hann hafi „víðtæka reynslu af innlendri ferðaþjónustu úr störfum sínum hjá Dive og hafi náð miklum árangri í að marka stöðu fyrirtækisins sem fremst í sínum flokki á heimsmælikvarða“.

Vörumerkið hafi alla tíð verið þekkt fyrir áherslu á öryggi, framúrskarandi þjónustu og jákvæða upplifun gesta og hafi nýverið ferð Dive í Silfru hlotið þann titil að þykja besta einstaka upplifun ferðamanna í heimi á Tripadvisor.

Björn Ragnarsson, forstjóri Icelandia, segir mikla uppbyggingu vera hafna við Litlu Kaffistofuna en fyrirtækið keypti hana í ágúst síðasta árs.

„Undir afþreyingar- og ævintýrasvið heyra fjölbreyttar útivistarferðir Íslenskra Fjallaleiðsögumanna víða um landið ásamt köfunar- og snorklferðum DIVE og nýrri afþreyingarstarfsemi við Litlu Kaffistofuna sem er nú í eigu Icelandia. Þar er hafin mikil uppbygging með fjölbreyttu úrvali afþreyingar, fjórhjólaferða, veitingasölu og leigu á veislusal sem stóla á að við veitum framúrskarandi þjónustu. Höskuldur er því klárlega á heimavelli og mun án efa styrkja starfsemi sviðsins á þessari ævintýralegu vegferð,“ segir Björn.